Шинэ мэдээ

Хүнс тэжээлийн дутагдалтай байгаа 1000 өрхөд хүнсний багцыг хүргэж байна11 сар 20. 13:19Ж. Шижир: Дэлхийд гарах Монгол системийг хөгжүүлж байна11 сар 20. 11:43Улаанбаатарыг Ухань болгохгүй гэвэл хатуу дэглэмээ л мөрд11 сар 19. 14:29Монгол улс, БНХАУ-тай хил хязгаарын маргаантай асуудал байхгүй11 сар 18. 13:22Хайртай, дотны хүмүүсийнхээ төлөө гэртээ байхыг уриалж байна11 сар 18. 13:16С.Баяр улс төрд ирсэн шиг ирж, явсан шиг явж чадсан11 сар 16. 14:22Э.Халиун: Бие биесээ дэмжин ажиллаж хэцүү цагийг хамтдаа туулах уриалга гаргаж байна11 сар 14. 17:37Азербайжан, Арменийн Гадаад хэргийн сайд нар М.Помпеотой тусдаа уулзана10 сар 24. 10:59ФОТО: “Солонгост суралцацгаая” боловсролын үзэсгэлэнд БНСУ-ын Элчин сайд Ли Ё Хун оролцлоо10 сар 23. 17:43Өвөрхангайн Засаг даргын суудлыг мөнгөөр худалдаж авахаар хөөцөлдөж байна10 сар 23. 11:37Их Британи Брекситийн дараах анхны томоохон гэрээгээ байгуулжээ10 сар 23. 11:31Гвинейд сонгуулийн дараах эмх замбараагүй байдлын улмаас олон хүн амиа алджээ10 сар 23. 9:37Corporate sales: Борлуулалтын ур чадвар нэмэгдүүлэх танхимын сургалтанд урьж байна10 сар 22. 15:33Орхон аймгийн Засаг даргаар Ц.Бат-Энхийг томилно10 сар 22. 15:23Дэлхийн худалдаа 7-9 хувиар унана гэж таамаглаж байна10 сар 22. 10:40Чехийн Шадар сайд коронавирусний халдвар авчээ10 сар 22. 9:50БНАСАУ-аас 48 хүн БНСУ руу дүрвэжээ10 сар 22. 9:502-3 өрөөг төлбөртэйгөөр үйл ажиллагаа явуулж ирсэн жишгийг өөрчилж, VIP тасаг болгон шинэчиллээ10 сар 21. 14:08Бенну солироос хөрсний дээж авна10 сар 20. 15:25С.Бат-Эрдэнэ: “Солонгост суралцацгаая” боловсролын үзэсгэлэнг 20-24-ний хооронд зохион байгуулж байна10 сар 20. 12:07БНАСАУ-тай хил залгаа бүсийг БНСУ-ын жуулчдад ирэх сард нээнэ10 сар 20. 10:00Н.Лхажий: Бид мэдрэл, зүрх судасны эмгэгүүдийг сүүлийн үеийн Би-План ангиографиар оношилж, эмчилдэг боллоо10 сар 20. 9:57Японы геополитикийн шинэ санаачилгад сэтгэл хангалуун бус байгаагаа илэрхийлжээ10 сар 20. 9:39Т.Мөнхсайхан: Ирэх онд 10 эмнэлэг хагас бие даасан байдалд шилжинэ10 сар 16. 13:29"Дисковер Монголиа-2020" чуулга уулзалтаас юу хүлээх вэ?10 сар 16. 13:12ТАНИЛЦ: Хотын даргад Р.Дагва, Ж.Батбаясгалан, Н.Баярмөнх тэргүүтэй хүмүүсийн нэр яригдаж байна10 сар 16. 12:25Хатан хаан II Елизавета ордноос гадуурх арга хэмжээнд оролцжээ10 сар 16. 12:20Монголын Нотариатын байгууллага үүсч хөгжсөний 95 жилийн ойд зориулав10 сар 16. 9:51Арменийн нэг тэрбум ам.долларын үнэ бүхий техник хэрэгслийг устгаснаа мэдэгджээ10 сар 16. 9:47Их Британи, АНУ Сарыг эзэмшихэд хамтран ажиллах гэрээ байгуулжээ10 сар 15. 9:45

УИХ-н гишүүн Л.Болд: ШХАБ-д элсэх эсэхээ яриад эцсийн шийдвэрээ гаргах цаг нь болсон

/12-р сарын 18/  -  10 цаг 43 минут

-Таныг Гадаад хэргийн сайдаар ажиллаж байсан хүний хувьд асуумаар юм байна. “Монголын эдийн засгийн чуулган 2018” форумын үеэр Ерөнхийлөгч Х.Баттулга үг хэлэх үеэрээ Монгол Улс Шанхайн хамтын ажиллагааны байгууллага (ШХАБ)-д элсэх нь зүйтэй гэсэн утгатай байр суурь илэрхийлсэн. Таны хувьд үүнийг хэрхэн харж байна вэ?

-Энэ бол Монгол Улсын Үндэсний аюулгүй байдал, нийт хөгжил дэвшил гээд олон зүйлийг хөндөх чухал асуудал л даа. ШХАБ-т элсэх хэрэгтэй, хэрэггүй гэсэн янз бүрийн байр суурь гарч байгаа. Хүн бүхэн өөрийн саналаа илэрхийлж болно, тэгэх ч эрхтэй. Ерөнхийдөө манай орны хувьд ШХАБ-тай маш ойрхон харилцаатай, үйл ажиллагаанд нь их идэвхтэй оролцоотой явж ирсэн.

Зарим анхаармаар зүйл бий. Тухайлбал, өмнөх Ерөнхийлөгч Ц.Элбэгдорж НҮБ-ын хурал дээр “Манай улс төвийг сахих статустай боллоо” гээд бүр зарлаад үүнийхээ дараа УИХ-д саналаа өргөн барьж байлаа. Энэ бол дарааллын хувьд маш том үл ойлголцол байсан. Тэгээд хууль нь ч батлагдаагүй, тэр  статус батлагдаагүй гэсэн үг. Дахиад ийм явдал үнэхээр гарч болохгүй ээ. Үүн дээр анхаарах хэрэгтэй. 

Харин ШХАБ-д элсэх тухай асуудлыг Үндсэн хуулийн дагуу УИХ хэлэлцэж холбогдох шийдвэрүүдийг гаргах цаг нь бол болсон. Ойрын үед энэ асуудлаар тодорхой санаачилгуудыг Засгийн газар эсвэл Ерөнхийлөгч зэрэг эрх бүхий байгууллагаас гаргана. Гэхдээ Монголын төр ШХАБ-д элсэх эсэхээ бүх талаас нь ёстой хэрэгтэй бол хаалттай хэлэлцээд төрийнхөө бүх бодлоготой маш сайн уялдуулж, нухацтай ярилцаж эцсийн шийдвэрээ гаргах ёстой. Ингэх цаг нь болсон. Тэр үед мэдээж би өөрийнхөө байр суурь, энэ талаар анхаарах асуудлуудаа бүгдийг нь илэрхийлнэ. 

-Хоёр хөршийн хувьд манайхыг ШХАБ-д оруулах хүсэлтээ илэрхийлсэн бололтой. Ажиглагчийн байр суурин дээр Монгол Улс нэлээд хугацаа өнгөрүүлж байгаа нь гишүүнээр элсэхээс цааргалж байгаагийн тэмдэг болчихсон гэх дүгнэлтийг судлаачид хийж байгаа гэх юм?

-Өмнө нь Монголын төр, Үндэсний аюулгүй байдлын зөвлөл гээд дээд шатандаа албан ёсны шийдвэрүүд гараагүй байсан учраас үүнийг таамаглаж ярих бололцоо байхгүй л дээ. Одоо Ерөнхийлөгч, Ерөнхий сайдын байр суурийг харж байхад энэ асуудлыг шийдэх тодорхой шийдвэрүүд гарах болов уу гэж бодогдож байна. ШХАБ-ын хувьд ч өмнөхөөсөө өөрчлөгдөж өнөөдөр цоо шинэ нөхцөл байдалд орчихлоо. Үүнийг бид үгүйсгэж чадахгүй. Тус байгууллагын хүрээнд хийгдэж байгаа ажлуудаас Монгол Улс яавч хоцорч болохгүй. Төлөв байдал нь өөрчлөгдөж байгаа нь илэрхий байгаа. Өмнө нь гишүүнчлэл нэлээд тодорхой хүрээнд байсан бол одоо Энэтхэг, Пакистан зэргийг оруулаад гишүүнчлэл нь тэлчихлээ. Ингэж өөрчлөгдөж байгаа нөхцөлд Монголын төр үүнийг ярилгүй яваад байж таарахгүй. Тиймээс л одоо ярих цаг нь мөн гэж хэлээд байгаа юм. Яриад эцсийн шийдвэрээ гаргах ёстой. Харин одоогийн зөв, буруу гэж маргалдаад тэрний, энэний гэсэн янз бүрийн хаяг зүүж байгаа нь бол буруу. Ном журмаараа яах вэ гэхээр Үндсэн хуульд заасны дагуу Монголын төрийн эрх барих дээд байгууллагад орж ирсэн саналыг хэлэлцээд эцсийн шийдвэрээ гаргаад явах хэрэгтэй. 

-Тэгэхээр Ерөнхийлөгчийн зүгээс УИХ-д ШХАБ-ын жинхэнэ гишүүнээр элсэх санал оруулна гэсэн хүлээлт байгаа гэж ойлголоо?

-Ерөнхий сайд урд хөршид айлчлахдаа энэ асуудлаар мөн байр суурь илэрхийлж байсан шүү дээ. Тэгэхээр Засгийн газраас ч өргөн барихыг үгүйсгэх арга байхгүй. Үндэсний аюулгүй байдлын зөвлөл дээр аль аль талаасаа ярьж байгаад арга хэлбэрээ тогтох байх гэж харж байгаа. 

-Ер нь энэ асуудлаар таны хувийн байр суурь ямар байна вэ. Үүнд элсэхээр манай төвийг сахих гэдэг имижтэй зөрчилдөх үү?

-Би Батлан хамгаалах, Гадаад харилцааны сайд байсан хүний хувьд хувийн байр суурь илэрхийлэх бололцоо алга. Бид Монгол Улсын өнөөдөр урдаа тавьж байгаад бүх асуудлуудыг дэнслээд шийдвэр гаргах хэрэгтэй байна шүү дээ. Тэрнээс хэн нэгэн хүний хувийн байр суурь чухал биш. Тэр тусмаа энэ салбарыг хариуцаж байсан хүмүүсийн байр суурь байж болохгүй. Үүн дээр Монгол Улсын эрх ашгийн дагуу шийдвэр гарах ёстой. Хувийн байр сууриа илэрхийлж байгаа хүмүүс зөндөө бий. Янз бүрийн өөр өнцгөөс, өөрийн мэдээллийн хүрээнд, цаг үеийн ойлголтоор ярьж байгаа. Харин сайд хийж байсан хүмүүсийн тухайд хувийн байр суурь юу байх вэ дээ, байж болохгүй. Монгол Улсын байр суурийг л боловсруулахад оролцож, зөв шийдвэр гаргахад хувь нэмэр оруулах үүргээ биелүүлэх ёстой гэж харж байгаа. 

-Эдийн засгийн урт хугацааны хөгжлөө бодох юм бол элссэн нь зөв гээд байдаг. Нэг талаас ШХАБ-д элсэж байж шинэ боломжууд гарч ирнэ гэж байгаа. Нөгөө талаас зарим судлаачид цэрэг, эдийн засгийн нөлөөллийн хүрээг тогтоож байгаа байгууллага учраас элсэх нь буруу гэж байна?

-Хүмүүс өөрсдийнхөө байр суурийг илэрхийлэх нь зөв шүү дээ. Бүх байр сууриуд ил тод байгаа нь манай ардчилсан тогтолцооны хамгийн том давуу тал байхгүй юу. Хаалганы цаана хоорондоо тохироод шийддэг биш бодитой байр сууриа нэгтгээд ярих зүйтэй. Хоорондоо зөрчилтэй байр суурь илэрхийлж байгаа ч тэдний дунд Монголоо хорлох гэсэн хүн нэг ч байхгүй. Бүгд Монгол Улс зөв шийдвэр гаргаасай гэдгийн төлөө л явж байгаа хэрэг. Харин энэ бүх санаа бодлуудыг нэгтгэж байгаад УИХ бүгдийг нь сонсох ёстой. Тэгээд итгэл үнэмшил олж аваад шийдвэрээ гаргах учиртай. Тэр бололцоо ч аажмаар бүрдэж байх шиг байна. 

Эх сурвалж: http://www.undesniishuudan.mn/content/read/158659.htm

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.