Шинэ мэдээ

Ираны түлш тээвэрлэсэн эхний хөлөг онгоц Венесуэлд хүрчээ3 цаг 29 минутын өмнөХонконгт эсэргүүцэгчдийг тараахын тулд нулимс асгаруулагч хий ашиглажээ3 цаг 53 минутын өмнөХонконгийн үндэсний аюулгүй байдлыг хамгаалах нь Хятадын дотоод асуудал гэв5 сар 24. 11:22Испани орон даяар 10 өдрийн гашуудал зарлана5 сар 24. 11:00АТГ:А.Адьяасүрэнд хэрэг үүсгэн шалгаагүй5 сар 22. 13:10"Конотори-9" хөлгийг амжилттай хөөргөжээ5 сар 22. 9:36Трамп гидроксихлорохин уухаа болино5 сар 21. 12:34Африкт тусламж үзүүлэхийг уриалжээ5 сар 21. 9:41БНСУ-д ахлах сургуулиуд хичээллэж эхэллээ5 сар 21. 9:38Цэцэг дэлгэрсэн цэнгэг зуны үдшээр “нисдэг цэцэг” дэлгэн сэтгэлийн цэнгэл эдлэн суувал ямар вэ?5 сар 20. 9:52Их Британийн хааны гэр бүл 22 сая ам.долларыг алдаж магадгүй5 сар 20. 9:38Энэтхэгт олон сая хүнийг нүүлгэн шилжүүлж эхэлжээ5 сар 20. 9:26Манай үеийн СЕО нарын нэг О.Мөнхтулга 2020 оны сонгуулийн хамгийн залуу нэр дэвшигч5 сар 19. 10:11БНСУ-ын компаниудын 30 орчим хувь нь ажилтнуудаа цомхотгож магадгүй5 сар 19. 9:45Шинэ Зеландын хүн ам таван саяд хүрчээ5 сар 19. 9:45Японы ДНБ 3.4 хувиар бууржээ5 сар 18. 14:05Энэтхэгт хөл хориог сунгалаа5 сар 18. 10:06М.Энхболд: Намын бодлого шийдвэрийн дагуу УИХ-ын сонгуульд нэр дэвших боломж олдсонгүй5 сар 18. 9:36Румынд коронавирусний улмаас тогтоосон хязгаарлалтыг эсэргүүцсэн жагсаал болжээ5 сар 18. 9:32Италийн эрх баригчид ирэх сард хилээ нээнэ5 сар 17. 11:34АНУ-ын Конгрессын гишүүдэд алсаас саналаа өгөхийг зөвшөөрсөн хуулийн төслийг баталжээ5 сар 17. 11:33А.Адьяасүрэн: АН бодлогын нам, буурь суусан улс төрийн гол тоглогч5 сар 16. 16:14Цар тахал дэлхийн эдийн засагт 8.8 их наяд ам.долларын хохирол учруулж болзошгүй5 сар 16. 11:22Сэтгүүлчдийн визийн хугацааг хязгаарлахыг нь эсэргүүцжээ5 сар 16. 11:00Австраличуудын сэтгэцийн эрүүл мэндийг хамгаалахад 31 сая ам.доллар зарцуулна5 сар 16. 10:57ОХУ дахь нас баралтын талаарх мэдээллээ няцаахыг шаардсан захидал явуулжээ5 сар 15. 12:39Grand Family: Хань Ц.Амарсанаа: Адьяасүрэн хэзээ ч хуурамч дүр эсгэдэггүй5 сар 15. 10:12Афганистаны зүүн нутагт болсон дэлбэрэлтийн хариуцлагыг "Талибан" хөдөлгөөн хүлээжээ5 сар 15. 9:49MYЭX-ны Б.Mягмар доктор(PhD)-ын зэрэг хамгааллаа5 сар 15. 9:36Иргэдэд сэтгэл зүйн дэмжлэг үзүүлэхэд анхаарлаа хандуулахыг уриалжээ5 сар 15. 9:27

Аав, ээж бүр хүүхдээ Жемборид оролцуулахыг хүсэх байх

/5-р сарын 30/  -  13 цаг 22 минут

Хаврын урь ирсэн энэ өдрүүдтэй зэрэгцэн эцэг, эхчүүд хүүхдийнхээ төгсөлтийн шалгалт, зуны амралт гээд олон зүйлсэд санаа тавьж эхлэдэг. Энэ удаад бид энэ зун болох хүүхдийн хамгийн том арга хэмжээг “Хүүхдийн эрхийн тухай конвенцийн 30 жилийн ой”-н хүрээнд Монголын Үндэсний VI Жембори буюу Скаутуудын чуулга уулзалтыг зохион байгуулах гэж байгаа Монголын Скаутын Холбооны гүйцэтгэх захирал А.Билгүүнтэй ярилцлаа.

- Бидний урилгыг хүлээн авсанд баярлалаа. Скаутын хөдөлгөөний зорилго юунд чиглэдэг вэ? Өнөөдөр Монголд ямар хэмжээнд хөгжиж, ямар үйл ажиллагаа явуулж байгаа вэ?

-Хүүхдийн байгууллагын үйл ажиллагаанд анхаарал хандуулсанд баярлалаа. Монгол улсад скаутын хөдөлгөөн үүсээд 28 жил, скаутын холбоо байгуулагдаад 27 жил болжээ. Дэлхий даяар 112 жил хөгжсөн энэ байгууллагын гол зорилго нь хүүхдийг хамт олных нь дунд, идэвхитэй үйл ажиллагаа, шинжлэх ухаанч албан бус боловсролын системээр дамжуулан нийгмийн сайн иргэн болгон төлөвшүүлэн, хөгжихөд нь туслах явдал байдаг. Өнөөдөр манай оронд 10,000 гаруй хүүхдүүд байнгын идэвхитэй скаутын анхан шатны нэгжийн гишүүн байна. Тэднийг хөгжүүлэхээр 500 орчим насанд хүрэгч сайн дураараа ажиллаж байгаа. Бид нэг ч болов хүүхдийг сайн иргэн болгохоор өөрсдийн боломжоор хичээн ажиллаж байна.

-Энэ зун болох хүүхдийн хамгийн том арга хэмжээ Үндэсний 6-р Жембори гэлээ. Жембори гэдэг нэрийг тайлбарлана уу?

- Тиймээ Монголын скаутын холбооны хамт олон энэ зун 6-р сарын 25-наас 6-р сарын 30-ны өдрүүдэд Олон улсын хүүхдийн “Найрамдал” цогцолборт зохион байгуулах гэж байна. Жембори гэдэг нь скаут хүүхэд, залуучуудын хамгийн том чуулган, баяр наадам бүхий майхант зуслан гэж ойлгож болно.

- Энэ зун болох Жемборийн онцлог нь юу вэ? Хичнээн хүүхдүүд хамрагдах бол

- Энэ удаагийн Монголын Үндэсний VI Жемборид монголын 21 аймаг 9 дүүргийн 2000 гаруй оролцогчид, 400 орчим зохион байгуулагчтай болно.

Энэ том арга хэмжээ ямар хугацаатай болдог вэ?

-Монголын Үндэсний Жембори 4 жилд нэг удаа болдог. Манай скаутын холбоо 1996 онд анхны үндэсний жембориг зохион байгуулж байсан. Түүнээс хойш 5 удаагийн үндэсний жембори зохион байгуулсан

- Нэгэнт ийм том арга хэмжээ болж байхад эцэг, эх бүхэн хүүхдээ оролцуулахыг хүсэх байх. Гэтэл заавал скаут хүүхдүүд л орох ёстой болов уу?

- Бидний зүгээс энэ удаад скаутуудаас гадна скаутыг сонирхож байгаа бүх л хүүхдүүдийг хамруулахыг хүсч байгаа. Тиймээс ч “Сум, сургууль бүрээс 10+1” гэсэн уриа дэвшүүлсэн. Энэ нь сургууль бүр зохион байгуулалтанд ороод 10 хүүхэд 1 багштай оролцуулах боломж байгаа гэсэн үг.

- Тэгвэл орон нутгаас болон хотын сургуулиудаас оролцох хүүхдүүдэд ямар шаардлага тавьж байгаа вэ? Хэрхэн бүртгүүлж оролцох вэ?

- Монголын Скаутын Холбооны 11-324171, 88787719, 99736020 утсуудаар холбогдон өөрийн аймаг, дүүргийн скаутын зөвлөлийн дарга нартай холбогдоно. Тэд хэрхэн зохион байгуулалтанд орох, яаж бүртгүүлэх, ямар зүйлс бэлдэх талаар илүү дэлгэрэнгүй мэдээлэл өгөх болно.

- Хүүхдүүд 6 хоногийн хугацаанд яг юу үзэж, сурч, танин мэдэх боломжтой вэ?

- 10 хүүхэд 1 багш нийлээд салаа болно. Бүх л арга хэмжээнд энэ салаагаараа оролцож, хоолоо хамт идэж, байгальтайгаа ойр амьдрана. Энэ нь хамгийн наад зах нь тэднийг хамт олонч, багаар ажиллаж чаддаг, бусдынхаа өмнө хариуцлага хүлээх, хоолоо хийж идэх, майхандаа цэвэр сайхан амьдрах, бие даан хөгжих гэх мэт олон дадал чадварт сургана. Мэдээж үе тэнгийнхээ гадаад, дотоод хүүхдүүдтэйгээ танилцаж, найзын хүрээгээ нэмэх, өөрийгөө жишиж харах, шинэ хүсэл тэмүүлэлтэй болох, хэлний мэдлэгээ дээшлүүлэх гээд олон боломжууд байна. Түүнээс гадна хүүхдүүд дараах 4 том цогцолбор төвөөр салаагаараа зочилж шинэ мэдлэг, дадал, туршлага олж авахаас гадна хамт олноороо бэрхшээлийг даван туулж, бүтээх болно.

-Адал явдалт цогцолбор-Төрөл бүрийн авхаалж самбаа, эр зориг, багийн ажиллагаа шаардсан өртөөнүүд,

- Шинжлэх ухаан, танин мэдэхүйн цогцолбор-Шинжлэх ухааны туршилтууд, танин мэдэхүйн сонирхолтой өртөөнүүд,

- Скаут цоцолбор-Скаутын төрөл бүрийн чадваруудыг олгох, шинээр суралцах өртөөнүүд,

- Нийгмийн хөгжлийн цогцолбор-Амьдралд хэрэгтэй, дэлхийн иргэний хувьд анхаарал хандуулах мэдээллүүдийг багтаасан өртөөнүүд,

- Энэ арга хэмжээг төр засаг болон бизнесийн байгууллагууд хэрхэн дэмжин ажиллаж байгаа вэ?

- Энэхүү арга хэмжээнд НҮБ-ийн Хүүхдийн сан, Дэлхийн зөн монгол олон улсын байгууллага, Швейцарын хөгжлийн агентлаг гэх мэт олон улсын байгууллагууд, Нийгмийн хамгаалал, хөдөлмөрийн яам, Гэр бүл, хүүхэд, залуучуудын хөгжлийн газар, Олон улсын хүүхдийн Найрамдал Цогцолбор, Нийслэлийн Цагдаагийн Газар, Нийслэлийн Мэргэжлийн Хяналтын Газар, Нийслэлийн Эрүүл Мэндийн Газар гэх мэт төрийн байгууллагууд хамтран зохион байгуулагчаар ажиллаж байгаа. Мөн олон хүүхдүүд, тэдний эцэг эхчүүдэд өөрсдийн бүтээгдэхүүн, үйлчилгээг сурталчлахыг хүссэн бизнесийн байгууллагууд ивээн тэтгэгч, ханган нийлүүлэгчээр хамтран ажиллахаар саналаа тавиад байна.

- 2000 гаруй хүүхдийн арга хэмжээ зохион байгуулж байгаа танай хамт олны бэлтгэл ажил ямар түвшинд явж байгаа вэ? Эрүүл, аюулгүй орчныг хэрхэн бүрдүүлсэн бэ?

- Бид олон улсын стандартын түвшинд бэлтгэж байгаа бөгөөд одоогоор бэлтгэл ажил 50 орчим хувьтай явж байна. Хүүхдийн арга хэмжээ тул аюулгүй байдал, эрүүл ахуй хамгийн нэгдүгээрт тавигдан өндөр зэрэглэлийн зөвлөхүүдийн хамт ажиллаж байна.

- Үнэхээр сонирхолтой бас асар том арга хэмжээ болох юм байна. Магадгүй миний асуугаагүй үлдээсэн чухал мэдээлэл байна уу?

- Одоогоор бидэнтэй холбогдож амжаагүй сургуулийн захирал, нийгмийн ажилтнууд та бүхнийг бидэнтэй нэгдэж уг арга хэмжээнд хүүхдүүдээ зохион байгуулалттайгаар оролцуулахыг хүсч байна, мөн эцэг, эхчүүд та бүхэн ч гэсэн хүүхэддээ олдсон энэ сайхан боломжийг бүү алдаарай хэмээн хэлмээр байна.

- За их баярлалаа. Та бүхний ажилд амжилт хүсэе!

 

 

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.