Шинэ мэдээ

Каталонид болсон эсэргүүцлийн ажиллагааны үеэр 90 орчим хүн бэртжээ10 сар 19. 12:04Барилгын салбарын залуу инженерүүд чууллаа10 сар 18. 15:18Сирид энгийн иргэд дайны хөлд ихээхэн нэрвэгджээ10 сар 18. 11:38“Brexit”-ийн гэрээний талаар тохиролцоонд хүрчээ10 сар 18. 10:25Б.Отгонсүх: Налайхын замын эхний ээлжийн хөдөлгөөнийг энэ сарын 29-нд нээнэ10 сар 18. 10:18Дэлхийн цэргийн наадамд 109 улсын цэрэг оролцоно10 сар 18. 9:46Барселона дахь эсэргүүцлийн ажиллагааг зэмлэн буруушаажээ10 сар 18. 9:43БНХАУ-ын гадаад хөрөнгө оруулалт 3.8 хувиар нэмэгджээ10 сар 17. 9:46Сирид 250 мянга гаруй хүн орон гэргүй болжээ10 сар 17. 9:20УИХ-ын гишүүн М.Энхболд тойрогтоо ажиллав10 сар 16. 16:23Хятадын химийн үйлдвэрт дэлбэрэлт болжээ10 сар 16. 10:26Японд олон арван мянган өрх цахилгаангүй болжээ10 сар 16. 9:36“Их 20”-ийн Сангийн сайд нар уулзана10 сар 16. 9:35М.Энхболд гишүүн Төв аймгийн 17 иргэнд өргөө цагаан гэр гардууллаа10 сар 15. 13:29Түлшинд олгох татаасыг цуцлах тухай захирамжийг хүчингүй болгожээ10 сар 15. 11:34Туркийн эсрэг хориг арга хэмжээний тухай захирамжид гарын үсэг зуржээ10 сар 15. 10:22Хонконгт цагдаагийн ажилтан гэмтжээ10 сар 15. 9:32Сирийн арми Турктэй залгаа хилд цэргүүдээ байрлуулна10 сар 15. 9:29АНУ Саудын Араб руу цэрэг нэмж илгээнэ10 сар 14. 9:24Нефтийн үнэ 60 ам.доллар давжээ10 сар 12. 11:36Цэнэгт мандлыг судлах хиймэл дагуулыг амжилттай хөөргөжээ10 сар 12. 11:12БНХАУ үндэсний соёлын өвийн шинэ дурсгалт газруудаа танилцуулна10 сар 11. 13:17Украины Ерөнхийлөгчийн хэвлэлийн марафон эхэлжээ10 сар 11. 10:02АНУ, БНХАУ-ын худалдааны төлөөлөгчид уулзжээ10 сар 11. 9:23Ж.Юнкер цэргийн ажиллагаагаа зогсоохыг Туркт уриалжээ10 сар 11. 9:13Энэтхэг Францаас сөнөөгч онгоц авжээ10 сар 10. 12:48Египет, Иракийн төрийн тэргүүн нар утсаар ярьжээ10 сар 10. 12:47Турк улс Сирид цэргийн ажиллагаагаа эхлүүлжээ10 сар 10. 10:26Дэлхийн эдийн засгийн өсөлтийн урьдчилсан таамгийг бууруулжээ10 сар 10. 9:21Дэлхий дээр хараагүй болон харааны бэрхшээлтэй 2.2 сая гаруй хүн байна10 сар 10. 9:20

“Монголын цуутай бизнесмэнүүд” ном хэвлэгдэн гарлаа

/12-р сарын 12/  -  11 цаг 16 минут

2007 онд “Монголын авьяаслаг бизнесмэнүүдийн нууц” хэмээх ном худалдаанд гарч, тэр жилдээ хамгийн их борлуулалттай буюу бэстселлер номоор шалгарч байсан цаг саяхан. Уг номыг “Маш нууц” сонины эрхлэгч О.Чинзориг эрхлэн гаргахаар шийдэж, өөрийн сэтгүүлч анд Ж.Батсүхийн хамтаар авьяаслаг бизнесмэнүүдийн амьдрал, арвин туршлага, уналт, босолтын түүхийг олны хүртээл болгосон билээ. Тэр цагаас хойш 11 жилийн дараа буюу 2018 оны 12 дугаар сарын 11-нд уг номыг “Маш нууц паблишинг” хэвлэлийн газраас эрхлэн шинэчлэн гаргажээ. “Монголын цуутай бизнесмэнүүд” номд залуу хойч үеийнхэнд үлгэр дууриалал, сургамж болохуйц бизнесмэнүүдийн арвин баялаг үүх түүх багтсан болой. 

“Хүмүүс эцэс төгсгөлгүй үргэлжлэх тэмцлийн их далай руу үсрэхдээ ялан дийлэхийн аз жаргалаас амтлахыг хүсдэг” гэж Италийн нэрт найрагч, Нобелийн шагналтан Жозуэ Кардуччи нэгэнтээ хэлсэнчлэн хэн туйлбартай зүтгэж, овсгоо самбаа гаргана тэр л хүссэнээ амтлах нь амьдралын шалгуур ажгуу. 
 
Энэ хорвоод бид бүгдээрээ л нүцгэн ирсэн, нүцгэн буцах жамтай. Хүмүүнд олгогдсон энэ ахархан амьдралыг амьд явж бус, жинхэнэ амьдарч туулахын тод жишээ болсон 25 түүх, 25 дотоод ертөнц, 25 авьяас чадвар, амьдралын туршлага, мэдлэгтэй, өөр өөрийн гэсэн өвөрмөц замналтай баялаг бүтээгчдийн бодит түүхийг та бүхэндээ толилуулахыг зорьсон байна. 
Монгол Улс зах зээлийн нийгэмд шилжээд хэдийнэ 30 жилийг ардаа үджээ. Энэ хугацаанд Монголын анхны долларын тэрбумтнууд төрж гарсан билээ. Тэд хэн нэгний нуусан алт, эрдэнэсийг олоогүй, гэнэт тэнгэрээс тэдэнд мөнгөөр хур бороо цутгаагүй бөгөөд гагцхүү өөрсдийн хичээл зүтгэл, хүчин чармайлтын үр дүнд саад бэрхшээл, амжилт, уналт босолт, зовлон зүдгүүр, баяр гунигийг хослуулан байж энэ бүгдийг цогцлоож чадсан юм. 
 
Ээжийнхээ оёдлын машинаар хувцас урлаж хөдөлмөрийн гараагаа эхлүүлж байсан “Женко” Х.Баттулга Монгол Улсын тав дахь Ерөнхийлөгчөөр сонгогдсон, 15 хүүхэдтэй малчин айлын дунд хүү “Гацуурт”-ын Л.Чинбат бизнесүүдээс анх удаагаа Монгол Улсын Хөдөлмөрийн баатар цол, тэмдгээр шагнагдсан, “М-Си-Эс”-ийн Ж.Оджаргал Монгол Улсын шилжилтийн 25 жилийн шилдэг бизнесмэнээр тодорсон зэрэг олон сайхан бахархам үйл явдал тохиосныг энд онцлох нь зүйтэй болов уу. Бизнес эрхлэгчид өөрсдийн хувийн зорилго, эрмэлзлэлээрээ нийгмийг өөрчилж, шинжлэх ухааны сүүлийн үеийн ололт амжилтуудыг Монголд нэвтрүүлж, аж үйлдвэр болон банк, санхүүгийн томоохон байгууллагуудыг байгуулж, улмаар тэдний ачаар түүх, соёлын үнэт үзмэрүүд бүтээгдэж байгаа. 
 
“Дуудах нэрийг аав, ээж, дуурсагдах алдрыг өөрөө” гэдэг зүйр үг бий. Энэхүү номд багтсан бизнесмэнүүд өөрсдийн бий болгосон бизнес буюу үүсгэн байгуулсан компаниараа овоглогдож, аль хэдийнэ олны танил болцгоожээ. Өөрөөр хэлбэл, тэд “Нарантуул”-ын Ш.Сайхансамбуу, “Монполимет”-ын Ц.Гарамжав, “Ард”-ын Ч.Ганхуяг гэж дуудагдах болсон байх жишээтэй. 
 
Тэгвэл газар зарж, байгаль дэлхийгээ сүйтгэж, татвар хураамжаа төлөхөөс зайлсхийж, гэр, төр хоёроо ялгахаа больж баяжсан нөхдүүд Монголын шилдэг, авьяаслаг, цуутай бизнесмэнүүдийн шалгуурт нийцэх нь ёс зүйгүй хэрэг буй за. Хүүхэд залуус хөнгөн хялбар аргаар амьдрахыг хүсэж, бэлэнчлэх сэтгэлгээнд дэндүү ихээр автсан өнөөгийн нийгэмд эдгээр баялаг бүтээгчдийн үүх түүх, арга туршлагыг түүчээлэн хүргэх нь нэгийг бодож, хоёрыг тунгаахад тус нэмэр болох биз ээ. 
 
Та бизнес эрхлэгч, аль эсвэл биш ч байсан энэ номыг уншсанаар зорилготой амьдарч, түүндээ хүрэхийн тулд ямар ч бэрхшээлийг туулах эрч хүчийг олж харж чадваас энэхүү номыг бүтээгчдийн хүсэл ч бас биелэгдэх болой. 
 
Уг ном УИД-ийн “Мэжистик”, “Азхур”, “Интерном”, “Мир” номын дэлгүүрүүдэд худалдаалагдаж эхэлсэн бөгөөд цахим түгээлтийн BookLoBook SaleFree Delivery – Номын хүргэлт – Азхур пэйж хуудсуудаар захиалж, үнэгүй хүргүүлж авах боломжтой аж. 


АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

3 сэтгэгдэлСэтгэгдэл бичих

66.181.179.108Зочин   • 2018, 12 сарын 30. 1 цаг 04 минут

Зууны манлай хулгайч луйварчид яс тоогоороо байна . Хар дансанд оруулах хэрэгтэй . Удахгүй цуваад үхэцгээнэ .

202.21.117.34мн   • 2018, 12 сарын 20. 10 цаг 05 минут

Монголын цуутай луйварчингууд гэж нэрлэвэл зохилтой. Мөрөөрөө бизнесээ хийгээд явахгүй төр лүү зүтгэх ямар хэрэг байсан юм бол доо. Төрөөс илүү идэж луйвардах шунал нь ханаагүй юм болов уу

202.126.88.40Hhhhh   • 2018, 12 сарын 12. 14 цаг 50 минут

Yaj hulgai hiivel bayjih ve hedgiig zaana hurdan avch unshitsgaa

ULS.MN © 2019 он. Зохиогчийн эрх хуулиар хамгаалагдсан.