Шинэ мэдээ

Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ерөнхийлөгчийн “Их амь бат оршоох” санаачилгын тухайд10 сар 4. 20:26СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:341200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42Б.Пүрэврэнцэн: Хүдэр суманд 10 жил болоход есөн ном бүтээжээ, энэ бол том олз9 сар 24. 10:37Аймаг, дүүргийн ТАРХВАР СУДЛААЧ нарыг чадавхжуулах цогц СУРГАЛТ-ууд зохион байгуулагдаж байна9 сар 23. 15:58"Шагайн наадгай" Монгол тоглоом худалдаанд гарлаа9 сар 23. 10:2221 аймаг, 9 дүүргийн ДОХ, СҮРЬЕЭГИЙН эмч, мэргэжилтнүүдийг чадавхжуулах СУРГАЛТ ЭХЭЛЛЭЭ9 сар 21. 11:45"Ноён Бондгор"-ыг ковидын хүндрэлийг давсан нууц9 сар 20. 16:26Ц.Мөнхцэцэг: Сүхбаатар дүүрэг боловсролын цахим шилжилтийн жишиг дүүрэг болно9 сар 20. 13:17Мал эмнэлгийн ерөнхий газрын вакцины мафи үргэлжлүүлэн ажилласаар байх уу?9 сар 18. 19:45Хуурай бетон - Монгол залуус монголд үйлдвэрлэв9 сар 18. 14:26Дуучин Nene стример CTS-тэй болздог уу...9 сар 15. 15:00

"Ковид-19 цар тахлын үед ажлын байранд аюулгүй ажиллах, халдвараас ажилтны эрүүл мэндийг хамгаалах нь" сэдэвт цахим сургалт боллоо

/3-р сарын 11/  -  14 цаг 35 минут

"Ковид-19" цар тахлын үед ажлын байрны хөдөлмөрийн аюулгүй байдал, эрүүл ахуйг удирдах чадавхийг бий болгох зорилгоор ХНХЯамны харьяа Хөдөлмөрийн аюулгүй байдал, эрүүл мэндийн төв, Солонгосын Хөдөлмөрийн аюулгүй байдал, эрүүл мэндийн агентлаг  (KOSHA), Олон улсын стандартын академи (ISA) хамтран “Ковид-19 цар тахлын үед ажлын байранд аюулгүй ажиллах, халдвараас ажилтны эрүүл мэндийг хамгаалах нь” сэдэвт цахим сургалтыг зохион байгуулав. 

Цахим сургалтад Хөдөлмөр, нийгмийн хамгааллын дэд сайд, ХАБЭА-н Үндэсний хорооны дарга, С.Зулпхар, БНСУ-ын  Хөдөлмөрийн аюулгүй байдал, эрүүл ахуйн агентлагийн дэд ерөнхийлөгч Бьюнг Чүүн Сонг, Хөдөлмөрийн аюулгүй байдал, эрүүл мэндийн төвийн захирал М.Даваабат болон яамдын ХАБЭА-н салбар хорооний гишүүд, аймаг, дүүргийн ХАБЭА-н зөвлөлийн гишүүд зэрэг 100 гаруй хүн оролцлоо.

Сургалтыг нээж Хөдөлмөр, нийгмийн хамгааллын дэд сайд, ХАБЭА-н Үндэсний хорооны дарга С.Зулпхар “Цар тахлын улмаас улс орны эдийн засаг, төсөв санхүүгийн хувьд амаргүй нөхцөлд байгаа хэдий ч Монгол Улсын засгийн газраас КОВИД-19 цар тахлын үед эдийн засгийг идэвхжүүлэх, ажлын байрыг хадгалах, малчин өрх болон эмзэг бүлгийн иргэдийн амьжиргаанд дэмжлэг үзүүлэх зорилгоор олон ажлуудыг зохион байгуулж байна. Хөдөлмөрийн аюулгүй байдал, эрүүл ахуйн талаар төрөөс баримталж буй бодлого нь иргэн ажилтны амь нас, эрүүл мэндийг сахин хамгаалах, эрүүл аюулгүй ажлын байрыг бий болгоход чиглэдэг. Дэлхий нийтийг хамарсан аюулт өвчин, цар тахал бидэнд эрүүл, аюулгүй ажлын байрыг бий болгох, иргэн, ажилтны амь нас, эрүүл мэндийг хамгаалахад бэрхшээл, шинэ сорилтуудыг бий болгож байна. 

Монгол Улсын хэмжээнд вакцинжуулалтыг эрчимтэй хийж байгаа хэдий ч халдварын тохиолдол өдөр бүр нэмэгдэж байна. Тиймээс хөдөлмөрийн аюулгүй байдал, эрүүл ахуйн салбар зөвлөл, ажил олгогч нар хамтран ажлын байранд коронавируст халдвараас урьдчилан сэргийлэх арга хэмжээг үр дүнтэй зохион байгуулж, халдвар хамгааллын дэглэмийг чанд мөрдөх нь ажилтны эрүүл мэнд болон тэдний гэр бүлийг хамгаалах, цар тахлын үед ажлын байрыг хадгалж үлдэхэд ихээхэн ач холбогдолтой юм. Олон улсын стандартын байгууллагаас боловсруулан гаргасан ISO/PAS 45005-2020 стандартыг Монгол улсад мөрдүүлэхээр Стандарт, хэмжил зүйн газрын даргын 2021 оны 01 дүгээр сарын 07-ны өдрийн С/01 тушаалаар “Хөдөлмөрийн эрүүл мэнд, аюулгүй байдлын менежмент, Ковид-19 цар тахлын үед аюулгүй ажиллах ерөнхий зааварчилгаа” нэршлээр баталсан. Энэхүү стандартыг мөрдөн ажилласнаар Цар тахлын үед ажлын байрны бэлэн байдлыг хангуулах, хяналтын арга хэмжээг сайжруулах, хариу арга хэмжээг шуурхай зохион байгуулах боломжийг бүрдүүлж өгч байна” гэлээ. 

Мөн БНСУ-ын  Хөдөлмөрийн аюулгүй байдал, эрүүл ахуйн агентлагийн дэд ерөнхийлөгч Бьюнг Чүүн Сонг “Ковид-19” цар тахал нь хөдөлмөрийн харилцааны хэв маягыг өөрчилж, ажил олгогч эзэд урьд өмнө хэзээ ч тохиолдож байгаагүй бэрхшээлтэй тулгарч, бизнесээ авч үлдэхийн зэрэгцээ ажилтнуудаа хамгаалахын тулд хөдөлмөрийн аюулүй байдал, эрүүл ахуйн цогц арга хэмжээг хэрэгжүүлэх шаардлага тулгарч байна. Энэ цаг үед ХНХЯам, түүний харьяа Хөдөлмөрийн аюулгүй байдал, эрүүл мэндийн төв, Олон улсын стандартын академи (ISA) –тай хамтран тус сургалтыг зохион байгуулсан нь цаг үеэ оллоо гэж харж байна. Цаашид зөвхөн “Ковид-19” цар тахлын асуудлаар бус ажил хөдөлмөр эрхэлж буй ажилчдын эрүүл мэндийн хамгаалах талд илүү өргөн хүрээнд хамтарч ажиллана гэдэгт итгэлтэй байна” гэв.

Сургалтын үеэр “Ковид-19”-ийн халдвараас урьдчилан сэргийлэх, ажилтны эрүүл мэндийг хамгаалах талаар хэрэгжүүлж буй БНСУ-ын сайн туршлагыг судлаж, санал солилцов. Мөн Олон улсын стандартын академиас боловсруулан гаргасан  “ISO/PAS 45005:2020:“Ковид-19 цар тахлын үед аюулгүй ажиллах ерөнхий  зааварчилгаа” стандартын талаарх мэдээллийг хүргэлээ. Тухайлбал, “Ковид-19” халдвараас урьдчилан сэргийлэх төлөвлөлт ба эрсдэлийн үнэлгээ хэрхэн хийх, сэжигтэй буюу батлагдсан тохиолдол гарахад юуг анхаарах, нэг бүрийн хамгаалах хэрэгсэл, маск, нүүрний хаалт хэрхэн зөв ашиглах, сэтгэл зүйн эрүүл мэндээ хэрхэн удирдах, дархлаажуулалт зэрэг чухал сэдвийн хүрээнд илтгэлүүд тавьж, хэлэлцүүллээ.

Дэлхий нийтээр “Ковид-19”-ийн цар тахлаас үүдэлтэй эдийн засгийн төлөв байдал муудаж, хөдөлмөр эрхлэлтийн тоо, чанарын үзүүлэлт маш хурдацтай буурч байна. Хөдөлмөр эрхэлж байгаа иргэдийн  гол халдвар авах нөхцөл нь  тэдний ажлын байр болоод байгаа билээ. Үүнтэй холбоотойгоор Монголын үндэсний худалдаа, аж үйлдвэрийн танхимаас гишүүн болон гишүүн бус 1504 аж ахуйн нэгжийг хамруулан судалгаа явуулахад аж ахуйн нэгжүүдийн 56 хувь нь ажлын цагийн зохицуулалт хийсэн, 33 хувь нь ажиллагсадаа түр болон бүр чөлөөлжээ.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.