Шинэ мэдээ

Антигонаг дахин амьлууллаа8 цаг 37 минутын өмнө"Tourism Forum Mongolia-2021" арга хэмжээ маргааш болно10 сар 25. 15:23Нийслэлийн шилдэг дүүргээр сонгинохайрхан дүүрэг шалгарлаа10 сар 22. 17:37Б.БАТБАЯР: Нүүр ам судлалын сургуулиас санаачлан Монголд анх удаа 12,000 орчим хүнийг хамрах “ЭРҮҮЛ ШҮД - ЭРҮҮЛ МОНГОЛ” судалгааг хийж байна10 сар 18. 12:35Х.Булгантуяа: 1 сая долларын хөрөнгө оруулсан ч байнгын амьдрах эрх үүсдэггүй10 сар 14. 17:18УИХ-ын гишүүн Г.Ганболд: Хэт өндөр өртөгтэй үр дүнгүй зээлүүдэд анхаарах хэрэгтэй байна10 сар 14. 13:17Монголд анх удаа Барилгын салбарт Койн задрах гэж байна10 сар 12. 14:13Д.Янжинхорлоо: Гэр орноо алдчихгүй юмсан гэж тэмцэж байна10 сар 12. 10:41Н.Баатаржан: УГТЭ нь тархины судсан дотуурх МЭС ЗАСЛЫГ өндөр хөгжилтэй орны ЖИШГЭЭР хийдэг10 сар 11. 14:44“Сэлбэ” дулааны станцыг ашиглалтад орууллаа10 сар 8. 16:40Шинэ сэргэлтэд зориг, манлайлал хэрэгтэй10 сар 8. 16:31“Эрдэнэс силвер ресурс”-ийн захирал асан Т.Мөнхбаярыг АТГ-ынхан хэзээ шалгах вэ10 сар 8. 14:44"Тэрбум мод" үндэсний хөдөлгөөнд нэгдэж мод тарилаа10 сар 8. 11:19Сайжруулсан шахмал түлшийг 412 цэгээр борлуулж эхэллээ10 сар 7. 12:05Шатахууны нөөц дуусч, хомсдол үүсэх болсны цаана импортлогчид, улстөрчдийн "хувийн ашиг сонирхол" байсан уу?10 сар 7. 10:50Л.Халтар сайдын толгойлдог “Тээвэр зуучийн мафи” буюу замын салбар дахь "ургийн мод" !!!10 сар 7. 10:39Шуурхай мэдээ: ХУУРАМЧ МЭДЭГДЭЛД ИТГЭЖ ШАТАХУУН ИХЭЭР НӨӨЦЛӨХ ШААРДЛАГАГҮЙ10 сар 6. 10:22Ж.Сандагсүрэн: Индексийн урамшуулал олгох ажлыг өргөжүүлж илүү олон багшийг урамшуулахаар шийдвэрлэлээ10 сар 5. 15:45Ерөнхийлөгчийн “Их амь бат оршоох” санаачилгын тухайд10 сар 4. 20:26Төсвийн гүйцэтгэлд цар тахлын нөлөөлөл их байгааг онцлов10 сар 4. 14:49СУРГАЛТ: Томуу, томуу төст өвчний үүсгэгч идэвхжиж, Ковид-19 халдвартай хавсарсан байдалтай явагдах эрсдэлтэй байна10 сар 4. 13:34Сайжруулсан шахмал түлшний борлуулалтын цэгийг нэмэгдүүлнэ10 сар 4. 11:511200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!10 сар 4. 10:58Түүхий нүүрсний хэрэглээг сэргэвэл Улаанбаатар утаандаа дахиад хордоно10 сар 4. 10:52“Шилэн” Цогоо хуудуутай төсвийг илчиллээ10 сар 1. 16:31Мэндчилгээ10 сар 1. 11:52“Шийдэл үргэлж байдаг” ном 10-р сарын 01-ээс уншигчдын хүртээл болно9 сар 30. 14:17Л.Энх-Амгалан: Шинжлэх ухааны салбарт шинжлэх ухаанчаар хандах цаг ирсэн9 сар 30. 12:17Ж.Сандагсүрэн: Цэцэрлэгийн хамрагдалт 60 орчим хувьтай байна9 сар 24. 18:55С.Азжаргал: Ковидын үед сүрьеэг орхигдуулалгүй нэгдсэн сургалт зохион байгуулсан нь нүдээ олсон9 сар 24. 12:42

Хуучин сэдэв, шинэ хандлага

/10-р сарын 31/  -  11 цаг 58 минут

Хот уу, хөдөө юү

Өнгөрсөн зуны эхээр УИХ-ын  чуулганы нэгдсэн хуралдааны үеэр УИХ-ын гишүүн Т.Аюурсайханы  эрчим хүчний салбартай холбоотой асуулгын хариуг тухайн үеийн  салбарын сайд П.Ганхүү өгөхдөө “Нийслэлийн хэмжээнд өнөөдрийн байдлаар 1800 орчим айл цахилгаангүй байгаа.  Ихэнх нь нийслэлийн Сонгинохайрхан, Баянзүрх дүүрэгт амьдарч буй аж. УИХ-аас энэ оны төсөвт 7 тэрбум төгрөгийг шийдэж өгсөн. Үндэсний их баяр наадмаас урьтаж,  дээрх 1800 айлыг эрчим хүчинд холбоно” хэмээн мэдэгдэж  байв. Энэ яриа өнгөрсөн зун болж байсан гээд бодохоор XXI зууны Монголын нийслэлд эрчим хүч хэрэглэдэггүй айл мянгаар тоологдож байсан гэсэн үг.

Түүнчлэн сайдын  тодотгосноор өнгөрсөн жил 1700 орчим айл өрхийг шинээр эрчим хүчинд холбожээ.  1700-1800 өрх гэдэг  багцаагаар 4-5 сумын өрхтэй тэнцэнэ. Юм хөгжиж, нийслэлийн оршин суугчид байтугай хөдөөний малчид нар салхины эрчим хүчтэй болсон ийм цаг дор бид амьдарч байгаа.  Гэтэл нийслэл хотынхоо оршин суугчдыг цахилгаан эрчим хүчтэй болгох асуудал яригдаж байна. Гадныхан байтугай бид өөрсдөө сонсоод гайхширч, гасалж  шогширмоор мэдээ. Улаанбаатар хот уу , хөдөө юу гэж асуух шалтгаан ганц энэ бус.

Ц.Элбэгдорж: Улаанбаатар ирээдүйгүй хот.

 Урин дулааны улирал ойртоод ирэхээр Улаанбаатарын ус цас ууршиж эхлэнэ. Харин энэ үеэр хамар сэтлэм “анхилдаг” нь шээс шивтрийн үнэр.  Хоёр жилийн өмнө гар өргөж машинд суугаад Баянхошууг зорилоо. Зурагтын наахна жолооч залуу зогссоноо  “Ах  сууж байгаарай. Морь хараатхая” гэж бууж төв замын хажуу талын тоосгон байшингийн хана руу гэгээн цагаан өдөр гэрэлт шар нарнаар хэнэг ч үгүй сарьчихаад эргэж  ирэв. Тэссэнгүй юу гэвэл “Хааны албанаас хасны алба гэгчээр хаа таарсан газраа биеэ хөнгөлөхөөс өөр яах билээ” гэж асуултыг асуултаар хариулж билээ.  Үүгээр юуг хэлэх гээд байна гэвэл  суурин соёл иргэншилд суралцаж хэвшиж чадахгүй байгаагийнх. Нийслэл гэлтгүй ерөөс томоохон хотын оршин суугч байх дүрэм журам, хэм хэмжээ гэж байх ёстойн сануулга энэ мэтээр илэрдэг. 

Зөрчлийн хууль  уг нь их хэрэгтэй хууль. Хэрэв яв цав хэрэгждэгсэн бол. Энэ хуулинд гудамжинд ил задгай нус цэрээ хаявал торгуультай гээд цагаан дээр хараар биччихсэн. Цаг хүйтрээд ирэхээр хаа сайгүй л хөлдөж хатсан нус цэр цардмал зам дээр харагдаж байна.  Өнгөрсөн зун хотын захиргааны төв байрны гадаах мод руу гадаадын хоёр иргэн морь харж байгагүй дуулиан дэгдээсэн удаа бий. Төв талбай дээр зорхиогдсон арга хэмжээг сонирхож явсан тэд бие засах газар хайгаад олдсонгүй, энэ нь монголчуудын жишгийг дагах шалтаг болсон биз.

 Оршин суугчдынхаа энэ мэт иргэншээгүй хандлагыг харах бүрийд бид нийслэл хотод амьдарч байгаадаа эргэлзэхэд хүрдэг. Иргэншээгүй иргэдтэй нийслэл Улаанбаатараас өөр байдаг эсэхэд эргэлздэг.

“Ирээдүйгүй” Улаанбаатарт үлдээх итгэл байна уу

Монголд 10 гаруй жил ажиллаж амьдарч байгаа Гаррет Вилсон хэмээх  залуу саяхан манай нийслэл хотын тухай “Хотын инженерүүд нь хаана байна. Хотын төлөвлөлт гэдэг  маш чухал асуудал. Уг нь хотын төлөвлөлтөөр нарийн мэргэшсэн хүн монголчууд дунд олон бий. Гэвч тэднийгээ төр нь ажиллуулдаггүй.  Улаанбаатарын замбараагүй хот төлөвлөлтийг харахад тун харамсалтай байна” хэмээн ил цагаан шүүмжлэв.  Мэдээж энэ бол гадаад талдаа тусах тусгал.

Нийслэлийн агаарын бохирдлын асуудлаар Ерөнхийлөгч асан Ц.Элбэгдорж хэвлэлийнхэнд байр сууриа илэрхийлэх үеэрээ “Улаанбаатар ирээдүйгүй хот. Хэн ийм хотод хөрөнгө оруулалт хийх юм бэ” гэж хэлэв. Энэ үгийг үгүйсгэх арга байхгүй. Бодож  тооцоолоогүй хот  төлөвлөлт,  иргэдийнхээ аюулгүй байдал амар түвшин амьдралыг  гаргуунд нь гаргасан хот бол үнэхээр Улаанбаатар. Өнөөгийн хотын удирдлагууд “Аз жаргалтай Улаанбаатар” хөтөлбөрийн тухай  ярьж, бүр хөшөө дурсгал хүртэл босгож байгаа юм байх.  Ярьж байгаагаа ажил болгочихвол С.Батболдыг  BRAVO  гэхээс яахав. Гэхдээ энэ бол мэдээж ганц сонгуулийн хугацаанд хийж хэрэгжүүлэх ажил биш.

Улаанбаатарын гурван бохидол гэж айхтар юм бий болсон. Агаар, гүний ус, хөрс. Хүний оршин амьдрах амин гурван эрдэнэ, орчин нь ийм асуудалтай. Саяхнаас гүний ус буюу бидний хэрэглэж байгаа ус ураны агууламж өндөртэй байгаа тухай шуугьж байна.  Агаар хөрсний бохирдол угаас байсан, хуучин сэдэв. Улстөрчдийн барьж авч популимзм хийдэг  гарын доорхи асуудал.

Нийслэлийг  Улаанбаатараас нүүлгэх тухай үлгэр домог бий. Уг нь хэрэгтэй асуудал. Нийслэлээ нүүлгээд их дээд сургуулиа хотоос шилжүүлж хотхон хэлбэрээр зохион байгуулчихвал Улаанбаатарын хүн амын хэт төвлөрөлийг сааруулах бэлэн боломж бий. Үүнийгээ дагаад орчны бохирдлын асуудал хөнгөрч нимгэрэх учиртай.  Гэвч үүнийг хүлээлгүйгээр наана нь авч хэрэгжүүлэх гарын доорхи бэлэн боломжууд ч бас бий. Хуучин сэдэвт шинэ хандлага хэрэгтэй байна

 П.Булган

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.