Шинэ мэдээ

“ЗАЛУУЧУУД СУДЛАЛ 2018” оюутны эрдэм шинжилгээний бага хурал зарлагдлаа10 сар 18. 12:47Ган гачигт нэрвэгдсэн афганчуудад НҮБ олон сая ам.долларын тусламж үзүүлжээ10 сар 18. 12:10Шинэ цувралын ухаалаг утаснууд нь “Apple”-тэй өрсөлдөхөд тус болно гэж үзэж байна10 сар 18. 11:14Дэлхийн дулаарлын улмаас шар айраг ховордож, үнэ нь өснө10 сар 18. 11:14Төв аймгийн 30 иргэнд өргөө цагаан гэр бэлэглэжээ10 сар 17. 14:42Шиньжаан дахь уйгуруудыг дахин хүмүүжүүлдэг төвүүдийн талаар анх удаа дурджээ10 сар 17. 12:53Хайнан арлыг чөлөөт худалдааны бүс болгох төлөвлөгөөг танилцуулжээ10 сар 17. 11:20Япон улсыг сонгон аялах жуулчдын тоо буурсан үзүүлэлттэй гарчээ10 сар 17. 11:20Трампын явуулж буй худалдааны дайнаас дэлхийн эдийн засагт учрах хохирлыг тооцон гаргажээ10 сар 17. 9:33БНХАУ-д худалдааны томоохон үзэсгэлэн болж байна10 сар 17. 9:32Иордан голын Баруун эрэгт еврейн суурин барих хөтөлбөрийг баталжээ10 сар 16. 9:27АНУ Хятадын дотоод хэрэгт хөндлөнгөөс оролцож байна гэж мэдэгджээ10 сар 16. 9:26Индонезид гамшгийн үеэр сураггүй болсон 5000 орчим хүн олдоогүй байна10 сар 15. 11:00Д.Трамп Эндрю Брансоныг сулласанд талархаж байгаагаа илэрхийллээ10 сар 15. 10:59Куба улс 34 мянган тонн тамхи хураана10 сар 14. 14:47Америкт сонгуулийн өдөр амиа золиослох гэж байсан этгээдийг баривчлав10 сар 14. 14:46АНУ БНХАУ руу цөмийн технологи эскпортлохыг хориглоно10 сар 12. 13:05Номлогч Брансоныг суллахаар тохиролцжээ10 сар 12. 12:52Саудын Арабын сэтгүүлчийг хөнөөснийг нотлох бичлэгүүдийг үзүүлжээ10 сар 12. 12:51Камбож улс 2030 он гэхэд 15 сая жуулчин хүлээн авахаар төлөвлөж байна10 сар 12. 11:32Ява арал дээр газар хөдлөлт болсны улмаас 3 хүн амиа алджээ10 сар 12. 11:31Умард Солонгосын ашигт малтмалын нөөц 3,3 их наяд ам.доллароор үнэлэгдэж байна10 сар 12. 10:35Хоёр Солонгос буддын сүмийг сэргээн босгоход хамтран ажиллана10 сар 12. 10:33БНАСАУ-д дангаар авсан хоригоо Өмнөд Солонгос цуцалж магадгүй10 сар 11. 11:58Их Британи Ирантай явуулж буй худалдааны харилцаагаа таслахгүй10 сар 11. 9:57Ажлын эрч хүчээ хаанаас олж авдгаа В.Путин хэлжээ10 сар 11. 9:56Хар хайрцагны нууцыг задлахыг хүсэж буй жиргээ постууд10 сар 11. 9:50Монголын телевизүүдийн контент БНСУ-ын 60 сая хэрэглэгчдэд үнэ төлбөргүй хүрдэг боллоо10 сар 10. 15:09Чингэлтэй дүүргийн IV хорооны иргэд тэмцлээ үргэлжлүүлэхээ мэдэгдлээ10 сар 10. 14:51Байгалийн үзэсгэлэнт газар хамгийн хямдаар алжаалаа тайлах боломжийг “Баянхангай” олгож байна10 сар 10. 12:31

Сэлэнгэ аймгийн ХАБЭА-н зөвлөлийн гишүүдийг чадавхжуулах сургалтыг зохион байгууллаа

/12-р сарын 4/  -  12 цаг 30 минут

Аймгийн ХАБЭА-н хөтөлбөрийг боловсруулахаар ажиллаж байна

ХНХЯ-ны харъяа Хөдөлмөрийн аюулгүй байдал, эрүүл мэндийн төв, Сэлэнгэ аймгийн засаг даргын тамгын газар, аймгийн Хөдөлмөр, халамж үйлчилгээний газартай хамтран “Хөдөлмөрийн аюулгүй байдал, эрүүл ахуйн зөвлөлийн гишүүдийг чадавхжуулах сургалт”-ыг 2017 оны 11 дүгээр сарын 28-30-ны өдрүүдэд Сэлэнгэ аймагт зохион байгууллаа. Сургалтад Сэлэнгэ аймгийн ЗДТГ-ын дарга бөгөөд Хөдөлмөрийн аюулгүй байдал, эрүүл ахуйн зөвлөлийн дарга Ө.Сувдаа, ХАБЭМТөвийн захирал, ХАБЭА-н Үндэсний хорооны гишүүн М.Даваабат, тус төвийн ХАБЭА-н газрын дарга Г.Нямдэжид, хөдөлмөрийн Эрүүл ахуйч О.Болорсүх, “Алтан боломж” сургалтын төвийн багш, зөвлөх инженер Ш.Алтантунгалаг, мөн аймгийн 16 сум, 4 тосгоноос 90 гаруй гишүүд оролцлоо.

Сэлэнгэ аймаг нь Хөдөлмөрийн аюулгүй байдал, эрүүл ахуйн зөвлөлийн гишүүдийг чадавхжуулах сургалтыг ийнхүү 2 дахь удаагаа зохион байгуулж байгаа юм байна.  Энэ удаагийн сургалтын гол зорилго нь ерөөсөө л арга зүйн сургалтыг чухалчилсан хэмээн зөвлөлийн тэргүүн Ө.Сувдаа онцолсон. Тодруулбал, хөдөлмөрийн нөхцөлийн үнэлгээг хэрхэн хийх, аж ахуйн нэгж байгууллагын ХАБ-ын ажилтанг орон тооных байх уу, үгүй гэдэгт анхаарал хандууллаа. Үүнтэй холбоотойгоор “Хөдөлмөрийн нөхцөлийн үнэлгээг хэрхэн хийх, түүний ач холбогдол” сэдвийн хүрээнд ХАБЭМТөвийн хөдөлмөрийн Эрүүл ахуйч О.Болорсүх илтгэл хэлэлцүүлсэн. Түүнчлэн ХАБЭМТөвийн ХАБЭА-н газрын дарга Г.Нямдэжид ХАБЭА-н үндэсний 5 дахь хөтөлбөрийг хэрэгжүүлэхэд орон нутгийн ХАБЭА-н зөвлөлүүдийн анхаарах асуудлын талаар илтгэл тавилаа.  

Сэлэнгэ аймгийн ХАБЭА-н зөвлөл Хөдөлмөрийн аюулгүй байдал, эрүүл ахуйн үндэсний 4 дэхь хөтөлбөрийн хэрэгжилт, цаашдын зорилтын талаар өнгөрсөн 3 дугаар сард уулзалт хэлэлцүүлгийг зохион байгуулжээ. Мөн тус хэлэлцүүлгээр Үндэсний 5 дахь хөтөлбөрийн төсөлд тусгагдах 13 заалтад нэмэлт өөрчлөлт оруулах, 7 заалтыг шинээр нэмж оруулахаар ХНХЯ-ны Хөдөлмөрийн харилцааны бодлогын хэрэгжилтийг зохицуулах газарт хүргүүлсэн байна. Үүний үр дүнд аймгаас дэвшүүлсэн санал тодорхой заалт болж “Үндэсний 5 дахь” хөтөлбөрт тусгагдсан аж. 

Сэлэнгэ аймаг нь газар тариалан, модны үйлдвэр, аж ахуйн бүс нутаг учраас үүнтэй холбоотой ХАБЭА-н асуудал илүү хөндөгддөг хэмээн зөвлөлийн гишүүд ярьж байлаа.  Тиймээс иргэдийнхээ аюулгүй ажиллах боломжийг чухалчилж аймгийн ХАБЭА-н хөтөлбөрийг боловсруулж хэрэгжүүлэхээр зорьж байна.  Тэр ч бүү хэл жил болгоны сум орон нутгийн шилдэг байгууллагыг шалгаруулахдаа ХАБЭА-н асуудлаар шалгуур тавьдаг болжээ.  Энэ нь аж ахуйн нэгж байгууллагууд ажилтан, албан хаагчдынхаа ХАБЭА-н асуудалд илүү анхаарахад түлхэц болдог гэлээ.

“Эрүүл аюулгүй ажлын байрыг эрхэмлэгч байгууллага” шалгаруулах улсын болзолт уралдаанд Сэлэнгэ аймаг жил болгон амжилттай оролцдог байна. Харин энэ хүү уралдааныг аймгийн хэмжээнд үйл ажиллагаа явуулж буй аж ахуйн нэгж байгууллагуудын дунд зохион байгуулж, шилдгүүдээ тодруулжээ. Шилдгээр  шалгарсан аж ахуйн нэгж байгууллагын шагналыг Сэлэнгэ аймгийн Засаг дарга Ш.Оргил сургалтын үеэр гардуулан өглөө.  

1.Том үйлдвэр, аж ахуйн байгууллагын шилдгээр  Сайхан сумын “Цемент шохой” ХК,

2.Дунд үйлдвэр, аж ахуйн байгууллагын шилдгээр Сүхбаатар сум “Сэлэнгэ энерго” ОНӨААТҮГ

3.Жижиг үйлдвэр, аж ахуйн байгууллагын шилдгээр Мандал сум “Сэлэнгэ Зүүнхараа” ОНӨААТҮГ шалгарсан бол шилдэг ХАБЭА-н ажилтнаар Ерөө сумын “Болд төмөр ерөө гол” ХХК-ийн ХАБЭА-н ажилтан Г.Содгэрэл, Сүхбаатар сумын “Сэлэнгэ энерго” ОНӨААТҮГ ХАБЭА-н ажилтан У.Цэцэгээ нар тус тус шалгарлаа.

Мөн аймаг, сум, тосгодын зөвлөлийн нарийн бичгийн дарга нар 2017 оны 11 дүгээр сард  “Алтан боломж” сургалтын төвд мэргэшүүлэх сургалтад хамрагдсан ба  мэргэшүүлэх сургалтын сертификатыг ХАБЭМТөвийн захирал, ХАБЭА-н Үндэсний хорооны гишүүн М.Даваабат гардуулан өгөв.

Сэлэнгэ аймгийн хувьд өөрсдийнхөө нөөц боломжинд тулгуурлан ХАБЭА-н үйл ажиллагааг шинэ шатанд гаргахаар зорьж байгаа аж. Энэ удаагийн сургалтаар дамжуулж сумдын ХАБЭА-н асуудалд илүү хүрч ажиллахыг төлөвлөжээ. Хамгийн гол нь сургалт хийгээд орхих биш байнга эргэх холбоотой хамтарч ажиллахыг зөвлөлийн тэргүүн Ө.Сувдаа уриаллаа. Үндэсний хэмжээний төв байгууллага болох ХАБЭМТөвийн хувьд энэ удаагийн сургалтад ихээхэн ач холбогдол өгч байгааг М.Даваабат захирал онцолсон. Цаашид салбар зөвлөлийн гишүүдийг чадавхжуулах ажлыг үргэлжлүүлэн зохион байгуулна гэдгийг мөн энэ үеэр хэлсэн.

Ийнхүү Сэлэнгэ аймгийн ХАБЭА-н зөвлөл ард иргэдийнхээ аюулгүй орчинд ажиллах нөхцөлд илүү анхаарч байгаа нь сайшаалтай. Тус аймгийн хийж хэрэгжүүлж байгаа гол анхаарал татах ажил бол аймгийн ХАБЭА-н хөтөлбөрийг боловсруулах, аймгийн хэмжээнд эрүүл-аюулгүй ажлын байрыг эрхэмлэгч байгууллага болзолт уралдааныг зохион байгуулсан явдал байлаа. Энэ нь бусад аймаг орон нутагт үлгэр жишээ болохуйц санал санаачлага яах аргагүй мөн юм.

-Энэ үеэр Сэлэнгэ аймгийн ЗДТГ-ын дарга бөгөөд Хөдөлмөрийн аюулгүй байдал, эрүүл ахуйн зөвлөлийн дарга Ө.Сувдаагаас зарим асуултад хариулт авлаа.

-Сэлэнгэ аймгийн ХАБЭА-н зөвлөлийн гишүүд бүгд орон тооны гишүүд мөн үү?

-Ер нь орон тооны бус байгаа.  Сумын ЗДТГ-ын дарга нар  нь сумын зөвлөлийг ахладаг. Түүнд нь мэдээж холбогдох мэргэжилтэн, аж ахуйн нэгж, үйлдвэрчний эвлэлийн төлөөлөл ордог.  Ер нь аль болох орон тооны гишүүдтэй байхыг  хичээж байна. Одоо бол орон тооны гишүүд ч байна, орон тооны бус ч байна. Гэхдээ Ямар нэгэн байдлаар энэ асуудлыг эрхэлсэн албан хаагч, мэргэжилтэн ажиллаж байгаа нь сайшаалтай.  

-Танай аймагт хөдөлмөрийн аюулгүй байдал алдагдах тохиолдол хэр гарч байна вэ?

-Аймгийн хувьд ХАБЭА-н хүрээнд тодорхой ажлуудыг зохион байгуулж байгаа хэдий ч хөдөлмөрийн аюулгүй байдал, алдагдах тохиолдол гарна. Осол гэмтэл, ажлын байрны ахуйн осол гарна. Хамгийн гол нь үүнийг гаргуулахгүй байх, бүгдийг сургалтад хамруулах ажлыг зохион байгуулахыг зорьж байгаа юм.  ХАБЭА-н талаарх мэдлэг, мэдээллээ авчихсан хүн осол гэмтлээс урьдчилан сэргийлж чадна шүү дээ.  

-Сэлэнгэ аймгийн ХАБЭА-н зөвлөл хэдэн оноос хойш үйл ажиллагаа явуулж байна вэ?

-Өмнө нь Хөдөлмөрийн аюулгүй байдал, эрүүл ахуйн зөвлөл үйл ажиллагаагаа явуулж ирсэн. Харин миний хувьд 2009 оноос энэ ажлаа хүлээн аваад явж байна. Аймгийн ЗДТГ-ын дарга Хөдөлмөрийн аюулгүй байдал, эрүүл ахуйн зөвлөлийг хариуцна гэсэн чиг үүрэгтэй. Зөвлөл маань олон ажлыг зохион байгуулж үр дүнд хүрч байгаа. Аль болох осол гэмтлийг гаргахгүй байхад анхаарч ажиллаж байна. ХАБЭА-ын гишүүд нь мэдлэг боловсролтой болвол бусаддаа зааж сургах, сумын хэмжээнд сургалт явуулах боломжтой болно гэсэн үүднээс өнөөдрийн сургалтыг явуулж байгаа юм. 



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2018 он. Зохиогчийн эрх хуулиар хамгаалагдсан.