Шинэ мэдээ

“Уур амьсгалын төлөөх жагсаал”-д хэдэн мянган хүн оролцжээ12 сар 7. 11:44Бурундид хөрсний гулсалтын улмаас 26 хүн амиа алджээ12 сар 7. 11:31Хонконгийн цагдаагийн дарга Бээжин хотыг зорьжээ12 сар 7. 11:21Нүүрсээр ажилладаг цахилгаан станцуудыг татан буулгахыг уриалжээ12 сар 6. 13:54Х.Галымбек: Хүхрийн хэмжээ хүний бие сөргөөр нөлөөлөх хэмжээнд хүрээгүй12 сар 6. 12:15Агаарын чанарт хүхэрлэг хийг нэмэгдүүлж буй хуурамч дизель түлштэй тэмцэх хэрэгтэй12 сар 6. 12:14Хийн хоолойг тавих асуудалд Оросууд хариу өгөөгүй байна12 сар 6. 10:12Шинжааны лалын шашинтнуудын холбоо АНУ-ын хуулийн төслийг эсэргүүцжээ12 сар 6. 9:29Д.Трамп ирэх долоо хоногт АНУ-Японы худалдааны хэлэлцээрт гарын үсэг зурна12 сар 6. 9:28“Ориг Трэйвэл”: Туркийн Анталия хот руу зээлээр аялах боломжтой12 сар 5. 15:22Япон, БНСУ худалдааны яриа хэлэлцээгээ сэргээнэ12 сар 5. 13:56Япончууд шинэ супер компьютер бүтээнэ12 сар 5. 9:40ОХУ, БНХАУ аюулгүй байдлын түншлэлээ бэхжүүлэх бодолтой байна12 сар 5. 9:38Мишээлийг олоорой12 сар 4. 16:30Дэлхийн эргэлтийн эдийн засгийн форум Канадад болно12 сар 4. 9:49АНУ-ын тагнуулын нисэх онгоц Солонгосын хойгийн дээгүүр нисчээ12 сар 4. 9:34Мэдэгдэл12 сар 3. 14:17Д.Зоригт: Капитал банкинд 2016 оны наймдугаар сараас хойш мөнгө нэмж байршуулаагүй12 сар 3. 14:12Иранд болсон мөргөлдөөний үеэр 208 хүн амиа алджээ12 сар 3. 13:09“Хүртээмжтэй Ирээдүй - 2019” хөдөлмөр зуучлалын нээлттэй өдөрлөгт хөгжлийн бэрхшээлтэй иргэд оролцлоо12 сар 3. 11:05Хөгжлийн бэрхшээлтэй хүний ЭРХИЙН ӨДӨРТ12 сар 3. 11:05Мексикт болсон буудалцааны үеэр 21 хүн амиа алджээ12 сар 3. 10:43Сибирьт зам тээврийн ослын улмаас 19 хүн амиа алджээ12 сар 3. 9:46Орос-Хятадыг холбосон гүүр 2020 онд ашиглалтад орно12 сар 3. 9:45Хонконгт эсэргүүцлийн ажиллагаа эрчимжжээ12 сар 2. 12:39“iLAW WORLD” үйлчилгээг Солонгос улсад танилцуулж, албан ёсны нээлтээ хийлээ12 сар 2. 11:05Видео: Эрхийн өдөр 201912 сар 2. 11:05Хөгжлийн бэрхшээлтэй иргэдийн хөдөлмөр эрхлэлтийг нэмэгдүүлэхэд салбар дундын уялдаа чухал12 сар 2. 11:05МБУЧОС-ын оюутнуудын дунд “Мэргэжлийн ур чадварын уралдаан”-ыг Амжилттай зохион байгууллаа12 сар 2. 11:05"Туркийн урсгал" хийн хоолойг ирэх сард ашиглалтад оруулна12 сар 2. 9:57

Замын түгжрэлийг арилгая гэвэл нийтийн тээврээ хөгжүүлэх гарц л байна

/10-р сарын 22/  -  11 цаг 47 минут

Нийслэлийн замын түгжрэлийг  цахим орчинд “амьдралын түгжрэл” гээд нэрлэчихэж. Их л ойртуулсан зүйрлэл юм даа. Зарим нэгний гаргасан судалгаагаар хотын нэг иргэн хоногт 2-4 цагийг  түгжрэлд өнгөрүүлдэг аж. Нийслэл хотын оршин суугч 1.5 сая иргэний бүгдийнх нь хоолойд тээглэсэн яс гэвэл энэ түгжрэл болчихоод байна. Учир нь түгжрэл тэдний амь амьралдаа зориулах цаг хугацаанаас ийн хулгайлж байгаа болохоор тэр.

Шийдэл, шийдвэртэй алхам хүлээж байгаа асуудал гэвэл замын түгжрэл. Түгжрэлээс гарах арга замыг хайгаагүй биш хайсан. Бүр форум хүртэл хийж үзсэн. Гэвч тэр гарцыг одоо болтол олоогүй байна. Гарц байтугай бэлэн зэлэн оновчтой шийдэл ч алга. Замаа өргөтгөлөө, гүүр барилаа, уулзвар замаа будаж тэмдэглэлээ, гүүрэн гарц барилаа. Дугаарын хязгаарлалт хийлээ. Тэглээ гээд байдал дээрдсэнгүй. Яагаад гэвэл энэ бүхэн бүгд  тээврийн хэрэгсэлд зориулсан дэд бүтэц болохоор тэр. Харин ч энэ дэд бүтцээ дагаад  автомашин нэмэгдсэн нь тоо баримтаар тогтоогдож байна. Барууны орнууд яг энэ жишгээр автомашинд зориулсан хөрөнгө оруулалт хийж түгжрэлээ улам нэмэгдүүлж байсан гашуун жишээ байдаг.

Түгжрэлийг арилгая гэвэл нийтийн тээврээ хөгжүүлэх ганцхан арга зам л бий гэсэн байр суурийг маш олон хүн илэрхийлдэг. Бусдын туршлага ч ийм байдаг аж.

Эдүгээ нийслэлд хагас сая шахам машин өдөр бүр хөдөлгөөнд оролцож байна. Энэ тоо 4 жилийн өмнө 450 мянга байсан билээ. Харин Улаанбаатар хотод 300 мянган өрх аж төрдөг. Дугаарын хязгаарлалт эхэн үедээ үр дүнтэй арга байсан боловч өрх бүрийг хоёр машинтай болох замруу  хөтөлчихлөө. Ингэж тооцвол 600 мянган автомашин гэсэн тоо гарна.

Тэгвэл одоо ямар арга зам  байна вэ? Бусдын туршлага юу байв гэдгийг тунгаах хэрэгтэй болж байна.  Түгжрэлийг арилгая гэвэл нийтийн тээврээ хөгжүүлэх ганцхан арга зам л бий гэсэн байр суурийг  маш олон хүн илэрхийлдэг. Бусдын туршлага ч ийм  байдаг аж.

Энэ өнцгөөс харвал Улаанбаатарын замын түгжрэл уг гарвалаараа нийтийн тээврийн хоцрогдолтой холбоотой гэсэн үг. Хэрэв түгжирдэггүй, хуваарьт цаг минутдаа яг таг ирдэг явдаг, үйлчилгээний соёл ая тухтай, аюулгүй байдал хангагдсэн, нийтийн тээвэртэй болчихвол үйлчлүүлэхээс  хэн ч татгалзахгүй.

Нийтийн тээвэр хот дотор зорчих машины тоог цөөлөх боломжтой гэдгийн наад захын жишээ нь  ажилчдын автобус, сургуулийн (Schoolbus ) автобус юм. Тодруулбал, Улаанбаатарын хотын нөхцлөөр тооцож үзэхэд ажилчдын автобус дунджаар 26-45 автомашин, сургуулийн автобус 26 автомашиныг замын хөдөлгөөнд оролцохоос чөлөөлдөг гэсэн судалгаа байна.  Нийтийн тээвэр яг л ийм жишгээр хөдөлгөөнд оролцох машины тоог  цөөлөх боломжтой. 

Тэгэхээр замын түгжрэлийг арилгах хамгийн зөв гарц гэвэл нийтийн тээврийг хөгжүүлэх явдал гэдэг нь энгийн логикоор хэнд ч тодорхой байна. Дэнжийн мянгын Дэндэв өвгөн ч ингэж л хэлнэ. Амьдралын ийм жирийн үнэн, боломжит гарцыг эрх мэдэлтнүүд олж харахгүйдээ бус, ашиг сонирхлын зөрчлөөс алгасч орхигдуулаад байдаг юм биш биз гэж хардмаар. 

Нийтийн тээвэр хот дотор зорчих машины тоог цөөлөх боломжтой гэдгийн наад захын жишээ нь ажилчдын автобус, сургуулийн (Schoolbus ) автобус юм. Тодруулбал, Улаанбаатарын хотын нөхцлөөр тооцож үзэхэд ажилчдын автобус дунджаар 26-45 автомашин, сургуулийн автобус 26 автомашиныг замын хөдөлгөөнд оролцохоос чөлөөлдөг гэсэн судалгаа байна.

Үнэнийг хэлэхэд нийслэлийн нийтийн тээврийг хамгийн шоовдорлогдсон салбар гэж тодотгож болно. Учир нь энэ салбарт томоохон тоймтой, үр өгөөжтэй хөрөнгө оруулалт хийсэн нь бараг үгүй. Үйлчилгээний ихэнх чиглэл, хуваарилалтыг хувийн хэвшил эзэмшдэг болохоор зөнд нь орхисон гэж хэлж болмоор. Төрийн бодлого зохицуулалтын гадна үлдэж, төсвийн хуваарилалт, хөрөнгө оруулалт тойрч давхидаг салбар гэвэл нийтийн тээвэр л байна.

Нийтийн тээвэртээ зориулсан ямар хөрөнгө оруулалт хийсэн билээ гэж эргэцүүлж бодохоор санаанд буух тоймтой юм үнэхээр алга. Бараг 10-аад жилийн өмнө буюу 2009 онд нэг бүр нь 60-70 мянган ам долларын үнэтэй Солонгосын 400 автобусаар парк шинэчлэлт хийж байсан. Харин түүнээс хойш томоохон хөрөнгө оруулалт хийсэн тухай лав дуулдаагүй юм даг. Хэрэв стандарт нормоороо бол одоо тэдгээр автобусны түрүүч нь ашиглалтаас хасагдаж эхэлж байгаа байх.

Албаны эх сурвалжаар өдгөө өдөрт 1000 шахам автобус нийтийн тээвэрт үйлчилдэг.  Харин хүн амынхаа тоо, хэрэгцээ хүртээмжийг нь харгалзвал өдөрт наанадаж 2000-2500  автобус үйлчилгээнд гарах учиртай гэнэ. Ингэж баймаажин хэрэгцээ хангагдана. Тэгэхээр нийтийн тээврийн үйлчилгээ зөвхөн чанар хүртээмж талаасаа төдийгүй тооны хувьд ч дэндүү хангалтгүй байгаа юм.

Асуудлын нэг тал нь энэ. Харин нөгөө талаасаа нийтийн тээвэр гэдэг зөвхөн автобусны тоог нэмэгдүүлэх тухай биш. Түүний эргэн тойронд байх ёстой дэд бүтэц бий. Тухайлбал:

-Улаанбаатар хотын нийтийн тээврийн төлөвлөлтийг сайжруулах явдал юм. Иргэд зорчих эрэлт хэрэгцээгээ суудлын автомашинаар хангаж, автозамын ачааллыг ихээр үүсгэх нэг шалтгаан нь энэ. Нийтийн тээврийн чиглэл, маршрутын оновчтой бөгөөд тогтвортой байдал, давтамж зорчигчдын урсгалын зөв тооцоолол маш чухал.

-Нийтийн тээвэр төв зам буюу Энхтайваны өргөн чөлөөгөөр нэгдүгээр эгнээгээр зорчдог.   Одоо бусад замуудад ч гэсэн ийм зохицуулалтыг хийж өгвөл түгжрэл нь багасч  түргэн шуурхай байдал нь дээшилнэ. 

- Явган хүний болон унадаг дугуйны зам түгжрэл бууруулах бас нэг арга мөн. Тэгэхээр эдгээр замыг иргэдэд тохирсон шаардлага, стандарттай болгох.

Нийтийн тээврийн салбарт олон сайхан үлгэр, зөндөөн их мөрөөдөл бий. Метро, тусгай замын автобус буюу BRT гэх мэт.  Сураг нь сонсогддог хэрнээ бараа нь харагддаггүй барцад ихтэй энэ мэт төслүүдээ амилтал цаг хугацаа, хөрөнгө мөнгө гээд бэрхшээл их байдаг биз.

Гэхдээ эхний удаад байгаа боломж дээрээ түшиглээд парк шинэчлэлт хийж өдөрт үйлчлэх автобусны тоог наанадаж 2000-д хүргэж хүртээмжийг нь нэмэгдүүлбэл эхний үр дүн нь харагдах нь лав. 

Тухайн салбарт хөрөнгө оруулахдаа улсын төсвийг тарамдуулах бус, харин хүрэлцэхүйц хэмжээнд  хуваарилж хөрөнгө санхүүгийн “цохилтын хүч”-ийг  тухайн зорилтдоо төвлөрүүлж чадвал богино хугацаанд үр дүн гарах боломжтой.

Монголын хөгжлийн хоцрогдол болсон  нийтийн тээврээ зориг зүрхтэйгээр шинэчилж чадвал замын түгжрэл баяртай шүү.

М.Нэргүй



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

4 сэтгэгдэлСэтгэгдэл бичих

203.91.112.137зочин   • 2018, 10 сарын 27. 17 цаг 24 минут

1.Олон түвшний замтай болох. 2.Гүүрэн замууд барих. 3.Буруу рультэй машинуудаа хуульд нийцүүлэн хориглох. 4.Тээврийн хэрэгслийн болон зам ашиглалтын өндөр татвартай болох. 5.Нийтийн тээврийг өндөр түвшинд хөгжүүлэх .6.Хоер цэгийн хооронд дахь паралель замуудыг нэмж барих .7. Хот доторхи автозамын хэд хэдэн цагирагатай болох.

202.70.44.46Зочин   • 2018, 10 сарын 26. 14 цаг 08 минут

DUGUIN ZAMAA SAIN TAVIAD OGOOCH EE, TEGVEL DUGUI UNAH HUN IKH BNA

66.181.185.167Иргэн   • 2018, 10 сарын 23. 11 цаг 53 минут

Тугжрэлийн 100% буруутан нь 1990 оноос хойших засгийн газрууд шуу дээ.Тэд газрыг олгохдоо байшингууд барихдаа сургууль,цэцэрлэг,хороо,спортийн газруудыг хамт бариагуй учраас бид 1 ажлаа 3 удаа хийж хамаг цагааа алдсаар байна.

202.55.191.42bajuursan zochin   • 2018, 10 сарын 22. 21 цаг 27 минут

5 davharaas iluu undur barilga baiguulamj barihgui baih .ded butetsiin shugam,avto zamiig hotiig toiruulah geh zereg asuudal baina daa.

ULS.MN © 2019 он. Зохиогчийн эрх хуулиар хамгаалагдсан.