Шинэ мэдээ

Сайд Х. Баделхан БҮК-1 төслийн нээлтэд оролцлоо12 сар 15. 16:15Хүүхэлдэйн театрынхан “ГАЙХАМШИГТ ХАЙРЦАГ” гала тоглолт хийнэ12 сар 14. 15:17Б.Мөнх-Эрдэнэ: “Дэлхийн ур чадвар тэмцээн миний амьдралыг өөрчилсөн”12 сар 14. 10:12Орчны бүсийн иргэдийг зээлээр дэмжиж, тусгай хамгаалалттай нутгийг 3.4 сая га-аар нэмнэ12 сар 13. 16:03Дуучин Хүрэлээ охинтойгоо хамтран “Гацуурхан” дууг шинэчлэн дууллаа12 сар 13. 11:03Сонгууль хууль болон Улс төрийн намын тухай хуульд өөрчлөлт оруулна12 сар 11. 13:31Т.Бум-Эрдэнэ: Өөрийнхөө хувь заяаны хязгаарыг давж болохгүй. Энэ бол хариуцлага12 сар 11. 10:00Улаанбаатарт өдөртөө 16 хэм хүйтэн12 сар 11. 9:23Бусдын компанийг залилан авдаг иргэдийн талаархи мэдээллийг авна12 сар 10. 16:27Шуурхай: Халдвартын эмнэлгийн хойд талд баригдаж байгаа барилгад гал гарч байна12 сар 8. 16:48Оны онцлох тамирчид: Олимпоос л медаль дутуу М.Уранцэцэг12 сар 8. 16:39Сэлбэ голын мөсөн хотхон энэ сарын 15-нд ашиглалтад орно12 сар 8. 16:17Тоочин бүсгүй12 сар 8. 16:04Энэ оны төрийн шагналтнууд тодорлоо12 сар 8. 15:14Сангийн яамны ТНБ-ийн дарга Б.Нямааг ажлаас нь чөлөөлжээ12 сар 8. 13:26Энд байгаа эрэлтийг тэнд буй нийлүүлэлтэй яаж “уях” вэ12 сар 8. 12:11П.Нямлхагва:Бид Монгол хүүхэлдэйгээр дамжуулж дэлхийд Монголыг таниулах том зорилготой12 сар 6. 14:47Отрын малчдаас орон нутаг санаачлан төлбөр авч болохгүй12 сар 5. 11:08Сэлэнгэ аймгийн ХАБЭА-н зөвлөлийн гишүүдийг чадавхжуулах сургалтыг зохион байгууллаа12 сар 4. 12:30Уртын дуу шигээ Дагиймаа12 сар 4. 12:22Хамгийн худалч засаг дарга төрийн банкны гэгддэг Д.Батсайхан12 сар 4. 10:33"Хөгжлийн бэрхшээлтэй хүний эрх, оролцоо, хөгжлийг дэмжих” үндэсний хөтөлбөр батлагдлаа11 сар 30. 17:15"Хөгжлийн бэрхшээлтэй хүний эрх, оролцоо, хөгжлийг дэмжих” үндэсний хөтөлбөр батлагдлаа11 сар 30. 16:50Тэнхлүүн яваа Тээвэр ложистикийнхон11 сар 28. 15:48Тэлмэний ДЦС-ын төсөлд SINOSURE корпораци зээлийн баталгаа гаргав11 сар 27. 12:27Хүчирхийлэлд хамтдаа ҮГҮЙ гэж хэлье11 сар 24. 15:17Чанарын өдөрлөг зохион байгуулагдаж байна11 сар 24. 14:28Алдах эрхгүй хүн11 сар 22. 17:01КриптоҮндэстэн анхдугаар чуулга уулзалт болно11 сар 20. 14:26МАН-ыг У.Хүрэлсүх даргалбал Ж.Мөнхбат тэргүүтэй шинэ нам мэндэлнэ11 сар 20. 11:52

О.Болорсүх: Сонсох чадвар нэгэнт алдагдсан бол түүнийг бүрэн эмчлэх, нөхөн сэргээх боломжгүй

/10-р сарын 11/  -  14 цаг 41 минут

Хөдөлмөрийн аюулгүй байдал, эрүүл мэндийн төвийн Хөдөлмөрийн эрүүл ахуйч О.Болорсүхтэй доргио болон шуугианаас үүдэлтэй өвчлөлийн талаар ярилцлаа.  

-Доргио болон шуугианаас үүдэлтэй өвчлөл манай улсад хэр тохиолдож байна вэ?

-Монгол улсад мэргэжлээс шалтгаалах өвчнөөр өвдсөн ажилчдын ихэнхи хувийг ажлын байрны тоос, тоосонцроос шалтгаалсан амьсгалын замын өвчлөл эзэлдэг.  Харин удаах байруудад эргономикийн буруу байрлал, доргио чичиргээ болон шуугианаас үүдэх өвчлөлүүд эзлэж байна. Ерөөсөө дуу шуугианы нөлөөллөөс ангид байдаг ажлын байрууд үйлдвэр, уурхайн нөхцөлд маш ховор. Аж үйлдвэрийн хувьсгалаас өмнө харьцангуй цөөн хүмүүс  ажлын байран дахь аюултай шуугианд өртөж байсан. Харин үйлдвэрийн салбарт техник, тоног төхөөрөмжийн хувьсал, механикжуулах үйл ажиллагаа нэвтэрснээр шуугианы асуудал өсөн нэмэгдэх болсон. Миний хувьд ажлын байрны шуугианаас үүдэлтэй сонсгол алдагдалт, түүнээс урьдчилан сэргийлэх зэрэг тодорхой судалгаануудыг хийж гүйцэтгэж байна.  Дэлхийн эрүүл мэндийн байгууллагын мэдээллээс үзэхэд насанд хүрсэн хүмүүсийн сонсгол алдагдалтын 16 хувь нь ажлын байрнаас шалтгаалсан гэж тогтоогдсон. Манай улсад 1975 оноос өнөөдрийг хүртэл хугацаанд 320 орчим хүн ажлын байрны шуугианаас шалтгаалсан сонсгол алдагдах эмгэгээр хөдөлмөрийн чадвар алдсан байна.  Эдгээр ажилчдын ихэнхи буюу 20 гаруй хувийг эрчим хүчний салбар буюу Дулааны цахилгаан станцын ажилтнууд эзэлдэг.

-Бага зэргийн дуу чимээтэй орчинд ажилладаг ажилчдын өдөр тутмын хэвийн үйл ажиллагаанаас үүдэж сонсгол буурах тохиолдол байх уу?

-Ажлын байрны стандартад заагдсан дээд хэмжээнээс чанга шуугиантай байх нь ажилтнуудын сонсгол алдагдах эмгэгт өртөх гол шалтгаан болдог. Шуугиан нь ажилтныг өвдөлтгүйгээр нэг л өдөр мэргэжлээс шалтгаалсан өвчтэй болгох аюултай. Хамгийн том асуудал бол хүний сонсох чадвар нэгэнт алдагдсан бол түүнийг бүрэн эмчлэх, нөхөн сэргээх боломжгүй байдаг. Сонсгол алдагдах нь эмгэгийн шалтгаан болохоос гадна бусад эрүүл мэндийн сөрөг нөлөөллийг үүсгэдэг. Үүнд:ядрах, анхаарал төвлөрөлт буурах, цусны даралт ихсэх зэрэг мэдрэл, зүрх судасны эмгэг үүсэхээс гадна, ажилчид анхааруулах тохиог сонсоогүйгээс үйлдвэрлэлийн осол гарах эрсдэл үүсч болно.  Гэхдээ шуугианы сонсголын бус сөрөг нөлөөллүүдийг судлаачид бүрэн судалж тогтоогоогүй.  Тиймээс дуу шуугиан нь ажлын байранд хамгийн түгээмэл тохиолддог, эрүүл мэндэд аюултай хүчин зүйл бөгөөд хөдөлмөрийн аюулгүй байдал, эрүүл ахуйн асуудал хариуцсан мэргэжилтний тулгамдсан асуудлуудын нэг болоод байна.

-Ажлын байрны шуугианаас үүдэлтэй сонсгол алдалтын талаар хийгдсэн томоохон судалгаанууд юу байна?   

-Манай байгууллага Анагаахын шинжлэх ухааны үндэсний их сургуулийн орчны эрүүл мэндийн тэнхимтэй хамтран олон улсын жишиг арга, аргачлалын дагуу Дулааны цахилгаан станцын ажилчдын өртөж буй шуугианы түвшинг судлах зорилгоор томоохон судалгааг 2015-2016 онд хийж гүйцэтгэсэн. Тус судалгааны дүнгээр ажилчдын 80 орчим хувь нь олон улсын зөвлөмж стандартуудад заагдсан зөвшөөрөх дээд хэмжээнээс хэтэрсэн шуугиантай нөхцөлд ажиллаж буй нь тогтоогдсон. Гэхдээ ажлын байранд шуугианы түвшин эрсдэл өндөр байгаа боловч ажилчид маань өөрсдийгөө дуу чимээнээс хамгаалах чихний бөглөө, чихэвч зэргийг хэрэглэддэггүй, хэрэглэж хэвшээгүйд хамгийн том асуудал байна. Ажлын байранд дуу шуугианд хэдий өндөр байсан ч сонсгол алдагдах эмгэгт өртөхгүй байж болно.

-Тэгвэл урьдчилан сэргийлэх талд ямар арга хэмжээ авч болох вэ?

-Шуугианаас ажилчдыг хамгаалах маш олон төрлийн аргууд байдаг. Энэ талаар Аж ахуйн нэгж байгууллагуудын хөдөлмөрийн аюулгүй байдал, эрүүл ахуйн асуудал хариуцсан мэргэжилтнүүд маань өөрийн байгууллага дээр шуугианыг бууруулах ямар аргыг ашиглаж болох талаар зөвлөгөө, зөвлөмж авч хамтран ажиллах бүрэн боломжтой. Монгол улсад ажлын байранд тавигдах шуугианы зөвшөөрөгдөх хэмжээг MNS 5002:2000 дугаар бүхий стандартаар зохицуулж байна. Тухайн стандарт маань энэ онд шинэчлэн боловсруулагдаж байгаа бөгөөд Хөдөлмөрийн яам, ХАБЭМТ, МХЕГ, АШУҮИС зэрэг байгууллагууд тус асуудлаар хамтран ажиллаж байгаа.

-Дуу чимээ ихтэй газар ажилладаг хүмүүс чихэвч зүүсэн ч олон жил ажиллахад сонсголд нөлөөлөх боломж бий юу?

-Хэрвээ чанарын шаардлага хангасан сонсгол хамгаалах хэрэгслийг тогтмол зөв хэрэглэвэл сонсгол бууралтаас урьдчилан сэргийлэх боломжтой. Мөн ажил хийж байгаа хувь хүнээс шалтгаална.  Өөрөөр хэлбэл, чанарын шаардлага хангасан чихэвч байсан ч тухайн ажилтан чихэвчээ буруу хэрэглэвэл сонсгол буурах эмгэгт өртөх эрсдэлтэй.

-Нэмж нэг зүйлийг асуухад сүүлийн үед залуучууд чихэвчний хөгжим маш ихээр хэрэглэдэг боллоо.  Энэ нь сонсголын эмгэгт шууд нөлөөлөх үү?

-Энэ асуудал сүүлийн үед нэлээн яригдах болсон. Чихэвчний хөгжим байнга хэрэглснээр сонсгол буурах үзэгдэл залуужих хандлагатай байгааг олон улсын судалгааны байгууллагууд гаргасан байдаг. Ерөнхийдөө шуугианы нөлөөлөл өндөртэй ажлын байруудад чанга дуу чимээг арилгах, инженерийн, захиргааны, хувь хүнд чиглэсэн арга хэмжээнүүдийг шат дараалалтай хэрэгжүүлснээр ажилчдын эрүүл мэндийг бүрэн хамгаалах боломжтойг дахин хэлмээр байна.



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.