Шинэ мэдээ

“Honda”, “Nissan” олон мянган ажилтнаа түр чөлөөлнө2 цаг 15 минутын өмнөЖижиг бизнесийг дэмжих зорилгоор 250 тэрбум ам.доллар гаргахыг хүсжээ2 цаг 16 минутын өмнөСингапурт үдэшлэг, уулзалт зохион байгуулахыг хориглосон хууль батлав2 цаг 39 минутын өмнөАНУ ДЭМБ-ыг санхүүжүүлэхээ зогсоож магадгүй4 сар 8. 10:06Талибууд Афганистаны эрх баригчидтай хийж буй хэлэлцээгээ зогсоожээ4 сар 8. 9:45Японы Ерөнхий сайд онц байдал зарлах гэж буйгаа парламентдаа мэдэгдэв4 сар 7. 14:02Нефтийн үнэ өсжээ4 сар 7. 13:59Мүн Жэ Иний нэр хүнд хамгийн өндөр түвшинд хүрч өсжээ4 сар 7. 9:38Японы Ерөнхий сайдын гэрт үл таних эмэгтэй нэвтрэхийг оролджээ4 сар 7. 9:32АНУ-д коронавирустэй тэмцэхэд цэргийн эмч нарыг оролцуулна4 сар 6. 9:05АНУ нефтийн импортод татвар ногдуулж магадгүй4 сар 5. 11:44АНУ-д нэг өдрийн дотор 1400 гаруй хүн нас баржээ4 сар 5. 11:42АНУ-ын нийт иргэнд гэрээсээ гарахгүй байхыг зөвлөжээ4 сар 4. 11:17“Brent” маркийн нефтийн үнэ 30 ам.доллар давжээ4 сар 4. 11:16Б.Нетаньяху өөрийгөө тусгаарлана4 сар 3. 11:24Зэсийн үнэ унажээ4 сар 3. 11:17NASA Нарны шуургыг судлах шинэ хөтөлбөр хэрэгжүүлнэ4 сар 2. 9:47ОХУ-д коронавирусний халдвараар нас барсан хүний тоо 24 боллоо4 сар 2. 9:44Иргэд дипломат ажилтнуудад талархалтай хандаж байна4 сар 1. 10:40Германд коронавирусний халдвар авсан хүний тоо 60 мянга давжээ4 сар 1. 9:51Дэлхийн банк Хятадын ДНБ-ий өсөлтийн талаарх таамаглалаа бууруулжээ4 сар 1. 9:50Ж.Цолмон: Ковид-19 цар тахлыг эв нэгдэл, нэгдмэл санаа, нэгдсэн хүч устгаж чадна3 сар 31. 10:37Европын хотуудын агаарын бохирдол буурчээ3 сар 31. 9:36Австрали ажлын байраа алдсан иргэддээ санхүүгийн дэмжлэг үзүүлнэ3 сар 31. 9:35Уур амьсгалын өөрчлөлт ба хүний эрүүл мэнд3 сар 30. 8:46Халдвар авсан Канадын Ерөнхий сайдын гэргий эмчлэгджээ3 сар 29. 11:23Ухань хотын метроны үйл ажиллагааг сэргээж эхэллээ3 сар 29. 11:20Токиод интоорын модны цэцэрлэгт хүрээлэнгүүдийг хэсэгчлэн хаажээ3 сар 28. 11:18Хубэй мужид ажилласан эмнэлгийн 21 мянга гаруй ажилтан гэртээ харьжээ3 сар 26. 9:58Токиогийн хөрөнгийн биржийн гол индексүүд өсчээ3 сар 26. 9:49

АШУҮИС-ийн эмнэлэг нээлтээ хийж, үйлчлүүлэгчдээ хүлээж авлаа

/10-р сарын 1/  -  14 цаг 12 минут

Нийслэлийн Баянзүрх дүүргийн 12 дугаар хороо, Амгаланд баригдаж буй Анагаахын шинжлэх ухааны үндэсний их сургуулийн Монгол-Япон сургалтын эмнэлэг өнөөдөр албан ёсоор үүд хаалгаа нээж, үйлчлүүлэгчдээ хүлээж авлаа. 

Тус эмнэлэг нь Япон Улсын 7 тэрбум 985 сая иенийн буцалтгүй тусламжийн хөрөнгө оруулалтаар баригдсан бөгөөд 1 тэрбум 393 сая иенийн үнэ бүхий хамгийн орчин үеийн, өндөр хүчин чадалтай тоног төхөөрөмжүүдийг суурилуулсан байна.

Нээлтийн үйл ажиллагаанд, АШУҮИС-ийн захирал Ж.Цолмон болон удирдлагууд, Эрүүл мэндийн дэд сайд Л.Бямбасүрэн, НЭМГ-ын дарга Л.Төмөрбаатар болон хүндэт зочид төлөөлөгчид, ЖАЙКА-гийн төв байгууллага болон Монгол дахь  суурин төлөөлөгчийн газрын хамт олон АШУҮИС-ийн эрдэмтэн багш нар, доктор, профессор, үе үеийн төгсөгч, оюутан залуус уригдан оролцов. 

Нээлтийн ажиллагааны үеэр, Япон улсаас Монгол Улсад суугаа Онц бөгөөд Бүрэн эрхт Элчин сайд Масато Такаока нээлтийн үеэр хэлэхдээ, "Энэхүү эмнэлгийн албан ёсны нээлтийг Ерөнхий сайд У.Хүрэлсүх болон албаны хүмүүсийн хамт өнгөрсөн зургадугаар сард хийсэн. Түүнээс хойш гурван сарын хугацаа өнгөрчээ. Амбулаторийн үйл ажиллагааг өнөөдөр нээж, иргэдээ хүлээн авах боломжтой болж байгаад баяртай байна. Арван жилийн өмнө энэхүү эмнэлгийг барьж байгуулах ажил маш олон хүний хүч, хөдөлмөрөөр эхэлж байсан бол өнөөдөр ийнхүү үйлчлүүлэгчдээ хүлээн авч байна. Эмнэлгийг орчин үеийн техник технологиор тоноглосон, Японы менежментээр ажиллана. Монголын анхны сургалтын эмнэлэгт ажиллах эмч, мэргэжилтнүүдэд ажлын амжилт хүсье" гэв. 

Харин АШУҮИС-ийн захирал Ж.Цолмон"Монгол, Япон хоёр улсын засгийн газрын хамтын ажиллагааны хүрээнд Япон улсын засгийн газрын буцалтгүй тусламжаар Монгол улсад анх удаа Их сургуулийн эмнэлгийг барьж ашиглалтад орууллаа. Манай Их сургууль энэ сайхан эмнэлгээ Монгол улсын тэргүүлэх, сайн жишиг болсон эмнэлэг болгож ажиллахын тулд бүхий л нөөц бололцоогоо ашиглаж хичээх болно. Бид үр дүнтэй, чанартай, хүртээмжтэй эрүүл мэндийн тусламж үйлчилгээ үзүүлэх, эрүүл мэндийн ажилтныг сургах, дадлагажуулах, анагаах ухааны судалгаа шинжилгээний бааз байх Их сургуулийн эмнэлгийн суурь зарчимд тулгуурлан онол дадлагыг хослуулсан, өндөр ёс суртахуун, ур чадвар бүхий эмч багш, эрүүл мэндийн ажилтан, судлаач нарыг тасралтгүй хөгжүүлэх үндэсний тэргүүлэх Эрүүл мэндийн Боловсролын төв болох зорилго тавин ажиллана. СЯСЭ-ийн амбулатори нь өдөрт 400, сард 8800, жилд 105600 гаруй үйлчлүүлэгчид эмнэлгийн тусламж үйлчилгээ үзүүлэх хүчин чадалтай бөгөөд улсын хэмжээнд лавлагаа  түвшний тусламж үйлчилгээ, БЗД-ийн дөрвөн хороонд амбулаторийн тусламж үйлчилгээг үзүүлэх болно. Мөн МЯСЭ нь амбулатори, радиологийн төв, дурангийн төвийн үйл ажиллагааг өнөөдрөөс эхлүүлж, мэдрэл дотор, хүүхдийн эмгэг судлалын тасгуудыг 11 сард, яаралтай тусламж, эрчимт эмчилгээ, мэс заслын тасгуудын үйл ажиллагааг ирэх оны 1 дүгээр сараас эхлүүлж, бүрэн хүчин чадлаараа ажиллах болно" гэв.

Монгол-Япон Сургалтын Эмнэлэгийн Ерөнхий захирал Х.Алтайсайхан,  Монгол улс – Япон улсын Засгийн газар хоорондын олон жилийн бүтээлч хамтын ажиллагааны  бодит биеллийн нэг болсонИх сургуулийн  эмнэлгийн амбулаторийн үйл ажиллагаа өнөөдөр албан ёсоор эхэлж үйлчлүүлэгчдээ хүлээн авахад бэлэн болоод байна. 

АШУҮИС–ийн Монгол-Япон Сургалтын Эмнэлэгт  Япон улсын буцалтгүй тусламжаар 360 гаруй нэр төрлийн хамгийн сүүлийн үеийн өндөр хүчин чадал бүхий соронзон резонанс томографи, компьютерт томографи, судсан доторх оношилгоо, эмчилгээний болон дүрсоношилгооны тоног төхөөрөмжүүд, бүрэн автомат анализатор, бусад техник хэрэгслүүд суурилагдаж, ашиглалтад бэлтгэгдсэн. Үнийн хувьд бусад эмнэлгүүдээс ялгаагүй. Эрүүл мэндийн даатгалаар үйлчлүүлэх боломжтой. Баянзүрх дүүргийн 10, 12, 13, 26 дугаар хорооны иргэдэд эрүүл мэндийн үндсэн үйл ажиллагаа, улсын хэмжээнд лавлагаа шатлалын тусламж үйлчилгээг үзүүлнэ. Мөн аймаг, дүүргийн нэгдсэн эмнэлгүүдээс илгээх бичгийн дагуу илгээсэн үйлчлүүлэгчдийг  хүлээж авна" гэсэн юм.

Монгол-Япон Сургалтын Эмнэлэг нь үйлчлүүлэгч төвтэй, үйлчлүүлэгчид ээлтэй, багаар үзүүлэх эмнэлгийн тусламж үйлчилгээ бүхий Япон менежментийг нутагшуулж буйгаараа онцлогтой юм байна. Мөн тус эмнэлэг нь Үйлчлүүлэгч дэмжих төвийг Монгол улсын эрүүл мэндийн салбарт анх удаа нэвтрүүлж байгаа бөгөөд цаашид эмч, эмнэлгийн мэргэжилтнийг Япон улсын их сургуулиудад мэргэжил дээшлүүлэн, өндөр хөгжилтэй орны эмч, багш нарыг урьж ажиллуулах төлөвлөгөөтэй байгаа аж.

Дашрамд, тус  эмнэлгээр үйлчлүүлэх иргэд урьдчилан утсаар цаг авах шаардлагатай бөгөөд аймаг, хотын иргэд илгээх бичгийн дагуу /13А маягт/ ирж үйлчлүүлэх боломжтой.

Эмнэлгийн цаг товлолт, лавлагааны утас: 70153098, 70153099

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.