Шинэ мэдээ

Уур амьсгалын өөрчлөлт ба хүний эрүүл мэнд3 сар 30. 8:46Халдвар авсан Канадын Ерөнхий сайдын гэргий эмчлэгджээ3 сар 29. 11:23Ухань хотын метроны үйл ажиллагааг сэргээж эхэллээ3 сар 29. 11:20Токиод интоорын модны цэцэрлэгт хүрээлэнгүүдийг хэсэгчлэн хаажээ3 сар 28. 11:18Хубэй мужид ажилласан эмнэлгийн 21 мянга гаруй ажилтан гэртээ харьжээ3 сар 26. 9:58Токиогийн хөрөнгийн биржийн гол индексүүд өсчээ3 сар 26. 9:49Ванкуверт онцгой байдлын дэглэмийг зөрчвөл 34500 ам.доллароор торгоно3 сар 26. 9:36Илон Маск Калифорни муж улсад мянга гаруй амьсгалын аппарат хандивлажээ3 сар 25. 9:44БНХАУ тандалт судалгааны хиймэл дагуулууд амжилттай хөөргөжээ3 сар 25. 9:40Монгол Ардын Нам сонгуулийн мөрийн хөтөлбөрөө Үндэсний аудитын газарт хүргүүллээ3 сар 24. 15:43Давхар замаар түгжрэлээ шийдсэн олон орноос хамгийн шилдэг нь Япон3 сар 24. 15:32Афганистаны Засгийн газар талибуудтай онлайнаар хэлэлцээ хийжээ3 сар 24. 9:35АНУ-ын зарим муж улс хоригдлуудаа суллана3 сар 24. 9:23АНУ-д галт зэвсэг худалдан авах нь ихэсчээ3 сар 23. 14:23Иран БНХАУ-аас илгээсэн тусламжийг хүлээн авчээ3 сар 23. 14:22Европоос ирсэн хүмүүсээс шинжилгээ авч тусгаарлана3 сар 21. 11:35БНАСАУ Япон тэнгис рүү хоёр пуужин харважээ3 сар 21. 11:20Ноён Бондгор Хятадын хэвлэл мэдээллийн хэрэгслээр шуугиан тариад амжжээ3 сар 20. 13:20Лондоны метроны буудлуудын 40 нь хаагдана3 сар 20. 9:54БНСУ жижиг бизнес эрхлэгчдэд хөрөнгө мөнгөний тусламж үзүүлнэ3 сар 20. 9:36ОХУ-ын 80 бүс нутагт өндөржүүлсэн бэлэн байдал зарлажээ3 сар 20. 9:35Европт эм бэлдмэл нийлүүлэх журмыг хялбаршуулна3 сар 19. 14:07Трамп коронавирусний тархалтын үед тусламж үзүүлэх хуулийн төсөлд гарын үсэг зуржээ3 сар 19. 14:02Японы автомашин үйлдвэрлэгчид Европ дахь үйлдвэрлэлээ түр зогсоожээ3 сар 19. 13:35Улсын начин А.Давааням Хөвсгөл нутгийн ахан дүүстээ сэтгэлийн хандив өргөлөө3 сар 18. 10:25Венесуэлийн бүх мужид хөл хорио тогтооно3 сар 18. 9:45Японы Засгийн газар Иранд тусламж үзүүлнэ3 сар 18. 9:44"Коронавирусийн ямар төрөл орж ирснийг тогтоох шаардлагатай"3 сар 17. 19:33С.Бат-Эрдэнэ: Тэтгэлгээр гадаадад боловсрол эзэмшигчид зээлээ төлөөгүй байгаа нь ичгэвтэр зүйл3 сар 17. 14:56М.Энхболдын хүн гэгддэг Р.Мэргэн АТГ-д шалгагдаж байна3 сар 17. 13:05

А.Амгаланболд: Өдөрт 60-70 хүн гэмтлийн зэрэг тогтоолгох шинжилгээ хийлгэхээр ирж байна

/3-р сарын 26/  -  10 цаг 38 минут

Хүний эрүүл мэндийн халдашгүй байдлын эсрэг гэмт хэргийн гаралтыг бууруулах чиглэлээр ЦЕГ-ын Урьдчилан сэргийлэх хэлтэс, JCI хамтран “Нэг хором” аяныг зохион байгуулж байгаа. Нэг хором уураа тэвчиж чадалгүй бусдын биед хохирол учруулсан бол хүчин төгөлдөр хэрэгжиж буй Эрүүгийн хуульд зааснаар хариуцлага хүлээж, насан туршдаа ял шийтгэлтэй гэсэн тодорхойлолттой болдог.  Харин хохирсон нэг нь насан туршийн эрүүл мэндээ алдаж, хөгжлийн бэрхшээлтэй болох эрсдэлтэй. Харин хормын уур бухимдлын улмаас бусадтай зодолдож эрүүл мэндээрээ хохирч үлдсэн иргэд Шүүх эмнэлгээр гэмтлийн зэргээ тогтоолгож гэмтлийн зэргээс хамаарч холбогдогч этгээдэд хариуцлага хүлээлгэдэг. Үүнтэй холбоотойгоор ШШҮХ-ийн Шүүх эмнэлгийн шинжилгээний газрын дэд дарга А.Амгаланболдоос зарим зүйлийг тодрууллаа.

-Нэг хормын уур омгоо барьж дийлээгүйн улмаас бусдын биед гэмтэл учруулсан бол хохирсон хүний гэмтлийн зэргийг  Шүүхийн шинжилгээний байгууллага тогтоодог. Танайд жилд хэчнээн хүн гэмтлийн зэрэг тогтоолгох шинжилгээ хийлгэж байна вэ?

-Улсын хэмжээнд ШШҮХ-нд жилдээ 26 нэр төрлийн 69 мянга гаруй шинжилгээ хийж байгаа. Үүний 27 мянга буюу гуравны нэг нь гэмтлийн зэрэг тогтоолгох шинжилгээ хийлгэдэг. Гэмтлийн зэрэг тогтоох шинжилгээний 16.5 мянгад нь Хүний эрүүл мэндийн халдашгүй байдлын эсрэг гэмт хэрэг буюу энгийн үгээр бол зодооны хохирогчдод шинжилгээ хийж дүгнэлт гаргадаг. Өөрөөр хэлбэл, бид жилд хийж байгаа шинжилгээнийхээ тав хуваасны нэгийг энэ төрлийн гэмт хэргийн шинжилгээнд зарцуулж байна. Нийт шинжилгээний 60-70 хувь нь зодооны хохирогчид гэсэн үг. Энэ нь гурван сая хүн амтай Монгол Улсын хувьд маш өндөр үзүүлэлт. Өөрөөр хэлбэл, аливаа асуудлыг уур, бухимдлаар шийддэг болсны нэг илрэл нь юм.

-Хэдээс хэдэн насны хүмүүс ихэвчлэн гэмтлийн зэрэг тогтоолгох шинжилгээнд хамрагддаг вэ?

-Жил, жилийн судалгаанд 25-35 насны буюу ид сурч боловсрох, хийж бүтээх насны залуус гэмт хэргийн хохирогч, холбогдогч болоод явж байгаа юм. Статистик мэдээллээр энэ хүмүүсийн 42 хувь нь эмэгтэй, 58 хувь нь эрчүүд байдаг.  Хүний эрүүл мэндийн байдлын эсрэг гэмт хэрэг нь гудамж талбай, баар, ресторан, гэр бүл, ахуйн нөхцөлд, ажлын байран дээр гарч байна. Үүний цаад нөхцөл шалтгаан нь янз бүр байдаг. Хамгийн гол нь түрхэн зуурын уур бухимдлаас болж, бие биенийгээ цохиж гэмтээдэг. Цагдаагийн байгууллагаас гаргасан судалгаагаар хулгайн гэмт хэрэг нь өндөр хувьтай байдаг. Гэтэл хулгайн гэмт хэрэг нь мөнгөн дүнгээр хохирол нь илэрхийлэгдэж байдаг. Хүний эрүүл мэндийг үнэлэх эрх зүйн тохиролцоо нь байхгүй. Зөвхөн гэмтлийн зэргээс хамаарч мөнгөн хохирол илэрхийлэгддэг. Нэг нь уур бухимдлаа барьж чадаагүйн улмаас хүнийг хохироогоод ял шийтгэлтэй гэсэн хар толбыг насаараа зүүж байна. Харин нөгөө нь эрүүл мэндээрээ хохирч хөгжлийн бэрхшээлтэй иргэн болдог.

-Гэмтлийн зэргийг хүнд, хөнгөн, хүндэвтэр гэж ангилаад байдаг шүү дээ. Яг ямар гэмтэл нь хүнд, ямар нь хүндэвтэр гэмтэл болчихдог юм бэ. Энэ талаар дэлгэрэнгүй мэдээлэл өгөхгүй юу?

-2014 онд Хууль зүйн сайд, Эрүүл мэндийн сайдын хамтран баталсан Гэмтлийн зэрэг тогтоох журам гэж байдаг. Энэ журамд хүний биед учирсан гэмтлийг хүнд, хүндэвтэр, хөнгөн гэж ангилдаг. Гэмтлийн зэрэг тогтоолгохоор ирж байгаа 16.5 мянган хүний 1300 нь хүнд гэмтэл. 2500 орчим нь хүндэвтэр, 13500 орчим нь хөнгөн гэмтэл гардаг. Зарим тохиолдолд 5000 гаруй гэмтэл тогтоогдохгүй шинжилгээ ирдэг. Хөнгөн гэмтэл гэж тодорхой хугацаагаар эрүүл мэнд нь сарниж байгаа үзэгдлийг хэлдэг. Хүний нүдэнд харагдах хөхөрч, няцарсан гэмтлийг хэлдэг. Харин хүндэвтэр гэмтэл нь эрүүл мэнд нь 28 хоног буюу 4 долоо хоногоос дээш хугацаагаар хохирч байгаа гэмтлийг хэлдэг. Хүнд гэмтэл нь тухайн үедээ эмнэлгийн тусламж авахгүй бол  тэр хүн нас барах байдлаар төгсдөг гэмтлийг хэлдэг.

Хөнгөн хэлбэрийн  буюу 13500 орчим гэмтэл нь шинжилгээний 70 хувийг эзэлж байна. Хүний эрүүл мэндийн халдашгүй байдлын эсрэг гэмт хэргийн шинжилгээний 70 хувь нь зөөлөн эдийн гэмтэл хамаардаг. Хамгийн наад зах нь тархи доргих, жижиг ясны хугарал зэрэг байна.

-Өдөрт  гэмтлийн зэрэг тогтоолгох шинжилгээ хийлгэхээр хичнээн хүн ирдэг вэ?

-Өдөрт 60-70 хүн ирдэг. Зарим тохиолдолд буюу ачаалал ихтэй өдрүүдэд 100, 120 ч хүрдэг.

-Ачаалал ихтэй үе гэхээр баяр ёслолын өдрүүд эсвэл энэ төрлийн гэмт хэрэг хамгийн их үйлдэгддэг баасан гараг багтдаг уу?

-Статистик судалгаа хийхэд Даваа, Мягмар гарагуудад ачаалал ихэссэн байсан. Энэ нь Баасан, Бямба, Ням гарагуудын архидалт нь цагдаагийн байгууллагад бүртгэгдээд манайд иртэл Даваа, Мягмар гараг болдог. Зарим талаараа манай байгууллагыг хагас бүтэн сайн өдөр хамаарахгүй 24 цагаар ажилладаг гэдгийг мэдэлгүй ажлын өдөр болохыг хүлээдэг учир бүх шинжилгээ Даваа гарагт ирдэг. Мөн баяр ёслолын өдрүүдэд ихэсдэг байгаа.

-Нэг хормын уур бухимдлаас болоод хоёр тал хоёулаа хохирч байна. Сэрэмжлүүлэг үүднээс юу хэлэх вэ?

-Хүний халдашгүй байдлын гэмт хэрэг нь өс хонзон санаснаас биш уур бухимдлаа нэг хором тэвчиж чадаагүйгээс цаашаа ямар үйлдэл, ямар үр дагавар гарахыг тооцоололгүйгээр бие биедээ гар хүрч байгаа үйлдэл юм. Тэгэхээр нэг хормын уур бухимдлаа уучлаарай гэдэг үгээр солих юм бол энэ гэмт хэрэг гарахгүй байх бүрэн боломжтой. Хүн уур нь хүрээд бусдыг цохимоор санагдах үедээ 10 хүртэл тоолох агшинд л уур бухимдал нь дарагддаг. Гэтэл түүнийг тэсч чадалгүй хүнд гар хүрснээр насан туршдаа хар толботой эсвэл насан туршийн хөгжлийн бэрхшээлтэй болж үлдэж байна.

 

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.