Шинэ мэдээ

Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 23:12УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ерөнхийлөгчийн “Их амь бат оршоох” санаачилгын тухайд10 сар 4. 20:26СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:341200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42Б.Пүрэврэнцэн: Хүдэр суманд 10 жил болоход есөн ном бүтээжээ, энэ бол том олз9 сар 24. 10:37Аймаг, дүүргийн ТАРХВАР СУДЛААЧ нарыг чадавхжуулах цогц СУРГАЛТ-ууд зохион байгуулагдаж байна9 сар 23. 15:58"Шагайн наадгай" Монгол тоглоом худалдаанд гарлаа9 сар 23. 10:2221 аймаг, 9 дүүргийн ДОХ, СҮРЬЕЭГИЙН эмч, мэргэжилтнүүдийг чадавхжуулах СУРГАЛТ ЭХЭЛЛЭЭ9 сар 21. 11:45"Ноён Бондгор"-ыг ковидын хүндрэлийг давсан нууц9 сар 20. 16:26Ц.Мөнхцэцэг: Сүхбаатар дүүрэг боловсролын цахим шилжилтийн жишиг дүүрэг болно9 сар 20. 13:17Мал эмнэлгийн ерөнхий газрын вакцины мафи үргэлжлүүлэн ажилласаар байх уу?9 сар 18. 19:45Хуурай бетон - Монгол залуус монголд үйлдвэрлэв9 сар 18. 14:26Дуучин Nene стример CTS-тэй болздог уу...9 сар 15. 15:00Ж.Оджаргал нарын бизнесмэнүүд том төслүүд дээр баталгаа хэрэгтэй гэв9 сар 15. 13:57

Аав, хүү хоёрын дансанд 35 сая төгрөг цуглажээ

/5-р сарын 30/  -  9 цаг 22 минут

Энэ сарын 24-ний өдөр манай сайтын зүгээс “Долоон настай ч хоёр настай хүүхэд шиг өсөлттэй өвчтэй хүүгээ өдөр шөнөгүй АСАРДАГ ААВ” нийтлэлээ олон нийтэд хүргэв. Энэхүү мэдээлэл цацагдсаны дараагаар аав, хүү хоёрт туслах сайхан сэтгэлт монголчуудын цуваа өнөөдрийг хүртэл тасраагүй байна.

Г.Батхуяг орох орон ойчих хаяг байхгүй ч, өвчтэй хүүгээ өвөр дээрээсээ нэг минут ч салгалгүй 7 жил асарч байгаа бөгөөд аав, хүү хоёр өдгөө ЭХЭМҮТ-д хэвтэн эмчлүүлсээр байна.

Төрөхийн хүндрэлийн улмаас тархины саажилт ДЦП өвчтэй болсон Б.Гэрэлт-Од хүү хэвтрийн хатгаа болж, таталт өгснөөр эмнэлэгт хүргэгдэн эмчилгээ хийлгэж байгаа юм. 100 хувийн асаргаанд байдаг хүүг ааваас нь өөр асарч харж хандах хүн байхгүй. Учир нь ээж нь Б.Гэрэлт-Од хүүг хоёр настай байхад нь орхин явжээ. Тэр цагаас хойш аав хүү хоёр аав, ээжийнхээ гэрт толгой хоргодож, ах дүүгийн гарыг харсаар өдийг хүрсэн байна байдаг.

Энэ л амьдралын нугачаанд нухлагдаж яваа ч хүүгийнхээ төлөө бүхнийг хийхийг зорьж, хичээж буй энэ аавыг нэг өрөөнд хэвтэн эмчлүүлж байгаа сахиур ээжүүд зүгээр хараад сууж тэсэлгүй Г.Батхуягт туслах аянг эхлүүлсэн билээ.

Үеийнх нь хүүхдүүд сургуульд ороод хөл дээрээ гүйж байхад сууж ч чадахгүй байгаа 7 настай хүүг харсан хэн ч тоохгүй өнгөрөхгүй биз. Тиймдээ ч өөрсдөө тархины саажилт өвчтэй хүүхдүүдээ асардаг ч гэр оронгүй айлд толгой хоргодож байгаа аав, хүү хоёрт туслахаар сэтгэл зүтгэл гарган тэднийг гэр оронтой болгож, хүүд хэрэгтэй эмчилгээнд зарцуулахыг хүсч “Нандин сувд” тархины саажилт ДЦП өвчтэй хүүхдүүдийн аав, ээжүүдийн фэйсбүүк группээс тус хандивын аяныг үргэлжлүүлж байгаа юм.

Б.Гэрэлт-Од хүүг ааваас нь өөр асрах хүн байхгүй учир аав Г.Батхуяг нь ажил хийх боломж олддоггүй хэмээн ярьж байсан. Харин эдгээр аав, ээжүүд хүүг саажилттай хүүхдийг асардаг цэцэрлэгт үнэ төлбөргүй хамруулахаар ярилцан тохирчээ. Ингэснээр Г.Батхуяг намар хүүгээ цэцэрлэгт нь өгчихөөд өөрөө ажил хийх боломжтой болж байгаа юм. Өөрсдийн гэсэн гэр оронгүй болоод айлаар амьдарч байсан хүү шим тэжээлийн дутагдалтай байгаагаас гадна асаргаа их чухал гэдгийг эмнэлгийн байгууллагаас хэлж байгаа. Тиймээс хүүг эмнэлгээс гармагц сувилалд явуулахаар ЭМЯ-нд хандаад байгаа гэлээ.  Хүү маш их таталт өгдөг учир тэр бүр хүлээж авах сувилал олдохгүй байгааг хандив зохион байгуулж буй аав, ээжүүд хэлж байв.

Хандивын аян өрнүүлээд зургаан хоног болж байна. Энэ хугацаанд Г.Батхуягийн дансанд 35 сая төгрөг цуглараад байгаа аж. Цугласан мөнгөөр аав, хүү хоёрыг өөрсдийн гэсэн орон гэртэй болгох юм. Хүү хэвтрийн хатгаа болсон нь даарч чийгтсэнээс болсон бөгөөд аав хүү хоёрт дулаан тохилог нэг өрөө байр авч өгөхөөр судалж хайж байгаа аж. Хандивын аяныг ирэх зургадугаар сарын 10 хүртэл үргэлжлүүлэхээр болжээ. Тиймээс 7 жилийн турш хүүгээ асарч байгаа аав, 7 настай хэдий ч хоёр настай хүүхэд шиг өсөлттэй хүүд туслаж, нэг өрөө дулаан байртай болгох хандивын аянд нэгдэхийг сайхан сэтгэлт ард түмнээсээ хүсч байна.

Гэрэлт-Од хүүгийн аав Г.Батхуягийн Хаан банкны данс: 5096214084

Утасны дугаар: 80071384

Х.Соёл

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.