Шинэ мэдээ

Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ерөнхийлөгчийн “Их амь бат оршоох” санаачилгын тухайд10 сар 4. 20:26СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:341200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42Б.Пүрэврэнцэн: Хүдэр суманд 10 жил болоход есөн ном бүтээжээ, энэ бол том олз9 сар 24. 10:37Аймаг, дүүргийн ТАРХВАР СУДЛААЧ нарыг чадавхжуулах цогц СУРГАЛТ-ууд зохион байгуулагдаж байна9 сар 23. 15:58"Шагайн наадгай" Монгол тоглоом худалдаанд гарлаа9 сар 23. 10:2221 аймаг, 9 дүүргийн ДОХ, СҮРЬЕЭГИЙН эмч, мэргэжилтнүүдийг чадавхжуулах СУРГАЛТ ЭХЭЛЛЭЭ9 сар 21. 11:45"Ноён Бондгор"-ыг ковидын хүндрэлийг давсан нууц9 сар 20. 16:26Ц.Мөнхцэцэг: Сүхбаатар дүүрэг боловсролын цахим шилжилтийн жишиг дүүрэг болно9 сар 20. 13:17Мал эмнэлгийн ерөнхий газрын вакцины мафи үргэлжлүүлэн ажилласаар байх уу?9 сар 18. 19:45Хуурай бетон - Монгол залуус монголд үйлдвэрлэв9 сар 18. 14:26Дуучин Nene стример CTS-тэй болздог уу...9 сар 15. 15:00

А.Энхбаатар: Он гарснаас хойш 218 хүүхэд хүчирхийллийн хохирогч болсон

/12-р сарын 17/  -  11 цаг 05 минут

Хүүхдийн эсрэг хүчирхийлэлтэй холбоотой асуудлаар гэр бүл, хүүхэд, залуучуудын газрын Хууль эрх зүй, хамтын ажиллагааны газрын дарга А.Энхбаатартай ярилцлаа.

-Нийгэмд хүүхдийн хүчирхийллийн эсрэг үйлдэгдэж буй гэмт хэрэг нэлээд гарах боллоо. Ихэнх нь бие махбодийн болон бэлгийн хүчирхийлэлд өртөж байна. Он гарсаар хэчнээн тохиолдол бүртгэгдсэн бэ? 

-2019 оны эхний 9 сарын байдлаар улсын хэмжээнд хүчиндэх гэмт хэрэг 444 бүртгэгдсэнээс, 218 хүүхэд хохирч, энэ гэмт хэргийн тоо өмнөх оноосоо 26.7 хувиар өссөн. Нийслэлийн хэмжээнд авч үзвэл, хүчиндэх гэмт хэрэг 221 бүртгэгдсэн бол эдгээрийн 93-т нь хүүхэд хүчирхийллийн хохирогч болсон.   Үүнийг 2018 онтой харьцуулахад,  15 хэргээр буюу 19.2 хувиар өссөн үзүүлэлт юм. Энэ бол зөвхөн цагдаагийн байгууллагад бүртгэгдэж, хэрэг үүсгэн шалгагдаж байгаа тоо. Шүүхээр гэм буруутай эсэх нь тогтоогдоод оны эцэст хэд болохыг нь одоогоор хэлж мэдэхгүй байна.

-Хүүхдийн эсрэг хүчирхийллийн тоо өсч байгаа шалтгаан юу вэ?

-Энэ тоо өсч байгаа нь сайн, муу хоёр талтай. Яагаад сайн талтай гэж үзэж байна вэ гэхээр илүүрэлт сайжирч байна гэж ойлгож болно. Гэр бүлийн хүчирхийлэл, хүүхдийн эсрэг хүчирхийлэл ихэвчлэн хаалттай хаалганы цаана үйлдэгддэг. Өөрөөр хэлбэл, хүчирхийлэгч, хохирогч хоёроос өөр хүн мэддэггүй учраас маш нууц байдаг. Урт хугацаанд үргэлжилдэг. Хохирогчдын хүчирхийлэлд

Хүүхдийн тусламжийн 108 утсанд ирж байгаа дуудлага, мэдээлэлд анализ хийхэд хүүхэд хүчирхийлүүлж байгаа тухай дуудлага мэдээллийг өгч байгаа хөндлөнгийн этгээдийн мэдээллийг харахад 2016 онд 29 хувь, 2017 онд 46 хувь, 2018 онд 56 хувь болж өссөн

өртсөн давтамжийг 250 тохиолдлоос судлахад,  146  нь 1-3 өдөр, 28 нь 1-9 сар, 45  нь 1-9 жилийн хугацаанд 2-4 удаа хүчирхийлүүлж, хохирогчийг өөрийн эрхшээлд байлгасан. Үүнээс үзэхэд,  ураг төрөл, гэр бүлийн хүмүүс нь хохирогчдыг удаан хугацаанд хүчирхийлдэг байсан гэдгийн нэг илрэл юм. Тиймээс энэ төрлийн гэмт хэргийн тоон мэдээлэл өсч байгаа нь нууц байсан хэргүүд ил болж байна гэж ойлгож болно. Энэ мэдэгдэхгүй хаалганы цаана үлдвэл мэдэгдсэн гэдэг тооноосоо илүү их сөрөг нөлөө, үр дагавартай. Тийм учраас бид мэдэгдэж байгаа энэ тоонд "санаа зовних" гэхээсээ илүү энэ чиглэлээр урьдчилан сэргийлэх, мэдлэгжүүлэх, эр зүйн мэдээлэлтэй болгох, эцэг эхийн үүрэг хариуцлагыг дээшлүүлэх чиглэлд үйл ажиллагаагаа чиглүүлэн ажиллаж байна.

-Тэгвэл хүүхэд хүчирхийллийн хохирогч болж байгаа шалтгаан нь юу вэ. Үүнээс яаж урьдчилан сэргийлэх ёстой вэ?

-Цахим орчин нээлттэй болохын хэрээр хүүхэд хүчирхийлэлд өртсөн мэдээллийг иргэд цахим орчинд хамаагүй мэдээлдэг болж. Мэдээлэл гарсны дараа хүмүүс энэ асуудалд анхаарлаа хануулж, зөв уриалга гаргаад явж байгаа нь зөв ч гэлээ нөгөө талаасаа хүүхдийн эсрэг үйлдэгдэж байгаа зөрчил, эсвэл гэмт хэрэгтэй тэмцэх чиглэлд сөрөг нөлөө үзүүлдэг. 

Ер нь хүүхдийн эсрэг үйлдэгдэж байгаа гэмт хэргийн цаад шалтгаан нөхцөл нь хэн нэгэн этгээд гэр бүлийн боловсрол, хүүхэдтэй харилцах харилцааны ур чадвар тэр дундаа хүүхэд хүмүүжлийн эерэг хандлага байдаггүйтэй холбоотой байдаг. Бага, дунд, их, дээд сургуульд боловсрол эзэмшиж байх үед нь гэр бүл төлөвлөлт, нөхөн үржихүйтэй холбоотой мэдвэл зохих боловсролыг, эцэг, эх байх үүрэг хариуцлагыг, гэр бүлээ хайрлахын боловсрол мэдлэгийг хэн нэгэнд олгоогүйтэй холбоотой гэж дүгнэж байгаа.  

Жишээлбэл, хамгийн сүүлд гарсан 4 болон 6 настай хоёр хүүхдийг хүчирхийлсэн асуудалд тухайн этгээд өөрөө яг л ийм орчинд өссөн болж таарсан. Хэн ч түүнд зааж сургаагүй. Гэтэл өөрөө хүчирхийлүүлж өссөн болохоор яг тэр чигээрээ хүчирхийлэгч болчихсон байна. 

 -Хүүхдийн тусламжийн 108 утсаар дамжуулан Гэр бүл, хүүхэд, залуучуудын газарт хандах дуудлага, мэдээллээс ямар төрлийн дуудлага, мэдээлэл нь давамгайлж байна вэ?

-Хүүхдийн хуулиар олгосон эрхэд халдсан үйлдлийг зөрчил эсвэл гэмт хэрэг гэж үздэг. Уг үйлдлийг 108 утсаар Монгол Улсын аль ч нутаг дэвсгэрээс авах боломжтой. Өнгөрсөн жил гэхэд л 174 мянган орчим дуудлага, мэдээлэл хүлээн авсан. Үүний 60 хувь зорилтот бүлгийн дуудлага, үлдсэн нь хүүхэд хүмүүжүүлэх, эсвэл үе тэнгийн хүүхдүүд хоорондоо харилцахтай холбоотой зөвлөгөө мэдээлэл авсан байсан. Өдөрт дунджаар 500 орчим дуудлага ирдэг. Сүүлийн жилүүдэд дуудлага зөвлөгөө, мэдээлэл авч байгаа байдал ялангуяа эцэг, эхчүүд хүүхэдтэйгээ харилцах харилцааны талаар зөвлөгөө мэдээлэл авч байгаа дуудлага өсч байгаа. Энэ нь хүүхэдтэйгээ зөв харилцах аргаа олох гэсэн эцэг, эхчүүдийн зөв хандлага гэж үзэж байгаа юм.

Мөн хүүхдийн эсрэг гэмт хэргийн шинжтэй үйлдэл хийж байгаа талаарх хөндлөгийн этгээдийн өгч байгаа дуудлага, мэдээлэл сүүлийн жилүүдэд өсч байна. Өөрөөр хэлбэл, миний хүүхэд биш бол надад хамаагүй гэдэг хандлага алга болж байна гэсэн үг. Энэ хандлагын ачаар далд хаалганы цаана үйлдэгддэг гэмт хэрэг илрэхээс гадна энэ төрлийн гэмт хэрэг үйлдэх этгээдэд нөлөөлнө гэж бодож байгаа.

-Түр хамгаалах байранд хэчнээн хүүхэд байгаа вэ?

-Өнгөрсөн жил нийт 960 хүүхэд түр хамгаалах байраар үйлчлүүлсэн. Энэ тоо энэ жил өсөх хандлагатай байна. Учир нь өнөөдрийн байдлаар түр хамгаалах байраар нийт 861 хүүхэд үйлчлүүлсэн.  11, 12 сард түр хамгаалах байрны хүүхдийн тоо огцом нэмэгддэг.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.