Шинэ мэдээ

Трамп үр хөндөлтийг эсэргүүцэгч Эми Барреттийг Дээд шүүхийн шүүгчид нэр дэвшүүлэв1 цаг 41 минутын өмнөБеларусьт болсон жагсаалын үеэр 100 хүнийг баривчилжээ2 цаг 27 минутын өмнөД аминдэм коронавирусний улмаас нас барах эрсдэлийг бууруулах чадвартай болохыг эрдэмтэд мэдэгдэв9 сар 27. 11:08ДЭМБ: коронавирусний халдвараар нас барсан хүний тоо хоёр саяд хүрэх магадлал өндөр байна9 сар 27. 11:07Канадад коронавирусний халдварын хоёр дахь давлагаа эхэлснийг мэдэгджээ9 сар 25. 13:20Б.Мишээл: Би эмч хүнийг олон хүүхэдтэй эх хүн гэж боддог9 сар 25. 12:19БНСУ-ын Хөдөлмөрийн аюулгүй ажиллагаа, эрүүл ахуйн хэрэг эрхлэх газартай хамтран ажиллах гэрээ байгууллаа9 сар 25. 12:03Луисвиллд цагдаагийн хоёр ажилтан буудуулжээ9 сар 25. 9:49НҮБ, Их Британи уур амьсгалын асуудлаар дээд хэмжээний уулзалт хийнэ9 сар 25. 9:48Ховд аймгийн баг “Үндэсний Цом-2020” тэмцээнд түрүүлж Улсын аврага боллоо9 сар 24. 15:43Ачит Ихтын ойр түүх9 сар 24. 14:04“ЭЕРЭГ МОНГОЛ” чуулган болж байна9 сар 24. 10:32Шинжаанаас зарим бүтээгдэхүүн импортлохыг хориглох тухай хуулийн төслийг баталжээ9 сар 24. 10:09Японы шинэ Ерөнхий сайдын үед ОХУ-тай найрамдлын гэрээ байгуулна гэж найдаж байна9 сар 24. 10:08Гэр хорооллын айл өрхөд интернетийн хүртээмжийг нэмэгдүүлэх ажлын хүрээнд САНАМЖ БИЧИГ байгууллаа9 сар 24. 9:47Нүүрс тээврийн 82 жолооч ажил хаялт зарлаад байна9 сар 23. 16:33МАН-ын улс төрийн бодлогын газрын даргаар М.Ганхүлэгийг томилжээ9 сар 23. 14:22Бээжинд “5G” хэрэглэгчдийн тоо таван сая давжээ9 сар 23. 10:46Аравдугаар сараас ААНБ, даатгуулагч тус бүр 5,0 хувиар нийгмийн даатгалын шимтгэл төлнө9 сар 23. 10:41Япон НҮБ-ын Аюулгүйн Зөвлөлийн байнгын гишүүн болоход бэлэн байна9 сар 23. 10:00Нийгмийн даатгалын архив бүрэн цахимжлаа9 сар 23. 9:42Тээвэрчид "Өвөлд бэлэн" байна9 сар 22. 12:35Автотээвэр, төмөр замын зорчих тасалбарыг УБТЗ, Драгон, Тэнгэр плазагаас захиалах боломжтой9 сар 22. 11:46"Азын" гэх дугааруудыг шуурхай алба болон тохижилт үйлчилгээний машинуудад олгоно9 сар 22. 10:52Англид хязгаарлалтын шинэ арга хэмжээнүүдийг хэрэгжүүлнэ9 сар 22. 9:40Иранд коронавирусний халдварын гурав дахь давлагаа эхэлснийг мэдэгджээ9 сар 21. 13:10Дэлхийн удирдагчид НҮБ-ын чуулганы үеэр цахимаар үг хэлнэ9 сар 21. 9:52Тайландад олон мянган хүн жагсжээ9 сар 21. 9:50"Урвагч Л.Болдын гэрийн хатавч"-нд Ардчилсан нам нүүж очжээ9 сар 18. 16:16Зайсангийн баячууд дулаангүй болохнээ9 сар 18. 11:41

Барилга байгууламжийн зураг төсөлд магадлал хийх “ЭКСПЕРТҮҮДИЙН ЗӨВЛӨГӨӨН 2020” болж байна

/1-р сарын 14/  -  12 цаг 51 минут

Өнөөдөр Барилга хот байгуулалтын яам, Барилгын хөгжлийн төв ТӨҮГ хамтран барилга байгууламжийн зураг төсөлд магадлал хийх “ЭКСПЕРТҮҮДИЙН ЗӨВЛӨГӨӨН 2020” зохион байгуулж байна. Тус зөвлөгөөнд БХБЯ-ны Төрийн нарын бичгийн дарга С.Магнайсүрэн, Барилгын хөгжлийн төв ТӨҮГ-ын захирал Ц.Амарсанаа, Барилгын хөгжлийн төв ТӨҮГ-ын дэд захирал бөгөөд ерөнхий менежер Б.Энхболд болон барилга байгууламжийн зураг төсөлд магадлал хийхэд экспертээр ажилладаг 200 гаруй эксперт оролцож байна.

Хурал өнөөдөр 15 цаг хүртэл үргэлжлэх бөгөөд зураг төсөлд магадлал хийх ажлыг зохион байгуулахад гардаг хүндрэл бэрхшээл, шийдвэрлэх асуудлуудын талаар болон холбогдох хууль, норм дүрэм, стандартын хэрэгжилтийг хангаж, зураг төслийн чанарыг сайжруулах, цаашид хэрэгжүүлэх арга хэмжээний талаар БХБЯ, БХТ, МХЕГазар, Онцгой байдлын ерөнхий газар, Монголын тэргэнцэртэй иргэдийн холбоо зэрэг төрийн болон төрийн бус байгууллагын удирдлагууд болон төлөөлөл оролцон илтгэл хэлэлцүүлж,  экспертүүдийн  зөвлөмжийг сонсч санал бодлоо солилцож байна.

"Барилгын чанар аюулгүй байдал нь барилгын зураг, материал, гүйцэтгэгч байгууллагаас шалтгаалдаг"

“Барилгын хөгжлийн төв” ТӨҮГ-ын дарга Ц.Амарсанаа:

Arslan.mn

Өнөөдөр барилгын салбарт зураг төсөл, магадлал хийх мэргэжлийн түвшинд хараат бусаар  дүгнэлт гаргах мэргэшсэн зөвлөх, инженерүүд буюу экспертүүдийн зөвлөгөөн болж байна. Зөвлөгөөний үеэр 2019 онд гаргасан ололт амжилт, алдаа оноогоо дүгнэж энэ ондоо хийж хэрэгжүүлэх ажлаа хэлэлцэх юм. Барилгын чанар аюулгүй байдал гэдэг бол барилгын зураг, материал, гүйцэтгэгч байгууллагаас шалтгаалдаг. Барилгын зураг зөв төлөвлөлттэй, зөв шийдэлтэй, эдийн засгийн хэмнэлт гаргасан, техникийн шинэ шийдлүүдийг агуулсан байх шаардлагатай бөгөөд үүнийг хөндлөнгийн экспертүүдээр шалгуулснаар баталгаажих юм. 2019 он барилгын салбарт ээлтэй он байлаа. Улсын төсвийн хөрөнгө оруулалтаар өмнө нь байгаагүй олон бүтээн байгуулалтыг хийлээ. 2348 зураг төсөлд магадлалын нэгдсэн ерөнхий дүгнэлт гарсан нь барилгын салбар идэвхитэй байгааг харуулж байна. Зураг зурагдаж байна гэдэг нь барилга сүндэрлэн босно гэсэн үг. Бид ч үүн дээр ихээхэн анхаарал хандуулж чанар стандартын шаардлага хангасан аюулгүй барилга барих зорилт тавин ажиллаж байна.

"БХТ-өөс экспертүүдийг чадавхижуулах, норм журам, шаардлагыг боловсронгуй болгох тал дээр анхаарч ажиллаж байна"

“Барилгын хөгжлийн төв” ТӨҮГ-ын дэд захирал бөгөөд ерөнхий инженер Б.Энхболд:

Arslan.mn

Барилга байгууламжийн зураг төсөлд магадлал хийх экспертүүдийн зөвлөгөөн яг одоо үргэлжилж байна. 2020 оны 01 дүгээр сарын 06-08-ны өдрүүдэд гурван дэд салбарын хэлэлцүүлэгийг амжилттай зохион байгуулсан.  Зөвлөгөөнд нийт 194 эксперт оролцож байна. Эдгээр экспертүүд 51 чиглэлээр зураг төслийг магадлан баталгаажуулдаг. 2019 онд 2400 зураг төсөлд магадлалын үйл ажиллагааг зохион байгуулж ажилласан байна. Барилга хөгжлийн төвөөс экспертүүдийг чадавхижуулах, норм журам, шаардлагыг боловсронгуй болгох тал дээр анхаарч ажиллаж байна. Барилга байгууллагын нормчлолын сангаас тухайн жилд хийх ажлын саналыг авдаг. Энэ зөвлөгөөний үеэр барилгын салбарын аль норм дүрэм, стандартыг эрэмбэлж, шинэчлэх вэ, Хангай, Хэнтий, Хөвсгөлийн уулс дагуу нутгууд цэвдэг ихтэй газруудад баригдах барилгуудын стандартыг илүү нарийвчилж ажиллах зэрэг тулгамдаж буй олон асуудлыг ярилцах юм.

"Барилгын норм, нормативыг  чөлөөтэй хэрэглэх, шинэ техник технологийг нэвтрүүлэх боломж бүрдсэн"

“Барилгын хөгжлийн төв” ТӨҮГ-ын Норм нормативын хэлтсийн дарга Д.Алтанхуяг:

Arslan.mn

Монгол улсад мөрдөгдөж байгаа барилгын салбарын норм, дүрэм нь 1960 оноос хойш мөрдөгдөж эхэлсэн. 1999 онд барилгын салбарын норм нормативын ерөнхий тогтолцоог баталж, 2009 онд Засгийн газрын 74 дүгээр тогтоолоор шинэчлэн баталсан. Тэгвэл өнгөрсөн оны гуравдугаар сарын 21-нд Норм нормативын баримт бичгийн тогтолцоог дахин шинэчлэн батлуулсан. Энэ тогтолцоонд техникийн зохицуулалт гэдэг ухагдахуун орж ирсэн. Уг зохицуулалтаар барилга байгууламжид тавигдах ерөнхий шаардлагыг тусгасан байгаа. Техникийн зохицуулалт гэдэг заалт орж ирснээр гадаад орны барилгын норм, нормативыг  чөлөөтэй хэрэглэх, шинэ техник технологийг нэвтрүүлэх боломж бүрдсэн. Мөн Засгийн газрын 107 дугаар тогтоолоор гадаадын норм дүрмийг бүртгэх, хэрэгжүүлэх журмыг мөн шинэчлэн баталсан. Тухайн аж ахуй нэгж нь шинэ техник технологийг барилгадаа нэвтрүүлэх тохиолдолд шууд бүртгүүлж хэрэглээд явах бололцоотой болсон гэсэн үг юм.

МХЕГ-ын Барилга байгууламжийн хяналтын хэлтсийн дарга Ш.Уранчимэг

Arslan.mn

МХЕГ-т 2019 онд нийтдээ 10899 гомдол санал ирсэн. Үүнээс 12 хувь нь барилгын зураг төслийн шийдэлтэй холбоотой  байна. Үүний 9,2 хувь нь барилгын зураг төсөлд тусгагдаагүй гэсэн зөрчил, 25,9 хувь нь хууль тогтоомж, норм дүрмийн зөрчилтэй, 27,8 хувь нь зураг төслийн дагуу гүйцэтгээгүй, 16,2 хувь нь өөрчлөлтийн зураг төсөлгүй гэх мэт зөрчлүүд бүртгэгдсэн. Бид дэд бүтцийн салбарын 26 хууль, 420 гаруй норм, дүрэм, 670 гаруй стандартыг барилгын салбарт мөрдүүлж ажилладаг. Энэ норм дүрэм, хууль тогтоомжийн дагуу зураг төсөл боловсрууагдсан байх ёстой бөгөөд шаардлага хангаагүй зураг төслийг Зөрчлийн тухай хууль, Төрийн хяналт шалгалтын тухай хууль, Зөрчил хянан шалгах тухай хуулийн дагуу хариуцлага тооцож ажилладаг. Барилгын зураг төслийг норм журмын дагуу, стандартын шаардлага хангасан зураг төслийг анхнаас нь хийх нь хамгийн чухал байна.

Arslan.mn

Arslan.mn

Arslan.mnArslan.mnArslan.mnArslan.mnArslan.mnArslan.mnArslan.mnArslan.mnArslan.mn

 

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.