Аюулаас хамгаалах асуудлаар зөвхөн АНУ-д найдах боломжгүй гэж үзэж байна

 “Хэд хэдэн төрлийн сорилтоос, түүний дотор Оросын аюулаас хамгаалах асуудлаар зөвхөн АНУ-д найдах боломжгүй болохыг Европ ойлгож эхэлж байна” гэж Латвийн Ерөнхийлөгч Раймонд Вейонис мэдэгджээ.РИА Новости агентлагийн мэдээлснээр, “Умард Атлантын эвсэлд буюу НАТО-д хэд хэдэн аюул нүүрлэж байгаагийн дотор Сири, Умард Африкийн тогтворгүй байдал, өсөн нэмэгдэж буй Хятадын нөлөө хийгээд хүч чадлаа гайхуулж байгаа Оросын аюул багтаж байна” гэж Латвийн төрийн тэргүүн тэмдэглэсэн байна

АНУ-Умард Солонгосын дээд хэмжээний уулзалтыг Т.Мэй магтан сайшаажээ

АНУ-Умард Солонгосын Сингапурт болсон дээд хэмжээний уулзалтын үр дүн нь бүс нутагт төдийгүй дэлхий дахины аюулгүй байдалд чухал гэж үзэж байгаагаа Их Британийн Ерөнхий сайд Тереза Мэй “CNBC” телевизэд ярилцлага өгөхдөө мэдэгджээ.Түүнчлэн тэрбээр Д.Трамп, Ким Жөн Ун нарын уулзалтыг магтан сайшааж байгаагаа илэрхийлсэн байна.АНУ-ын Ерөнхийлөгч Дональд Трамп, Умард Солонгосын удирдагч Ким Жөн Ун нар энэ сарын 12-нд Сингапурт уулзсан билээ

АНУ болон БНАСАУ-ын хамтарсан мэдэгдэл

АНУ-ын Ерөнхийлөгч Дональд Трамп болон БНАСАУ-ын дарга Ким Жөн Ун нарын Сингапурт хийсэн дээд хэмжээний уулзалтын үеэр гаргасан хамтарсан мэдэгдлийг бүрэн эхээр нь хүргэж байна.АНУ, БНАСАУ-ын хооронд шинэ харилцаа тогтоох нь Солонгосын хойг хийгээд дэлхий дахины энх тайван, хөгжил цэцэглэлтэд ач тустай гэдэгт итгэлтэй байгаагаа болон харилцан итгэлцлийг бэхжүүлэх нь Солонгосын хойгийг цөмийн зэвсгээс ангижруулахад тус дөхөм үзүүлэхийг хүлээн зөвшөөрч буйгаа АНУ-ын Ерөнхийлөгч Дональд Трамп болон БНАСАУ-ын дарга Ким Жөн Ун нар илэрхийлэн дараах мэдэгдлийг хийж байна:    АНУ болон БНАСАУ энх тайван, хөгжил цэцэглэлтийг эрхэмлэсэн хоёр улсын ард түмний хүсэл зоригт нийцүүлэн АНУ, БНАСАУ-ын хооронд шинэ харилцаа тогтоох үүрэг хүлээж байна. Солонгосын хойгт урт удаан хугацаанд тогтвортой энх тайван тогтооход чиглэсэн хамтын хүчин чармайлт тавихаа АНУ болон БНАСАУ илэрхийлж байна.   2018 оны дөрөвдүгээр сарын 27-нд болсон Панмунжомын уулзалтаас гаргасан Тунхаглалыг баримтлахаа нотлон БНАСАУ Солонгосын хойгийг цөмийн зэвсгээс бүрэн ангижруулах чиглэлд тууштай ажиллах үүрэг хүлээж байна. АНУ болон БНАСАУ цэргийн олзлогдогсод болон ажиллагааны үеэр сураггүй алга болсон Америкийн иргэдийг тогтоох, түүнчлэн хэдийнээ тогтоогоод байгаа хүмүүсийг нэн даруй эх оронд нь буцаах үүрэг хүлээж байна. АНУ-БНАСАУ-ын түүхэн дэх анхны дээд хэмжээний уулзалт нь олон арван жилийн турш үргэлжилсэн түгшүүртэй байдал хийгээд цэргийн сөргөлдөөнийг гэтлэн давах болон шинэ ирээдүй нээхэд чухал үүрэг гүйцэтгэх эрин үеийн онцгой үйл явдал болохыг АНУ-ын Ерөнхийлөгч Дональд Трамп болон БНАСАУ-ын дарга Ким Жөн Ун нар хүлээн зөвшөөрөхийн зэрэгцээ энэхүү хамтарсан мэдэгдлийн заалтуудыг бүрэн бөгөөд шуурхай хэрэгжүүлэх үүрэг хүлээж байна

Македоны нийслэлд эсэргүүцлийн ажиллагаа өрнөжээ

Македон улсын нэрийг өөрчлөх тухай хэлэлцээр болон Засгийн газрын бодлогыг эсэргүүцсэн ажиллагаа тус улсын нийслэл Скопье хотод болжээ. Энэ тухай үндэсний “МИА” агентлаг мэдээлэв.Жагсаал цуглаанд хэдэн мянган хүн оролцсон бөгөөд эсэргүүцлээ илэрхийлэхээр засгийн газрын байрны өмнө цугларч, “Нэг нэр- Македон” гэсэн уриа хашгиран Засгийн газрыг огцрохыг шаарджээ

Шаардлагатай тохиолдолд С-400 пуужин цогцолборыг ашиглахад бэлэн байгаагаа мэдэгджээ

Манай улсын эрх баригчид шаардлагатай тохиолдолд Оросын С-400 зенитийн пуужингийн цогцолборуудыг ашиглахад бэлэн гэж Туркийн Ерөнхийлөгч Режеп Тайип Эрдоган мэдэгджээ. Энэ тухай  “Hurriyet Daily News” сонин мэдээлэв. “Шаардлагатай гэж үзвэл С-400 зенитийн пуужингийн цогцолборыг бид ашиглах болно

Украинд ихээхэн хэмжээний санхүүгийн дэмжлэг үзүүлэхийг дэмжихийг уриалжээ

Украин улсад 1 тэрбум евро хүртэлх хэмжээний томоохон санхүүгийн тусламж үзүүлэхийг дэмжихийг Европын Комисс Европын Парламентад уриалжээ. Энэ тухай Европын Комиссын дэд ерөнхийлөгч Валдис Домбровскис Европын Парламентад явуулсан сонсгол дээр хэлсэн аж. "Украин болон Европын Холбооны түншлэл улам гүнзгийрч байна

Ирэх сонгуульд Д.Трамптай өрсөлдөж магадгүй Ардчилсан намын гишүүдтэй уулзжээ

2020 онд болох АНУ-ын ерөнхийлөгчийн сонгуульд оролцож магадгүй сөрөг хүчний Ардчилсан намын 10 гишүүнтэй тус улсын Ерөнхийлөгч асан Барак Обама нууц уулзалт хийжээ. АНУ-ын одоогийн Ерөнхийлөгч Дональд Трампыг сөрөх үйл ажиллагааг хэрхэн илүү үр ашигтай явуулах талаархи  үзэл бодлоо Б.Обама илэрхийлсэн байна

Оросыг "Их найм-д буцаан нэгтгэх нөхцөлийг Т.Мэй хэлжээ

Орос улсыг “Их найм”-д буцаан нэгтгэх нөхцөлийг Их Британийн Ерөнхий сайд Тереза Мэй парламентад үг хэлэх үеэрээ мэдэгжээ.   Тэрбээр хэлэхдээ “Крымын асуудалд хандах хандлагаа Оросын эрх баригчид өөрчлөх хүртэл тус улсыг “Их найм”-д буцаан нэгтгэх боломжийн талаархи аливаа яриа хэлэлцээг хийх боломжгүй” гэжээ. Өнгөрсөн долоо хоногт Канад улсад болсон “Их долоо” бүлгийн дээд хэмжээний уулзалтын үеэр тус бүлэгт Оросыг буцаан нэгтгэх нь зүйтэй гэсэн саналыг АНУ-ын Ерөнхийлөгч Дональд Трамп тавьсан юм

"Нормандын дөрвөл"-ийн Гадаад хэргийн сайд нар хоригдлуудыг чөлөөлөх асуудлыг хэлэлцжээ

Берлин хотод болсон “Нормандын дөрвөл”-ийн гадаад хэргийн сайд нарын яриа хэлэлцээний үеэр тус хэлэлцээнд оролцогч талууд хоригдлуудыг чөлөөлөх болон хүмүүнлэгийн асуудлуудыг хэлэлцсэн байна. Энэ тухай ОХУ-ын Гадаад хэргийн сайд Сергей Лавров сэтгүүлчдэд мэдэгджээ. Уулзалтын үеэр Украины гадаад хэргийн сайд Павел Климкинтэй нүүр тулсан харилцан яриа өрнүүлснээ С.Лавров мөн тэмдэглэсэн байна. “Нормандын дөрвөл”-ийн гадаад хэргийн сайд нарын уулзалт өчигдөр болсон юм

Ким Жөн Унтай сайхан харилцаатай болно гэдэгт итгэлтэй буйгаа илэрхийлжээ

 Умард Солонгосын удирдагч Ким Жөн Унтай хийж буй уулзалтаа томоохон амжилт гэж үзэж байгаагаа АНУ-ын Ерөнхийлөгч Дональд Трамп мэдэгдэхийн сацуу Ким Жөн Унтай сайхан харилцаатай болно гэдэгт итгэлтэй буйгаа илэрхийлсэн байна.“Энэ бол миний хувьд нэр төрийн хэрэг. Бид сайхан харилцаатай болно гэдэгт эргэлзэх зүйл алга”хэмээн Д.Трамп уулзалтын эхэнд хэлжээ.Харин Умард Солонгосын удирдагч Ким Жөн Ун хоёр улсын харилцаан дахь асуудлуудыг давж гарна гэдэгт итгэлтэй байгаагаа уулзалтын үеэр тэмдэглэжээ.АНУ болон Умард Солонгосын түүхэн дэх анхны дээд хэмжээний уулзалт Сентоза арал дахь "Капелла" зочид буудалд болж байна

Эмэгтэйчүүд сонгох эрхтэй болсны ойг тэмдэглэн жагсав

Их Британийн Лондон, Эдинбург зэрэг дөрвөн томоохон хотод эмэгтэйчүүд сонгох эрхтэй болсны 100 жилийн ойг тэмдэглэн ногоон, цагаан болон нил ягаан өнгийн ороолт зүүсэн 50000 гаруй бүсгүй баярын жагсаал хийсэн тухай “Эн-Эйч-Кэй” телевиз мэдээлэв.

"Их-7" дээд хэмжээний уулзалтын үр дүнгийн албан ёсны мэдэгдэлд гарын үсэг зурахаас татгалзжээ

АНУ-ын Ерөнхийлөгч Дональд Трамп “Их-7” бүлгийн дээд хэмжээний уулзалтын үр дүнгийн албан ёсны мэдэгдэлд гарын үсэг зурсангүй. Тэрбээр уулзалтыг өндөрлөх хугацаанаас нь өмнө орхин гарсан байна

Ким Жөн Ун Сингапурын Ерөнхий сайдтай уулзлаа

 БНАСАУ-ын удирдагч Ким Жөн Ун Сингапурын Ерөнхий сайд Ли Сянь Лунтай уулзахдаа АНУ-БНАСАУ-ын дээд хэмжээний уулзалтыг зохион байгуулж байгаад нь талархал илэрхийлээд, хоёр улсын харилцаа хийгээд Умард Солонгосын болон бүс нутгийн хөгжлийн асуудал хэлэлцэв гэж Солонгосын Төв цахилгаан мэдээний агентлаг мэдээлжээ. Тус агентлагийн мэдээг иш татан РИА Новости агентлагийн мэдээлснээр, “Гайхалтай сайхан Сингапур улсад зочлох боломж гарсанд би маш их баяртай байна. БНАСАУ-ын засгийн газар болон ард түмний нэрийн өмнөөс Сингапур улсын засгийн газар, ард түмэнд халуун мэндчилгээ дэвшүүлж, сайн сайхныг хүсэн ерөөе” гэж Ким Жөн Ун хэлсэн байна. Дональд Трамп болон Ким Жөн Ун нарын дээд хэмжээний уулзалт зургадугаар сарын 12-нд Сингапурт болох билээ

В.Путин ШХАБ-ын дээд хэмжээний уулзалтад оролцоно

ШХАБ-ын дээд хэмжээний уулзалтын үеэр ОХУ-ын Ерөнхийлөгч Владимир Путин Ираны ерөнхийлөгчтэй хоёр талын яриа хэлэлцээ хийхийн сацуу Пакистан, Узбекистан болон Тажикистаны төрийн тэргүүнүүдтэй уулзах аж. Энэ үеэр Орос, Хятад болон Монголын гурван талын дээд хэмжээний уулзалт болох төлөвтэй байна.Түүнчлэн уулзалтын үеэр В.Путин Монгол улсын Ерөнхийлөгч Халтмаагийн Баттулгатай уулзах төлөвтэй байгаа бөгөөд Худалдаа, эдийн засгийн салбарт хамтын ажиллагаагаа бэхжүүлэх нь талуудын яриа хэлэлцээний гол сэдвүүдийн нэг болох аж. “Талууд бүс нутаг хийгээд олон улсад тулгамдсан асуудлаар санал бодлоо солилцохын сацуу Монгол улсын Евроазийн эдийн засгийн холбоо болон ШХАБ хоорондын хамтын ажиллагаг бэхжүүлэхэд онцгой анхаарал хандуулах төлөвтэй байна” гэж ОХУ-ын Ерөнхийлөгчийн туслах Юрий Ушаков хэлсэн байна.Хятадын Циндао хотод болж буй ШХАБ нь энэ сарын 9-10 хүртэл үргэлжлэх юм

Д.Трамп болон В.Путин нарын уулзалтыг зохион байгуулах хүсэлтэй байгаагаа мэдэгджээ

Австри улс АНУ-ын Ерөнхийлөгч Дональд Трамп болон ОХУ-ын Ерөнхийлөгч Владимир Путин нарын уулзалтыг зохион байгуулах хүсэлтэй байгаагаа илэрхийлжээ. Энэ тухай Цагаан ордны Үндэсний аюулгүй байдлын зөвлөлийн төлөөлөгч мэдэгдсэн байна.В.Путин, Д.Трамп нар өнгөрсөн 3 дугаар сарын 20-нд утсаар ярьсан юм

Умард Солонгос цөмийн зэвсгээс татгалзахад бэлэн байгаагаа мэдэгджээ

 АНУ-тай хийх дээд хэмжээний уулзалтад бэлдэж байгаагаараа Умард Солонгос цөмийн зэвсгээс татгалзахад бэлэн байгаагаа батлан илэрхийлж байна гэж АНУ-ын Төрийн нарийн бичгийн дарга Майк Помпео мэдэгджээ.“АНУ болон Умард Солонгос улс шууд яриа хэлэлцээ хийж, дээд  хэмжээний уулзалтад бэлтгэж байгаа

Дэлхийн банк Хятадад төсөл хэрэгжүүлэх зээл олгоно

БНХАУ-д хэрэгжүүлэх усны нөөцийн менежментийн төсөлд Дэлхийн банкнаас нийт 600 сая ам.долларын гурван хэсэг зээл олгохоор шийдвэрлэсэн тухай пүрэв гарагт “Синьхуа” агентлаг мэдээлэв.Дэлхийн банкны Хятадын тогтвортой хөгжлийн хөтөлбөрийн зохицуулагч Бэкэлэ Дэбэлэгийн мэдэгдснээр, уг төслүүд нь шинэ санаа нэвтрүүлэх, усны менежмент, үйлчилгээний олон улсын сайн туршлагыг нутагшуулах, уур амьсгалын өөрчлөлтөд тэсвэртэй байдлыг нэмэгдүүлэх, усны аюулгүй байдлыг хангахад чиглэсэн орон нутгийн хүчин чармайлтад дэмжлэг үзүүлэх зорилготой юм байна. "Усны нөөцийн хомсдол нь Хятадын тогтвортой хөгжилд тулгараад буй хүндхэн сорилтуудын нэг юм

Грект болсон жагсаал цуглаанд олон мянган хүн оролцжээ

Хуучин Холбооны Бүгд Найрамдах Югослав улсын бүрэлдэхүүнд багтаж байсан Македон улсыг “Македон” гэж нэрлэснийг эсэргүүцсэн жагсаал цуглаан Грект өнгөрсөн лхагва гарагт болжээ.“Македон бол Грек юм” гэсэн уриан дор Грекийн 23 хотод болсон уг жагсаал цуглаанд олон мянган хүн оролцжээ. Үүнээс Пелла болон Верия хотуудад болсон жагсаал цуглаанд хамгийн их хүн оролцсон байна

Багдадад хоёр удаа дэлбэрэлт болжээ

Иракийн нийслэл Багдад хотод өнгөрсөн лхагва гарагийн орой хоёр удаа дэлбэрэлт болсны улмаас 7 хүн амь үрэгдэж, 20 хүн бэртэл гэмтэл авчээ. Энэ тухай “Ассошиэйтед Пресс” агентлаг мэдээлэв.Тэсрэх төхөөрөмж Багдадын шиитүүд оршин суудаг дүүрэгт байдаг нэгэн сүмийн ойролцоо дэлбэрсэн байна

Венесуэлийн нөхцөл байдлын талаархи тогтоол баталжээ

 Вашингтонд болж буй Америкийн улсуудын байгууллагын /АУБ/ Ерөнхий ассамблей АНУ-ын санал болгосон Венесуэлийн нөхцөл байдлын талаархи тогтоолыг мягмар гарагт баталсан нь тус улсын гишүүнчлэлийг түдгэлзүүлэх боломжийг нээж өгч ажээ. “19 гишүүн орон дэмжиж, 4 улс эсэргүүцэж, 11 улс түдгэлзсэн санал өгснөөр АУБ-ын Ерөнхий ассамблей Венесуэлийн нөхцөл байдлын талаархи тогтоолыг баталлаа” гэж тус байгууллагын Twitter хуудаст мэдээлсэн байна. “Венесуэльд тавдугаар сарын 20-нд явуулсан ба тус улсын Ерөнхийлөгч Николас Мадуро дахин сонгогдсон ерөнхийлөгчийн сонгуулийн дүнг АУБ үндсэндээ хүлээн зөвшөөрөхгүй байгааг дээрх тогтоол харууллаа” гэж Венесуэлийн “Panorama” цахим порталын мэдээнд тэмдэглэжээ. АУБ-ын дүрмийн дагуу ардчилсан ёс журмыг зөрчсөн орны хувьд “Америк хоорондын ардчиллын Хартийг” хэрэглэж болдог аж