Шинэ мэдээ

Азербайжан, Арменийн Гадаад хэргийн сайд нар М.Помпеотой тусдаа уулзана10 сар 24. 10:59ФОТО: “Солонгост суралцацгаая” боловсролын үзэсгэлэнд БНСУ-ын Элчин сайд Ли Ё Хун оролцлоо10 сар 23. 17:43Өвөрхангайн Засаг даргын суудлыг мөнгөөр худалдаж авахаар хөөцөлдөж байна10 сар 23. 11:37Их Британи Брекситийн дараах анхны томоохон гэрээгээ байгуулжээ10 сар 23. 11:31Гвинейд сонгуулийн дараах эмх замбараагүй байдлын улмаас олон хүн амиа алджээ10 сар 23. 9:37Corporate sales: Борлуулалтын ур чадвар нэмэгдүүлэх танхимын сургалтанд урьж байна10 сар 22. 15:33Орхон аймгийн Засаг даргаар Ц.Бат-Энхийг томилно10 сар 22. 15:23Дэлхийн худалдаа 7-9 хувиар унана гэж таамаглаж байна10 сар 22. 10:40Чехийн Шадар сайд коронавирусний халдвар авчээ10 сар 22. 9:50БНАСАУ-аас 48 хүн БНСУ руу дүрвэжээ10 сар 22. 9:502-3 өрөөг төлбөртэйгөөр үйл ажиллагаа явуулж ирсэн жишгийг өөрчилж, VIP тасаг болгон шинэчиллээ10 сар 21. 14:08Бенну солироос хөрсний дээж авна10 сар 20. 15:25С.Бат-Эрдэнэ: “Солонгост суралцацгаая” боловсролын үзэсгэлэнг 20-24-ний хооронд зохион байгуулж байна10 сар 20. 12:07БНАСАУ-тай хил залгаа бүсийг БНСУ-ын жуулчдад ирэх сард нээнэ10 сар 20. 10:00Н.Лхажий: Бид мэдрэл, зүрх судасны эмгэгүүдийг сүүлийн үеийн Би-План ангиографиар оношилж, эмчилдэг боллоо10 сар 20. 9:57Японы геополитикийн шинэ санаачилгад сэтгэл хангалуун бус байгаагаа илэрхийлжээ10 сар 20. 9:39Т.Мөнхсайхан: Ирэх онд 10 эмнэлэг хагас бие даасан байдалд шилжинэ10 сар 16. 13:29"Дисковер Монголиа-2020" чуулга уулзалтаас юу хүлээх вэ?10 сар 16. 13:12ТАНИЛЦ: Хотын даргад Р.Дагва, Ж.Батбаясгалан, Н.Баярмөнх тэргүүтэй хүмүүсийн нэр яригдаж байна10 сар 16. 12:25Хатан хаан II Елизавета ордноос гадуурх арга хэмжээнд оролцжээ10 сар 16. 12:20Монголын Нотариатын байгууллага үүсч хөгжсөний 95 жилийн ойд зориулав10 сар 16. 9:51Арменийн нэг тэрбум ам.долларын үнэ бүхий техник хэрэгслийг устгаснаа мэдэгджээ10 сар 16. 9:47Их Британи, АНУ Сарыг эзэмшихэд хамтран ажиллах гэрээ байгуулжээ10 сар 15. 9:45ГОЁ МЭДЭЭ: ГССҮТ эмч, ажилчиддаа зориулж ФИТНЕСС ТӨВИЙГ нээлээ10 сар 14. 13:31Ш.Баярбаатар: Дөрвөн тулгуурт бодлого баримтлан ажиллана10 сар 14. 13:23Эрүүл мэндийн сайд Дорнод аймгийн БОЭТ-д ажиллаж, Төвлөрсөн ариутгалын тасгийг хүлээлгэн өглөө10 сар 14. 10:22БНХАУ, Япон, БНСУ-ын гурван талын дээд хэмжээний уулзалт энэ жил болохгүй10 сар 14. 10:04Д.Трампын коронавирусний шинжилгээний хариуг эмч нь хэлжээ10 сар 13. 11:35Коронавирусний тархалтаар дархлаа үүсгэх стратегийг ДЭМБ няцаажээ10 сар 13. 10:24Хотгор шанагын Алтангэрэлийн үнэн төрх10 сар 12. 12:13

“Мотор” унасан жижиг “Ням”

/7-р сарын 21/  -  9 цаг 58 минут

УИХ-ын сонгууль болоод өнгөрлөө. Ялсан МАН засгаа байгууллаа.

30 дахь Ерөнхий сайдаар ажиллаж, 31 рүү улирсан У.Хүрэлсүхийн Засгийн газрын ХЗДХ-ийн сайдаар Х.Нямбаатар томилогдлоо.

Ерөнхийлөгч Х.Баттулга дөнгөж томилогдсон сайд нарыг хүлээж авах үеэрээ “Х.Нямбаатар сайд аа, Ц.Нямдоржийн хэмжээнд хүрч ажиллахгүй бол салбарынхан чинь тоохгүй шүү” хэмээсэн.

Ерөнхийлөгч түүнд зөвлөсөн үү, сануулсан уу, бүр анхааруулсан уу, бүү мэд. Алин боловч Ц.Нямдоржийг залгаж, суудалд нь суух гэж буй Х.Нямбаатарт үнэнийг л хэллээ гэж олон нийт шуугилаа.

Үнэндээ Ц.Нямдорж хэн бэ, Х.Нямбаатар хэн бэ гэдгийг нийтээрээ мэднэ л дээ. Ц.Нямдорж бол сайн муугаараа дуудуулж энэ улс төр, хууль зүйн салбарт 30 гаруй жил зүтгэсэн парламентч, улстөрч, хуульч, бас сайд хүн юм.

Харин Х.Нямбаатарын тухайд бакалаврын зэргийг 2000 онд “Орхон” их сургуульд эрхзүйч мэргэжлээр, магистрын зэргийг “Орхон” их сургуульдаа боловсрол судлал, мөн Цагдаагийн академид хууль зүйн ухааны чиглэлээр эзэмшжээ. Х.Нямбаатар докторын зэрэг горилон хоёр сургуульд сурч байна. 2012 оноос Удирдлагын академид төрийн удирдлага, 2017 оноос ХСИС-д хууль зүйн ухааны докторант болжээ.     

Тэрээр 2000 оноос “Орхон” их сургуульд багш, 2005 оноос өмгөөлөгч, 2009 оноос СХД-ийн ТЗУХ-ийн дарга, 2012 оноос СХД-ийн ИТХ-ын даргаар ажилласан.

Ингээд 2016 онд МАН-аас УИХ-д нэр дэвшиж сонгогдов. 2020 онд дахин нэр дэвшээд сонгогдов.

УИХ-д хоёр сонгогдсон Х.Нямбаатар шиг гишүүд бол байж л байдаг юм. Олон бий.  Харин түүн шиг мотортой юм шиг дээшилж, од нь гүйсэн бөх шиг давж явдаг нь ховор.

Ердөө анх удаа сонгогдоод л УИХ-ын Хууль зүйн байнгын хорооны даргаар 2019-2020 онд ажиллачихсан. Уг нь Монголын парламентын уламжилж ирсэн бичигдээгүй жаягт анх сонгогдсон гишүүн Байнгын хорооны даргын албан тушаалыг зүүдлээд ч нэмэргүй байлаа. Одоо цаг ч өөр болж, тэр жил Х.Нямбаатарт ч боломж гарчээ. Ингээд зогсоогүй. 2020 оны сонгуульд дахин ялалт байгуулж, гишүүн болж орж ирүүтээ ХЗДХ-ийн сайдаар томилогдчихлоо.

Ийн дөрөвхөн жилийн өмнө дүүргийн ИТХ-ын дарга байсан Х.Нямбаатар мотортой юм шиг ниссээр өнөөдрийг хүрлээ. Өндөрлөгт хүргэсэн моторынхоо талаар Х.Нямбаатар өөрөө л мэднэ.

Яг үнэнийг хэлэхэд Х.Нямбаатар бол У.Хүрэлсүхийн тэргүүлсэн энэ Засгийн газрын ХЗДХ-ийн сайдад яригдаж байсан хоёр дахь хувилбар байв. Эхнийх нь Ц.Нямдорж байлаа. Гэвч Ерөнхий сайдын шийдвэр гарч танилцуулахад Х.Нямбаатарыг сонгосон байв. Үнэн хэрэгтээ сайд байсан “Ням”, сайд болсон “Ням” хоёр хоорондоо сайнгүй харилцаатай.

Хүмүүс мартаагүй байх, нэг ийм хэрүүл байдаг юм. 2019 оны тавдугаар сарын 23-ны чуулган дээр ХЗДХ-ийн сайд Ц.Нямдорж “...400 хуульч цуглаж Эрүүгийн хуульд өөрчлөлт оруулах талаар ярьсан гэдэг худлаа. Х.Нямбаатар надаас гуйж байж Зөрчлийн хуулиар ХСИС дээр зөвлөгөөн хийсэн санал нь над дээр ирсэн. Түүнд хөөн хэлэлцэх хугацаа байхгүй. Иймэрхүү юм ярьдгаа боль. Нэг асуудал гарахаар эсвэл гоморхохоороо өөрөө хийж чадаагүй, буруу хийчихсэн зүйлийнхээ эзнийг өөр тийшээ хайдгаа боль. Чиний тодрох гэсэн өвчин чинь аминд чинь ч хүрч мэднэ шүү. Одоо зогс. Юу гэж ойлгоно уу, ойлго” гээд хэлчихсэн. Маргааш нь Х.Нямбаатар “...Нямдорж сайд “Чиний амь насанд халдана. Хохь чинь шүү” гэж хэллээ. Миний хувьд айх, гайхах зэрэгцэж байна. Мөн намайг хуульчдын зөвлөгөөн хийгээгүй гэлээ. “...Гуйгаад байхаар чинь чамаар Зөрчлийн хуулиар зөвлөгөөн хийлгэсэн” гэж байна. Ц.Нямдорж нэг бол зөнөж, нэг бол гүжирдэж байна” гэсэн. Эндээс нь харвал Ц.Нямдорж өөрөө мэддэг байсан бол сайдынхаа суудлыг лав Х.Нямбаатарт үлдээхгүй байсан биз.

Харин 2020 оны сонгуулийн өмнө намын даалгавраар найрамдацгаасан бололтой. Том “Ням” нь жижиг “Ням”-ыгаа учиргүй магтаж ярьжээ. Ц.Нямдорж 2020 оны зургадугаар сарын 6-нд “...Шударга ёсыг сэргээн тогтоох, мафизм бүлгийг саармагжуулахад Х.Нямбаатар гишүүний оролцоо их байсан. Үүнийг бид зүй ёсоор үнэлэх ёстой. Нөгөө талаар Х.Нямбаатар хуульч хүн. Багшилж байсан. Дараа нь Сонгинохайрхан дүүргийн Иргэдийн хурлын дарга байсан. Энэ утгаараа хуулийн болоод нутгийн өөрөө удирдах талаасаа ч бэлтгэгдсэн хүн гэж би үнэлдэг. Ийм туршлага байсан учраас Эрүүгийн хэрэг хянан шийдвэрлэх хууль, Захиргааны хэрэг хянан шийдвэрлэх хууль гэсэн хуулийн төсөл дээр Ажлын хэсгийг ахалж, нэлээд идэвхтэй ажилласан. УИХ-ын гишүүнээр сонгогдсон эхний дөрвөн жил суралцах жилүүд байдаг. Гэхдээ би Х.Нямбаатарыг залуу хүн ч гэлээ Ажлын хэсэг ахалж, хууль батлан гаргахад маш сайн үүрэг гүйцэтгэсэн гэж хэлнэ. Сүүлд Байнгын хорооны даргаар ажиллаж энэ парламентын хууль тогтоох ажлуудад Х.Нямбаатар идэвхтэй оролцсон гишүүдийн нэг л дээ. Одоо тэр туршлагатай улстөрч боллоо” гэсэн байдаг.

Үнэхээр ч том “Ням”-ын хэлчсэнчлэн жижиг “Ням” өнгөрсөн дөрвөн жилд УИХ-аар орсон томоохон хуулиудад гар бие оролцсон. Үнэн. Хууль эрх зүйтэй холбоотой асуудлаар дуугардаг гарын таван хуруунд багтах хуульч гишүүдийн нэг нь тэр байсан. Бас үнэн. Гэхдээ Х.Нямбаатар яриад байдаг хууль эрх зүй, шударга ёсондоо тээглэх үйлээ өөрөө хийчихсэн. Хамгийн түрүүнд ЖДҮ-гийн асуудлыг ярих хэрэгтэй. “Өгөдэй Ази” ХХК яаж яваад ЖДҮХС-гаас 950 сая төгрөг авчихсан бэ гээд ХЗДХ-ийн сайдаас асуувал юу гэх нь сонин шүү.

Түүнчлэн Эрүүгийн хуулийн 12 дугаар зүйл заалттай холбоотой асуудлаар Х.Нямбаатарыг баалж л байдаг. Өөрийнх нь өмөөрөл, бусдын буруутгал хоёр зэрэгцэн түгсээр өнөөдрийг хүрч байгаа юм.

Юутай ч жижиг “Ням” гэгдээд том салбарын сайд боллоо. Гэхдээ эхний тушаалаараа хууль зүйн салбарын том зүтгэлтэн С.Нарангэрэл академичийг зөвлөхөөрөө томилсон нь тун дажгүй сонголт болов.

Сайд Х.Нямбаатарт амжилт хүсье. Хүн бүхэн хуулийн өмнө тэгш эрхтэй байх болтугай.

 

Эх сурвалж: “Зууны мэдээ” сонин

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.