Шинэ мэдээ

Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ерөнхийлөгчийн “Их амь бат оршоох” санаачилгын тухайд10 сар 4. 20:26СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:341200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42Б.Пүрэврэнцэн: Хүдэр суманд 10 жил болоход есөн ном бүтээжээ, энэ бол том олз9 сар 24. 10:37Аймаг, дүүргийн ТАРХВАР СУДЛААЧ нарыг чадавхжуулах цогц СУРГАЛТ-ууд зохион байгуулагдаж байна9 сар 23. 15:58"Шагайн наадгай" Монгол тоглоом худалдаанд гарлаа9 сар 23. 10:2221 аймаг, 9 дүүргийн ДОХ, СҮРЬЕЭГИЙН эмч, мэргэжилтнүүдийг чадавхжуулах СУРГАЛТ ЭХЭЛЛЭЭ9 сар 21. 11:45"Ноён Бондгор"-ыг ковидын хүндрэлийг давсан нууц9 сар 20. 16:26Ц.Мөнхцэцэг: Сүхбаатар дүүрэг боловсролын цахим шилжилтийн жишиг дүүрэг болно9 сар 20. 13:17Мал эмнэлгийн ерөнхий газрын вакцины мафи үргэлжлүүлэн ажилласаар байх уу?9 сар 18. 19:45Хуурай бетон - Монгол залуус монголд үйлдвэрлэв9 сар 18. 14:26Дуучин Nene стример CTS-тэй болздог уу...9 сар 15. 15:00

Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг

/10-р сарын 11/  -  14 цаг 44 минут

УГТЭ-ийн судсан дотуурх оношилгоо, эмчилгээний тасгийн тархины судсан дотуурх мэс заслын эмч АУ-ны магистр, кл.профессор, тэргүүлэх зэргийн эмч Н.Баатаржантай ярилцлаа. Тэрээр Монгол улсад тархины судсан дотуурх мэс заслыг нутагшуулж багаараа өнгөрсөн хугацаанд 1500 орчим иргэнд энэ төрлийн мэс заслын тусламж үйлчилгээг амжилттай үзүүлсэн байна.

Сайн байн уу? Судсан дотуурх мэс заслын онцлогийн талаар яриагаа эхлүүлье.

-Сайн, сайн байна уу. Энэ өдрийн мэнд хүргэе. Судсан дотуурх мэс заслыг энгийн үгээр тайлбарлавал хүний биед шарх сорви үүсгэхгүйгээр судсан дотуур мэс засал хийнэ гэсэн үг. Үүнийгээ дагаад эмнэлэгт хэвтэх ор хоног болон хөдөлмөрийн чадвар алдалт бага байдаг онцлогтой. Өөрөөр хэлбэл өнөөдөр мэс засалд орсон өвчтөнг маргааш нь биеийн байдлыг ажиглаад нөгөөдөр нь эмнэлгээс гаргадаг. Гаднаас нь харахад ямар ч шарх сорви байхгүй. Тухайн эмчлүүлэгчийн гоо сайханд нөлөөлдөггүй, зовиур багатай, зэрэг давуу талтай. УГТЭ-т ангиографийн оношилгоо, эмчилгээний тасаг нь 2005 онд байгуулагдсан бөгөөд өнөөдрийн байдлаар судсан дотуурх оношилгоо, эмчилгээний төв болон өргөжиж Монгол Улсын хэмжээнд тархи болон зүрхний чиглэлээр судсан дотуурх оношилгоо, эмчилгээг хийж байна.

-Судас маш нарийхан шүү дээ. Түүний дотор мэс засал хийнэ гэхээр маш нарийн мэдрэмж шаардах юм шиг...

-Тэр үнэн.

Тархины судас нь бусад эрхтний цусан хангамжаас өөр онцлогтой байдаг ба  нэг миллиметр ч хүрэхгүй диаметртэй судсан дотор мэс засал хийх шаардлага гардаг. Тийм  учраас эмч нараас маш өндөр мэдрэмж, мэдлэг, дадлага шаарддаг. Чимхлүүр ажил ихтэй хүнд ажилбар юм. 

-Тархины судасны гаралтай өвчнүүдийн шалтгааны талаар мэдээлэл өгнө үү? Уг мэс заслыг Монголдоо нэвтрүүлснээр гарсан үр дүнг та хэрхэн харж байна вэ?

-Тархины судасны эмгэгүүдийн дийлэнх нь төрөлхийн шалтгаантай байдаг л даа. Гэмтлийн болон олдмол шалтгаантай цөөн тохиолдол ирдэг. Тухайн иргэн өөрөө мэдэхгүй байж байгаад л гэнэт харвалт өгөөд, шинжилгээ өгч байж л оношлогддог. Энэ төрлийн эмгэгийг нээлттэй мэс заслаар болон судсан дотуурх мэс заслын аргаар эмчилдэг.

Манай баг Монголдоо анхдагч болж зургаан жилийн өмнө тархины судсан дотуурх мэс заслыг эмнэлэгтээ нэвтрүүлсэн бөгөөд энэ төрлийн мэс заслыг нутагшуулснаар гадаад руу урсах мөнгөн урсгалыг бууруулж, ард иргэдэд энэ төрлийн эрүүл мэндийн үйлчилгээг хүртээмжтэй болгож, эдийн засгийн хэмнэлт үүсгэх  боломжийг бүрэн нээсэн.

Бид өнөөдөр УГТЭ-ийн удирдлагын багийн сайн менежментийн хүчинд гадаадын өндөр хөгжилтэй орнуудад хэрэглэж байгаа өндөр үзүүлэлттэй сүүлийн үеийн тоног төхөөрөмжийг хэрэглэж байна. Хүний нөөц нь чадвартай, тоног төхөөрөмжийн хувьд гадаадын өндөр хөгжилтэй орнуудтай адилхан тул иргэд гадаад орныг зорих ямар ч шаардлагагүй болж байгаа юм. Мэс заслын үр дүн ч маш сайн байгаа.

-Өдөрт танай баг хэчнээн хүнд мэс заслын тусламж үйлчилгээ үзүүлж байна вэ? Ачаалал хэр их байдаг вэ?

- Монгол улсын хэмжээнд тархины судсан дотуурх мэс заслыг зөвхөн манай эмнэлэгт л хийж байна. Тархи нугасны судсан дотуурх оношилгоо болон мэс заслыг УГТЭ дээр өнөөдөр улсын хэмжээнд 3 -4 эмч хийдэг бөгөөд ачаалал маш ихтэй болж байна.

Жилдээ бид 250-300 орчим мэс заслын тусламж үйлчилгээг ард иргэддээ үзүүлж байна.

Тархины судасны эмгэгтэй эмчлүүлэгчдийн хувьд нээлттэй мэс заслаас татгалзаж, судсан дотуурх мэс заслыг түлхүү хийлгэхийг эрмэлздэг болсон. Дэлхий нийтийн чиг хандлага ч яг энэ төрлийн мэс засал руу чиглэдэг болсон. Энэ нь дэлхийн анагаах ухаанд өндөр нарийн технологийн дэвшил хурдацтай нэвтэрч байгаатай холбоотой. Гадаадын өндөр хөгжилтэй орнуудад тархины судасны гаралтай эмгэгүүдийн 80-аас дээш хувийг судсан дотуурх мэс заслын аргаар эмчилж байна.

 Манай эмнэлэгт тархины судсан дотуурх мэс засал эмчилгээ хийж эхэлснээр Монголдоо эмчлэх боломжгүй, гадагшаа явж эмчлүүлдэг 7-8 төрлийн өвчнийг өөрсдөө хийж бүрэн нутагшуулсан бөгөөд өдөрт дунджаар 2-3 мэс заслыг хийдэг.

Мэс заслын хүлээгдэл ч их үүсч байна. Өвчтөний биеийн байдлаас шалтгаалан мэс засал хийх хугацаа харилцан адилгүй байдаг. Манай эмнэлэгт дээрх мэс заслыг гадаадын анагаах ухаан өндөр хөгжсөн орнуудын стандарт, удирдамж, технологийн дагуу ижил түвшинд хийгдэж байгаа.

- УГТЭ нь сургалт эрхлэгч байгууллагын хувьд боловсон хүчин бэлтгэх, ачаалал төвлөрлийг бууруулах хүрээнд ямар ажлуудыг хийж байна вэ?

-Ер нь боловсон хүчний дутагдлаас болоод энэ төрлийн мэс заслын хөгжил бага зэрэг удаашралтай  байна. Тархины судсан дотуурх мэс заслыг мэдрэлийн мэс заслаас салгаж ойлгох ямар ч боломжгүй. Иймээс бид мэдрэлийн мэс заслын тасагтай УНТЭ, УХТЭ дээр хүний нөөцийг бэлтгэх ажлыг эхлүүлээд байна. Эхний ээлжинд эмч нар өвчтөний оношилгоог хэрхэн зөв тавих, оношийг зөв уншиж эхлэхээс ажил эхэлдэг бөгөөд үүний дараагаас судсан дотуурх мэс заслуудад дадлагажуулж сургахаар сургалтын хөтөлбөрөө боловсруулсан байгаа.  

-Энэ төрлийн мэс заслыг Эрүүл мэндийн даатгалаараа хийлгэх боломжтой юу?

-Монголд энэ төрлийн мэс засал нь өндөр өртөгтэй мэс заслын төрөлд багтдаг бөгөөд дундаж өртөг нь 50-60 сая төгрөг байдаг. ЭМДЕГ-ын Гуравдугаар тогтоол батлагдсанаар өндөр өртөгтэй мэс заслыг ЭМДС-гаас санхүүжүүлэх боломж бүрдсэн. Энэ тогтоолын ачаар тархины өндөр өртөгтэй судсан  дотуурх мэс заслыг  иргэдэд эдийн засгийн дарамт багатай болон заримд нь үнэгүй хийлгэх боломжтой болсон. Өөрөөр хэлбэл бага насны хүүхэд, өндөр настан, групп тогтоолгосон иргэн болон тархинд цус харваад яаралтайгаар ирсэн иргэдэд дээрх мэс заслыг үнэ төлбөргүй хийж байна. Харин ажил хөдөлмөр эрхэлдэг цөөн тооны хүмүүс тодорхой хувийн хөнгөлөлттэй үнээр мэс заслыг хийлгэх боломжтой болсон. Тэгэхээр ард иргэдэд ирэх санхүүгийн ачаалал маш багассан. Үүний  үр дүнд дээрх  мэс заслын эмчилгээг хийлгэх гээд зорьж ирэх хүмүүс ч ихэсч байна.

-Баярлалаа.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.