Шинэ мэдээ

Өөр албан тушаалд шилжин томилогдож буй Р.Чингисийг чөлөөлөх талаар зөвшилцөв10 сар 27. 16:08Мэдэгдэл10 сар 27. 15:52Шүрэн цох нь ургамлын шимэгч, хооллогч бичил шавьжуудаар хооллодог10 сар 27. 14:51ЭТТ-ын захирал Б.Ганхуяг та мэдэн будилав уу, үнэхээр юу ч мэдэхгүй хүн үү10 сар 26. 13:13Антигонаг дахин амилууллаа10 сар 25. 19:56"Tourism Forum Mongolia-2021" арга хэмжээ маргааш болно10 сар 25. 15:23Нийслэлийн шилдэг дүүргээр сонгинохайрхан дүүрэг шалгарлаа10 сар 22. 17:37Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44“Сэлбэ” дулааны станцыг ашиглалтад орууллаа10 сар 8. 16:40Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ж.Сандагсүрэн: Индексийн урамшуулал олгох ажлыг өргөжүүлж илүү олон багшийг урамшуулахаар шийдвэрлэлээ10 сар 5. 15:45Ерөнхийлөгчийн “Их амь бат оршоох” санаачилгын тухайд10 сар 4. 20:26Төсвийн гүйцэтгэлд цар тахлын нөлөөлөл их байгааг онцлов10 сар 4. 14:49СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:34Сайжруулсан шахмал түлшний борлуулалтын цэгийг нэмэгдүүлнэ10 сар 4. 11:511200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31Мэндчилгээ10 сар 1. 11:52

Евгений Набоков: Би тийм ухаантай биш. Гэхдээ их мөнгө олдог

/1-р сарын 24/  -  10 цаг 27 минут

"Айлендерс" багтай жилд 10 сая ам.долларын цалин авах гэрээ байгуулж мэргэжил нэгтнүүдийнхээ дунд адлагдах болсон орос хаалгач Е.Набоковын яриаг толилуулья. Гэрээнийх нь талаар сонссон багийн нөхөд нь хүртэл “Тэр биднээс хоёр дахин үнэтэй юм чинь хаалгаа өөрөө манана биз, бид л лав туслахгүй” гэсэн үгсийг хүртэл унагаж байсан билээ. Үнэхээр мөнгөний төлөө явсан түүнийг сэтгүүлч бага зэрэг буруутгах өнгө аястай асуусан байна лээ. Түүний СКА багаас явсныг оросууд одоо болтол уучилж чадаагүй байгаа гэдэг нь сэтгүүлчийн тавьсан асуултуудаас харагдана. Гэхдээ доорх ярилцлагад тэрбээр мөнгөтэй холбоотой асуултуудад хариулахаас татгалзаж байжээ. Ингээд Үндэсний хоккейн лигийн “Нью Йорк Айлендерс” багийн хаалгач Е.Набоковын яриаг толилуулья.

-Танд “Амьдралд маань  шинэ хуудас нээгдллээ” гэсэн мэдрэмж төрж байна уу?

-Тэгж нэрлэж болох эсэхийг мэдэхгүй л байна. Ер нь бол бүх зүйл хэвийн байгаа, сэтгэл зүй, бэлтгэл гээд л.

-Өнгөрсөн улирал таны хувьд тийм ч сайн болоогүй?

-Үгүй ээ. Яг чин үнэнээр хэлэх юм бол болсон үйл явдлууд надаас шалтгаалаагүй. Тиймээс юу болсныг мартаж, шинэ улиралд гол анхаарлаа хандуулах хэрэгтэй юм биш үү.

-Та мөнгөний төлөө Орост ирсэн үү /Сэтгүүлч Айлендерстай хийсэн гэрээний талаар асуух гээд л тойруулаад байна. Тэрбээр Оросын бас нэг баг маш өндөр цалин амлахад ярилцах гэж эх орондоо ирж байсан/

-Энэ талаар би урьд нь ярьж байсан даа. Гэхдээ яах вэ, дахиад хэлье л дээ. Баг надтай хэлэлцээр хийхээсээ өмнө зохицуулах ёстой ганц нэг асуудал байсан. Бага зэрэг мөнгө гаргахын тулд зарим нэг тоглогчийг явуулах хэрэгтэй байсан учир гэрээг наймдугаар сар хүртэл хойшлуулсан юм. Энэ үед Петербургийн баг намайг авахаар маш шургуу хөөцөлдөж байлаа. Би завтай байсан учир Орост ирж багийн эзэн Александр Ивановичтой уулзсан юм.

-Тэгээд танд юу нь таалагдаагүй юм бэ?

-Гэр бүлийнхэнтэйгээ ярилцаж байгаад буцсан нь дээр юм байна гэж шийдсэн юм. Тэнд бас нэг санал намайг хүлээж байсан л даа. Ер нь энэ талаар яриахгүй байвал яасан юм бэ. Нэгэнт болоод өнгөрсөн хэрэг шүү дээ.

-Саналуудын хойноос явсаар улирлыг тоглолтын бэлтгэлгүй эхлүүлж байна даа гэж харамсаж байна уу?

-Мэдээж. Би ер нь өнгөрсөн улиралд нэг их тоглосонгүй. Тоглоогүй байж байгаад ДАШТ-д явж, бэртэл авсан. Гэхдээ одоо яая гэх вэ, болох ёстой юм болоод л өнгөрснөөс хойш.

-Тэр үед өдрийг яаж өнгөрүүлж байв даа. Тоглолт байхгүй, бэлтгэл ч үгүй...?

-Би хоёр хүүхэдтэй. Тийм болохоор гэр бүлтэйгээ цагийг өнгөрөөж байлаа. Хангалттай завгүй байсан гэдгийг баталж чадна шүү.

-Итгэж байна аа. Тэгвэл эргээд хоккейн тухай яриандаа оръё. Одоо “Айлендерс”-ийн бэлтгэлийн баазад зургаан хаалгач байна. Үндсэн бүрэлдэхүүнд багтана гэсэн найдлага хэр байна вэ?

-Та энэ асуултаа дасгалжуулагчид тавьсан нь дээр байх. Би бэлтгэл дээр очоод л чадах бүхнээ хийнэ, үлдсэн нь удирдлагуудын мэдэх хэрэг.

-Ерөнхий дасгалжуулагчийн туслах Дин Чиновет Калгаритай хийсэн тоглолтын чинь дараа таныг их магтсан байна лээ?

-Тийм үү. Тэгвэл их баярлах л байна.

-Энэ үг танд нөлөөлөхгүй юу?

-Үгүй ээ.

-Ер нь хэвлэлүүд намайг юу гэж бичиж байна гэж хардаггүй хэрэг үү?

-Үгүй. Унших нь уншдаг ч маш цөөхөн. Дасгалжуулагчид миний тоглолт таалагдаж байгаад баяртай байна. Гэхдээ миний ажил бол тоглох л шүү дээ, ойлгож байна уу. Ганцхан тоглолтод биш байнга ингэж сайн байх хэрэгтэй байна.

-Гэр бүлийнхнийгээ Нью Йоркод авчирсан уу?

-Үгүй ээ. Амьдрах газраас өгсүүлээд шийдэгдээгүй асуудал зөндөө байна. Гэхдээ 10 хоногийн дараа гэхэд бараг ирчих байх.

-Ирэх улирлаас юу хүсч байна вэ?

-Сайн тоглолтыг.

-Тэгвэл багийнхаа тухай юу хэлэх вэ?

-Айлендерсийн бэлтгэлийн баазад одоо залуухан, өөрсдийгөө харуулахыг хүссэн 40 гаруй залуус байна. Гэхдээ улирлын өмнөх тоглолт, жинхнэ улирлын тоглолт хоёрын хооронд маш том ялгаа бий. Тиймээс улирлын өмнөх тоглолтуудад би ач холбогдол өгдөггүй.Бэлтгэлжилт л бүхнийг шийддэг болохоор тэр.

-Улирлын өмнөх тоглолт ч гэсэн мш их хүн ирсэн байсан шүү тийм ээ?

-Их гэж үү. Колизейд хийсэн тоглолтод хэдэн үзэгч ирснийг чи харсан уу?

-8000 орчим байх.

-Тэгвэл Айлендерсийн гэрийн тоглолтыг 14000 хүн үздэг юм.

-Орост, “Сокольник”-т болсон тоглолтыг 1000 орчим хүн үзэх тохиолдол байдгийг мэднэ биз дээ, та?

-Ээ... “Сокольник” эндэх хоёрыг битгий харьцуул л даа.

-Яагаад болохгүй гэж... Нью Йорк, Москва. Хоёулаа л мегаполис биз дээ. Гэтэл нэгэнд нь 1000 нөгөөд нь 8000?

-Гэхдээ... тоолох юм бол ч тийм л дээ.../бодов/. Энэ асуултад яаж хариулахаа мэдэхгүй байх чинь. Магадгүй, манайхан тэнд их очдог юм болов уу... /инээв/

-Зүгээр л америкчууд хоккейг оросуудаас илүү сонирхдог гээд хэлчихээч?

-Би яаж мэдэх вэ дээ.

-Жишээ нь, Айлендерс хөгжөөн дэмжигчидтэйгээ уулздаг уу?

-Тийм ээ. Байнга л ийм үйл ажиллага зохион байгуулж байдаг. Энэ бол байнга явагдаж байдаг зүйл.

-Хойд Америкт улирал дундын амралт маш богинохон хэрнээ тоглогчид формдоо орчихсон байдаг. Орост арай өөр. Яагаад тэгдэг юм бол. Орос хоккейчид өөрсдөө формоо хадгалж чаддаггүй байх тийм үү?

-Энэ чинь харин ёстой миний хариулах асуулт биш байна даа. Миний бодлоор бол шинэ улиралд бэлтгэхэд 3-4 долоо хоног хангалттай гэж үздэг. Гэхдээ мэргэжлийн тамирчин хүнд хувийн сахилга бат гэж байх ёстой л доо. Улирал дууслаа гэнгүүт л идэж уухаа хэтрүүлээд эхэлж болохгүй.

-ҮХЛ, ТХЛ хоёрыг харьцуулаад яривал?

-Хоёр өөр лиг шүү дээ. Би бол харьцуулах боломжгүй гэж хэлэх байна.

 -Ёоё... За тэгвэл, аль нь илүү таалагдаж байна?

-Дахиад л нөгөө юмаа асуугаад эхэллээ... Тийм ээ би ийм асуултуудад дургүй. ҮХЛ, ТХЛ хоёр чинь огт адилгүй. Тэгээд би нэг юм ярихаар хүн болгон өөр өөрөөр хүлээж авдаг шүү дээ. Тийм болохоор би ийм асуултад хариулах дургүй.

-Би таны ярьсныг л бичнэ. Тэгвэл хүмүүс юу гэж бодож байгаа бол?

-Ер нь ихэнх ихоккейчид ҮХЛ-т тоглохыг хүсдэг. Гэхдээ ТХЛ жилээс жилд өргөжиж байна. Гэхдээ дахиад хэлье. Харьцуулах боломжгүй.

-Тэгвэл сүүлчийн асуулт. Хамгийн сүүлд ямар ном уншсан бэ. И.Брызгаловтой ярилцаж байхад Достоевскийг уншсан гэж байсан?

-Харамсалтай нь би тийм ухаантай биш л дээ. Тийм болохоор нэг их уншаад байдаггүй. Ухаантай биш байсан ч би Оросын “онц сурлагатнууд”-аас илүү их мөнгө олж байна.

-Тэгээд хамгийн сүүлд ямар ном уншсан юм бэ?

-Рожер Федерерийн намтрыг. Би өндөрлөгт гарсан хүмүүсийн намтар унших маш дуртай.

Сэтгүүлчийн тайлбар.

-Үнэндээ Е.Набоков дөрвөн настай хүү нь Петербургт идээшиж чадахгүй болон учраас л Оросоос явсан юм. Хүү нь оросоор маш муу ярьдгаас гадна цаг агаар нь тохирохгүй, өвчин ороогоод байжээ.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.