Шинэ мэдээ

Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ерөнхийлөгчийн “Их амь бат оршоох” санаачилгын тухайд10 сар 4. 20:26СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:341200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42Б.Пүрэврэнцэн: Хүдэр суманд 10 жил болоход есөн ном бүтээжээ, энэ бол том олз9 сар 24. 10:37Аймаг, дүүргийн ТАРХВАР СУДЛААЧ нарыг чадавхжуулах цогц СУРГАЛТ-ууд зохион байгуулагдаж байна9 сар 23. 15:58"Шагайн наадгай" Монгол тоглоом худалдаанд гарлаа9 сар 23. 10:2221 аймаг, 9 дүүргийн ДОХ, СҮРЬЕЭГИЙН эмч, мэргэжилтнүүдийг чадавхжуулах СУРГАЛТ ЭХЭЛЛЭЭ9 сар 21. 11:45"Ноён Бондгор"-ыг ковидын хүндрэлийг давсан нууц9 сар 20. 16:26Ц.Мөнхцэцэг: Сүхбаатар дүүрэг боловсролын цахим шилжилтийн жишиг дүүрэг болно9 сар 20. 13:17Мал эмнэлгийн ерөнхий газрын вакцины мафи үргэлжлүүлэн ажилласаар байх уу?9 сар 18. 19:45Хуурай бетон - Монгол залуус монголд үйлдвэрлэв9 сар 18. 14:26Дуучин Nene стример CTS-тэй болздог уу...9 сар 15. 15:00

С.Бат-Эрдэнэ: “Солонгост суралцацгаая” боловсролын үзэсгэлэнг 20-24-ний хооронд зохион байгуулж байна

/10-р сарын 20/  -  12 цаг 07 минут

Энэ сарын 20-24-ний хооронд БНСУ-д суралцах боловсролын үзэсгэлэн болж байна. Энэ талаар “Солонгост сургууль төгсөгчдийн холбоо” /MAGIKO/ ТББ-ын тэргүүн, Аялал жуулчлалын ухааны доктор С.Бат-Эрдэнэтэй ярилцлаа.

Солонгост суралцах боловсролын үзэсгэлэн удахгүй болох юм байна. Энэ жил ямар онцлогтой зохион байгуулагдаж байгаа вэ?

Энэ жил Монгол Улс, БНСУ хооронд дипломат харилцаа тогтоосны 30 жилийн ой тохиож байна. Энэ хүрээнд манай Солонгост сургууль төгсөгчдийн холбооноос БНСУ-ын Элчин сайдын яам, Олон улсын Боловсролыг дэмжих үндэсний хүрээлэнтэй хамтран “Солонгост суралцацгаая” боловсролын үзэсгэлэнг энэ сарын 20-24-ний хооронд зохион байгуулж байна. Энэхүү боловсролын үзэсгэлэнгээр дамжуулан оюутан залуусдаа БНСУ-ын шилдэг их, дээд сургуулийн элсэлт, хэлний бэлтгэл, тэтгэлэг зэрэг олон талын мэдээлэл солилцох боломжийг олгож, мэргэжлээ зөв сонгоход нь туслах юм.

Үзэсгэлэнгээр БНСУ-ын төрийн болон хувийн 50 гаруй их, дээд сургуулиуд оролцож, 200 гаруй мэргэжлээр бакалавр, магистр, докторын зэрэг олгох сургалтын хөтөлбөр, танилцуулгууд анх удаа онлайн хэлбэрээр хийгдэх юм.

Arslan.mn

БНСУ-ын их, дээд сургуулиудтай онлайнаар шууд харилцаад явах уу?

Тэгнэ. Оюутан, залуус маань энэ сарын 20, 21, 22-ны өдрүүдэд сонирхсон их, дээд сургуулийнхаа мэргэжилтэнтэй цахимаар харилцаж, 23,24-ний өдрүүдэд онлайн видео хэлбэрээр өөрийн сонирхож буй сургуулийнхаа багш, мэргэжилтнээс шуурхай зөвлөгөө мэдээлэл авах бүрэн боломжоор нь хангаж өгч байгаа юм.  Манай залуучууд, сонирхсон хэн бүхэн үзэсгэлэнд оролцож байгаа сургуулиуд болон хэрхэн суралцах талаар дэлгэрэнгүй мэдээллийг (studyinkorea.go.kr) сайтаас давхар авах боломжтой. Мөн манай Солонгост сургууль төгсөгчдийн холбоо гэсэн фэйсбүүк пэйж дээр мэдээллийг тогтмол байршуулж байна. Үзэсгэлэнд оролцсон залуучууддаа гарын бэлэг бэлдсэн байгаа.

Ер нь БНСУ-д суралцах нь ямар давуу талуудыг бий болгодог вэ?

БНСУ нь хөгжлөөрөө Азидаа төдийгүй дэлхий нийтэд хүлээн зөвшөөрөгдсөн улс. Тиймдээ ч боловсролын чанар, сургалтын хөтөлбөр нь дэлхийд хүлээн зөвшөөрөгдөж, олон улсын оюутан залуучуудад зориулсан олон төрлийн тэгтгэлэгт хөтөлбөрүүдтэй гэдгээрээ онцлог. Түүнчлэн амьдрах, суралцах орчин хамгийн таатай, аюулгүй тав тухтай орчноор хангаж өгсөн байдаг. Дан ганц боловсролоос гадна харилцаа ахуйн соёл, цаг зарцуулалт, санхүүгийн боловсрол гээд их олон зүйлийг энэ нутгаас сурч болно. Мөн Солонгост сургууль төгсөгчид нь мэргэжлийн өргөн мэдлэг, гүнзгий суурь боловсролын бэлтгэл нь дэлхийн зах зээл дээр өрсөлдөх чадвартай. Тиймээс оюутан, залуусыгаа энэхүү боломжийг ашиглан БНСУ-д зөв мэргэжлээрээ сайн суралцаад эргээд эх орондоо өөрийн хувь нэмрийг оруулан, амжилттай ажиллаасай хэмээн хүсч байна.

Солонгост сургууль төгсөгчдийн холбооныхоо талаар товч мэдээлэл өгөхгүй юу?

Нэрнээсээ л ойлгомжтой байгаа байх. БНСУ-д сургууль төгссөн олон залуучууд байдаг. Тус холбоогоороо дамжуулан хоёр орны боловсрол, шинжлэх ухаан, эдийн засаг, нийгмийн олон талт хамтын ажиллагааг хөгжүүлэхэд дэмжлэг үзүүлэх зорилгоор 2006 онд байгуулагдсан. Одоо 14 дэх жилдээ нийгэм рүү чиглэсэн олон ажлыг сайн дурын үндсэн дээр хийгээд явж байна. Манай төгсөгчид бүгд өөр, өөрийн ажил мэргэжилтэй ч нийгэм рүү чиглэсэн олон ажлыг зохион байгуулсаар ирсэн. Тиймээс энэ жил хоёр орны дипломат харилцаа тогтоосны 30 жилийн ойн хүрээнд залуучууддаа хэрэгтэй Боловсролын үзэсгэлэнг зохион байгуулахаар ажиллаж байна. Түүнчлэн  хоёр орны ард түмний түүх, хэл, соёл, зан заншлын холбогдолтой ном зохиол орчуулах, судалгааны ажилд хамтран оролцох, олон улсын эрдэм шинжилгээ, хурал семинар, сургалт зохион байгуулах, үзэсгэлэн яармаг гаргах зэрэг олон ажлыг  хамтран хийдэг юм.

Танай холбооноос өөр ямар ажлуудыг 30 жилийн ойн хүрээнд хийж байгаа вэ?

-Манай холбоо Цагаан сарын өмнө 25 сая төгрөгийн үнэ бүхий өвлийн дулаан куртикуудыг Булган аймгийн сумдын эмч нар, онцгой байдлын албан хаагчдад мөн өнчин хүүхдүүдэд хандивласан. Мөн 10 мянган маск гэдэг аяныг ч БНСУ-д сурч, ажиллаж, хөдөлмөрлөж буй нутаг нэгтнүүд маань санаачлан зарлаад маскаа цуглуулж эх орондоо хандивлах ажлыг амжилттай зохион байгуулсан. Өнгөрсөн есдүгээр сарын 24-29-ний өдрүүдэд Монгол, Солонгосын эмч нарын хамтарсан сайн дурын багийн үзлэг эмчилгээ, мэс заслыг Булган аймгийн Гурванбулаг сум, Архангай аймгийн Эрдэнэбулган сумын 6-р багт тус тус амжилттай зохион байгууллаа. Энэхүү сайн дурын үзлэг эмчилгээний хүрээнд Хэвлийн ЭХО, Чих хамар хоолой, Нүд, Шүд, Рентген, Ерөнхий мэс засал гэсэн 6 чиглэлээр үзлэг оношилгоо хийж цөсний чулуу болон ургацаг авах, түлэнхий зэрэг шаардлагатай мэс засал, хагалгааг тухай бүрт нь шуурхай хийж үйлчиллээ. Үзлэгийн бүртгэлд нийт 1500 орчим орон нутгийн иргэд хамрагдаж үзлэг эмчилгээг амжилттай явууллаа. Мөн цаашдаа Монгол Солонгосын хамтарсан шүдний эмч нарын сайн дурын баг Монгол Улсын 21 аймагт хүүхдийн шүдний үнэ төлбөргүй үзлэг эмчилгээг хийхээр төлөвлөн ажиллаж байна.

Arslan.mn

Arslan.mn

Arslan.mn

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.