Шинэ мэдээ

Ираны түлш тээвэрлэсэн эхний хөлөг онгоц Венесуэлд хүрчээ3 цаг 27 минутын өмнөХонконгт эсэргүүцэгчдийг тараахын тулд нулимс асгаруулагч хий ашиглажээ3 цаг 51 минутын өмнөХонконгийн үндэсний аюулгүй байдлыг хамгаалах нь Хятадын дотоод асуудал гэв5 сар 24. 11:22Испани орон даяар 10 өдрийн гашуудал зарлана5 сар 24. 11:00АТГ:А.Адьяасүрэнд хэрэг үүсгэн шалгаагүй5 сар 22. 13:10"Конотори-9" хөлгийг амжилттай хөөргөжээ5 сар 22. 9:36Трамп гидроксихлорохин уухаа болино5 сар 21. 12:34Африкт тусламж үзүүлэхийг уриалжээ5 сар 21. 9:41БНСУ-д ахлах сургуулиуд хичээллэж эхэллээ5 сар 21. 9:38Цэцэг дэлгэрсэн цэнгэг зуны үдшээр “нисдэг цэцэг” дэлгэн сэтгэлийн цэнгэл эдлэн суувал ямар вэ?5 сар 20. 9:52Их Британийн хааны гэр бүл 22 сая ам.долларыг алдаж магадгүй5 сар 20. 9:38Энэтхэгт олон сая хүнийг нүүлгэн шилжүүлж эхэлжээ5 сар 20. 9:26Манай үеийн СЕО нарын нэг О.Мөнхтулга 2020 оны сонгуулийн хамгийн залуу нэр дэвшигч5 сар 19. 10:11БНСУ-ын компаниудын 30 орчим хувь нь ажилтнуудаа цомхотгож магадгүй5 сар 19. 9:45Шинэ Зеландын хүн ам таван саяд хүрчээ5 сар 19. 9:45Японы ДНБ 3.4 хувиар бууржээ5 сар 18. 14:05Энэтхэгт хөл хориог сунгалаа5 сар 18. 10:06М.Энхболд: Намын бодлого шийдвэрийн дагуу УИХ-ын сонгуульд нэр дэвших боломж олдсонгүй5 сар 18. 9:36Румынд коронавирусний улмаас тогтоосон хязгаарлалтыг эсэргүүцсэн жагсаал болжээ5 сар 18. 9:32Италийн эрх баригчид ирэх сард хилээ нээнэ5 сар 17. 11:34АНУ-ын Конгрессын гишүүдэд алсаас саналаа өгөхийг зөвшөөрсөн хуулийн төслийг баталжээ5 сар 17. 11:33А.Адьяасүрэн: АН бодлогын нам, буурь суусан улс төрийн гол тоглогч5 сар 16. 16:14Цар тахал дэлхийн эдийн засагт 8.8 их наяд ам.долларын хохирол учруулж болзошгүй5 сар 16. 11:22Сэтгүүлчдийн визийн хугацааг хязгаарлахыг нь эсэргүүцжээ5 сар 16. 11:00Австраличуудын сэтгэцийн эрүүл мэндийг хамгаалахад 31 сая ам.доллар зарцуулна5 сар 16. 10:57ОХУ дахь нас баралтын талаарх мэдээллээ няцаахыг шаардсан захидал явуулжээ5 сар 15. 12:39Grand Family: Хань Ц.Амарсанаа: Адьяасүрэн хэзээ ч хуурамч дүр эсгэдэггүй5 сар 15. 10:12Афганистаны зүүн нутагт болсон дэлбэрэлтийн хариуцлагыг "Талибан" хөдөлгөөн хүлээжээ5 сар 15. 9:49MYЭX-ны Б.Mягмар доктор(PhD)-ын зэрэг хамгааллаа5 сар 15. 9:36Иргэдэд сэтгэл зүйн дэмжлэг үзүүлэхэд анхаарлаа хандуулахыг уриалжээ5 сар 15. 9:27

Хамар цоргиулсан хорт утаа баяртай

/10-р сарын 17/  -  14 цаг 00 минут

Ч.Үл-Олдох

Нийслэлчүүд саяхан л “Шахмал түлшнээс болж угаартлаа, хордлоо” гэлцэн талцаж байсан. Тэгвэл  өнөө өглөө “Энд ч утаа алга, тэнд ч утаагүй болчихож” гэлцэн цахим орчинд гайхан, шогшрон  жиргэснээр ажлын өдрийг эхлүүлэв. Харанхуйд  дассан хүмүүсийн нүд гэнэт гэрэл гэгээ олж  хараад  баярлах нэг тийм мэдрэмж илт. Одоогоор нийслэлийн есөн дүүргээс  түүхий нүүрсийг хязгаарлаагүй байгаа Налайх орчим л агаарын бохирдлын  үзүүлэлт бусдаасаа өндөр гарчээ. Энэ бол өнөөх муу хэлээд байсан шахмал түлшний  мааньсайн   тал. Улаанбаатар маань утаагүй  болж байгаа нь сайхан. Шахмал түлшийг хэрэгжүүлэх Засгийн газрын шийдвэр чухам  үүнд л чиглэсэн. Тэр зорилго нь эхнээсээ   үр дүнд хүрч эхэллээ. Нөгөөтэйгүүр,  олон нийт  ойлгож эхэлж байх шиг. Хамгийн гол нь энэ хүртэл мэргэжлийн  сэтгүүлзүй үүргээ сайн гүйцэтгэлээ.

Шахмал түлшний мөрөөр манай  сэтгүүлчид маш олон талын байр суурийг авч тэнцвэртэйгээр  хүргэсэн. Хэрэглэгч иргэдийг, эрдэмтэн судлаачдыг, түлш үйлдвэрлэгчдийг бүгдийг оролцуулж, бүх талын  дуу хоолойг  нийгэмд нээлттэйгээр  хүргэсэн. Шүүмжлэгчдийг ч орхигдуулсангүй. Ерөөс нэг талыг барьсан сурталчилгаа хийгдээгүй нь хүмүүсийн нүдийг нээж, чихийг онгойлгоход нээлт болсон гэх үү дээ. Өөрөөр хэлбэл, тэр л олонлог дундаас харьцуулах, харах, үнэлэлт дүгнэлт өгөх, туршиж үзэх олон талт ажиллагаа тал бүрт явагдлаа. Орон сууцанд амьдардаг  хотын залуусыг  хүртэл гэр хороололд аваачиж шахмал түлш түлүүлж хонуулж чадсан гэхээр  энэ үйл явдал, бий болсон асуудал өөрөө  ямар өндрийг авсныг  илтгэнэ. Ингэх нь зөв л дөө, нөгөө монголчуудын хэлээд байдаг  “Алгаараа харж, арваараа барьж байж мэд”   гэдэг л энэ. Бас энд шинэ технологи, шинэ дэвшлийн үр шимийг үзье гэсэн нийгмийн оюунлаг хэсгийнхэн  жин дарлаа. Хүлээц, тэвчээр, хяналттай бөгөөд хариуцлагатай байдал, шинжлэх ухаанч хандлага гээд энд олон  юм бий.  Эрдэмтэн, судлаачид маань ч  өөрдийн үүргийг гүйцэтгэлээ. Алсын Америкаас хүртэл сэтгэл зовнин монголчууддаа хандан  байр сууриа хүргэж, тайлбар зөвлөмж өгч байлаа.  Хамгийн эерэг өөрчлөлт нь  монголчууд асуудалд тэнцвэртэй хандаж сурч байгаа нь шахмал түлшийг дагасан үйл явдлаас тод харагдлаа. Яагаад гэвэл, шинэ шийдлийг дэмжээд явчихсан, төрийн нуруу тэгш бол тэрүүхний хазгайг засч чадна гэсэн  үзэл бодолтой хүн олон байлаа.

Энд бас хүйтрэхийн түрүүчээр  шахмал түлш түлээд угаартаж  амь насаа алдсан харамсалтай явдлыг дурдахгүй өнгөрч болохгүй. Бид цөөхөн, хүний амь хайран. Зуухныхаа бүрэн бүтэн байдлыг шалгаагүй, яндангийн хаалтаа хаасан, хайнга байдлаас болж дутуу шаталт үүсгэж угаартсан гээд хүний үйл ажиллагаатай холбоотой олон алдаа, зөрчил яригдаж байна. Өмнө нь ч өвлийн улирал эхэлж нүүрс түлж эхлэнгүүт угаартсан, цогтой нүүрс гаргаж  гэрээ  шатаасан гэх мэдээллүүд дуулддаг байсан. Өөрсдийн буруугаас  болжээ гэсэн дүгнэлт гарч, сонин, сайтын буланд мэдээлэгдээд  өнгөрдөг, хэн ч энэ тухай хөндөж, асуудал дэвшүүлж  ярьдаггүй байлаа. Хариуцах эзэн, байгууллага гэж байсангүй. Онцгой байдлын газар, нийслэлийн цагдаагийн газраас  хүйтний улирал эхэлж байгаатай холбогдуулан галын аюулаас сэрэмжлүүлэг гаргадаг  байлаа. Энэ удаа “Тавантолгой түлш”  гэдэг компани бий болж, шахмал түлш үйлдвэрлэн  хэрэглээнд нэвтрүүлж байгаа.Иймд   иргэд угаарын хийд хордсон нь шахмал түлшнээс болов уу, хортой бодис ашигласан юм биш байгаа гэдэг хардлага гарсан. Бид хардах эрхтэй. Хардсаныхаа хэрээр шахмал түлшний өргөн мэдээлэлтэй болж ч байна.  Ер нь бол шахмал түлшний тухайд бол  Засгийн газар  өнгөрсөн  хавраас эхлэн  зөв галлагааны тухай мэдээлэл түгээх ёстой байсан болов уу.

Жишээ нь, гэр хорооллоор явж  шинэ дэвшлийг хэрэгжүүлэхийн өмнө  зуухныхаа бүрэн бүтэн байдлыг ханга, яндангаа хөөл, хаалтыг нь хааж болохгүй, нүүрсхүчлийн хий ийм учиртай гэхчлэн хичээл зааж болно шүү дээ. Магадгүй мэдээллээсээ түлш нь түрүүлсэн алдаа байхыг үгүйсгэхгүй. Харин одоо зөв хэрэглээд сурчихвал хотлоороо утаанаас салах юм байна гэдэгт олон нийтийн  ойлголт  цэгцэрчээ. Улаанбаатар  утаагүй болчихвол нийслэлчүүд л  хожно. Хотлоороо  хорт утаанаас ангижирч эрүүлжинэ. Хот маань утаагүй болохын  хэрээр хүмүүсийн оюун санаа ч гэсэн тунгалагшина. Ийм гоё өдрүүд наашилж байна. Утаа баяртай.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.