Шинэ мэдээ

Эрдэнэт үйлдвэр зардлыг бууруулж өөрийн өртгийг багасгана9 сар 26. 10:00Газрын тосны бүтээгдэхүүн импортлогч аж ахуйн нэгжүүдэд ХЭБЭА-н сургалтыг зохион байгууллаа9 сар 26. 9:30Д.Галбаатар : Эрдэнэт үйлдвэр хариуцлагатай, найдвартай ажиллаж байна9 сар 24. 12:11“Эрдэнэт” үйлдвэрийг хөгжүүлэхэд баялаг туршлагатай мэргэжилтэн чухал9 сар 24. 11:19У.Хүрэлсүх бол дараагийн Ерөнхий сайд биш9 сар 23. 11:57Хосолсон тээврийн системийг уурхайдаа нэвтрүүлнэ9 сар 22. 11:38МАН “Урвагчдын Засгийн газар” байгуулах уу9 сар 22. 11:06МАН У.Хүрэлсүхийн хөлд гурав дахиа хагарах уу9 сар 22. 11:02Үйлчилгээний байгууллагын хүн бүр заавал үзээрэй9 сар 22. 9:40УИХ-ын гишүүн Ө.Энхтүвшингээс МАН-ын журмын нөхдөдөө илгээх захидал9 сар 22. 9:35Залуу дуучин Н.Ундралын шинэ уран бүтээл "Сайхан ч юм даа Монгол хүн болж төрөх"9 сар 21. 16:44НИТХ-ын даргаар Ж.Батбаясгалан дэмжигдэх магадлал бусдаасаа өндөр9 сар 21. 11:19“ХАБЭА-н сургалтын тогтолцоонд тулгамдаж буй асуудал, шийдвэрлэх арга зам” сэдэвт хэлэлцүүлэг боллоо9 сар 21. 10:27"Адгийн шаарууд"-ын хүртсэн Ардын намын ялалт9 сар 21. 10:09Мэдэгдэл9 сар 21. 9:56Н.Номтойбаяр: У.Хүрэлсүхийн асуудлаар АТГ-т дуудагдсан9 сар 20. 18:35Х.Бадамсүрэн ажлаасаа чөлөөлөгдөх хүсэлт гаргаагүй9 сар 20. 17:16Худалдаачид өлсөглөн зарлана гэдгээ мэдэгдлээ9 сар 20. 13:25Хараагүйчүүдэд зориулсан 90 айлын орон сууц ашиглалтад орууллаа9 сар 20. 12:44Мордохын хазгай9 сар 20. 10:44Ж.Эрдэнэбатын Засгийн газар ба үр дагавар9 сар 20. 10:39УИХ-ын гишүүн, ХНХ-ын сайд Н.Номтойбаяр АТГ-т дуудагджээ9 сар 20. 9:15Ерөнхий сайдад яригдаж байгаа "Хүрэл"-үүдийг тунгаавал...9 сар 19. 11:43НОБГ-ын алба хаагчид 1.4 тэрбум төгрөгийн эд хөрөнгө авран хамгаалжээ9 сар 19. 11:37Микро автобус осолдож долоон хүн гэмтжээ9 сар 19. 11:33Шүүгчдийн сонгон шалгаруулалтад оролцогчдын бүртгэл эхэллээ9 сар 19. 11:20Улсын чанартай замыг байнгын хяналттай болгов9 сар 19. 10:33Үс шинээр үргээлгэх буюу засуулахад тохиромжгүй9 сар 19. 9:30Улаанбаатарт өдөртөө 21 хэм дулаан байна9 сар 19. 9:00“Шөнийн бороо” дуу 60 жилийн дараа дахин дуулагдлаа9 сар 18. 17:15

У.Хүрэлсүхэд үл захирагдах “Ы ажиллагаа”

/9-р сарын 12/  -  9 цаг 29 минут

Шадар сайд У.Хүрэлсүх тэргүүтэй МАН-ын бүлгийн 31 гишүүн АН-ынхнаас “тусламж гуйж” Засгийн газраа огцруулан хэний ч төсөөлөөгүй ялагдлыг өөрсдөдөө авчирч өглөө. Эхлэлийн цэгийг нь Шадар сайд У.Хүрэлсүх хатгаж “Ерөнхий сайд намайг тагнуулж чагнууллаа” гэж хашхирсан нь эдүгээгийн Ерөнхийлөгч Х.Баттулгын багийнхны ачаар хүссэн үр дүнг нь авчирсан. Бизнесмэн гэхээсээ “муу хулгай” аргыг түлхүү ашиглаж өнөөдрийн өндөрлөгт хүрсэн Х.Баттулга У.Хүрэлсүх гэдэг “комсомольчик”-т хүссэн суудлыг нь шивнэснээр тэрбээр Ерөнхий сайдаа ийнхүү гүтгэснийг нь хуулийн байгууллагууд удахгүй нотлох биз ээ. Тиймээс ч Ж.Эрдэнэбат Ерөнхий сайдын байр сууринаас чуулганы индэрт үгээ хэлэхдээ, санал хураалтын өмнө “..Шадар сайдыг тагнасан, чагнасан гэх асуудал миний хувьд хүний ой тойнд оромгүй үйлдэл. Надад Шадар сайдаа тагнах ёс суртахуун, хүмүүжил байхгүй. Тиймээс би аргагүй эрхэнд хуулийн байгууллагад хандсан юм” гэдгээ дахин илэрхийлсэн юм.

Тэрбээр энэ оны наймдугаар сарын 3-нд ЦЕГ-т иргэний хувиар өргөдөл гаргасан. Уг өргөдөлдөө “Өнгөрсөн хоногуудад нийгмийн цахим сүлжээгээр Шадар сайд У.Хүрэлсүхийн биед халдсан хэмээх гүтгэлгийн чанартай видео мэдээллийг нэр бүхий этгээдүүд олон нийтэд хүргэж, тодруулга тайлбарыг өгсөн байдаг юм. Тодруулбал өчигдрөөс эхлэн Шадар сайд У.Хүрэлсүхийг танхайн гэмт хэрэг үйлдсэн мэтээр харагдуулах зорилготой ажиллагааг миний бие бусдад захилага өгч гүйцэтгүүлсэн мэт дуу, дүрс бүхий бичлэгийг тараасан юм. Уг бичлэг, дуу оруулалт, эвлүүлэг, найруулга нь зохиолын дагуу нарийн зохион байгуулалттай байгаа нь харагдаж байна.  Тиймээс уг мэдээлэлд нэр дурдагдсан н.Золбаяр, н.Энхмэнд гэх хүмүүсийн оролцоотойгоор онцлоод буй үйл явдал үнэхээр болсон эсэх, хэрвээ худлаа бол дуу дүрс бүхий мэдээллийг миний нэр хүндийг гутаан доромжлох сэдлийн дор хийж, нийтэд цацсан эсэхийг тогтоолгохыг хүсч байна. н.Золбаяр, н.Энхмэнд нар өмнө нь тагнуулд ажиллаж байсан, гүйцэтгэх ажиллагааны туршлага мэдлэгтэй хүмүүс байгааг шалгалтын явцад онцгойлон анхаарна уу. Дүрс бичлэгийг хэний захиалгаар, хэн, хэзээ, хаана хийсэн, ямар учраас миний биеийг хамаатуулсныг тогтоож өгөхийг хүсэж байна. Дээрх үйлдлийг бүхэлд нь дүгнэвэл Эрүүгийн тухай хуулийн 20.3 дахь хэсэгт заасан, “Зохион байгуулалттай гэмт бүлэг байгуулах, түүнд элсэх” гэмт хэргийн шинжтэй байгааг анхаарна уу.” гэжээ.

Хуулийнхан ажлаа хийж байгаа байх аа. Харин УИХ-ын нэгдсэн чуулган Засгийн газрыг огцруулах асуудлыг хэлэлцэхээр “амьсгаа даран” хүлээж, яарч байх мөчид Ерөнхий сайд Ж.Эрдэнэбат дээрх асуудлыг УИХ-ын Тусгай хяналтын дэд хороогоор хэлэлцүүлэх хүсэлт тавьж, УИХ дахь МАН-ын бүлэг завсарлага авсныг санаж байна уу. УИХ-ын даргыг завсарлага өгч алхаа тогшиход чуулганы танхим тэр чигээрээ шуугиад явчихсаныг ч бүү мартаарай. АН-ын 9 гишүүн, бие даагч нийлээд ч тэгж шуугьж чадахгүй. Тэр шуугианы хүч бол өнөөх 31, тэдэнд кнопоо худалдсан гишүүдийн хүч, харамсал байлаа.

Дээрх асуудлаар УИХ-ын Тусгай хяналтын дэд хорооны хурлаар хэлэлцсэн. Гэхдээ тэр хуралдааны бүтэц бас “стандарт бус” болж, уг дэд хороонд харьяалалгүй баахан хүн орж явчихсан нь Засгийн газрыг огцруулахад “хувь нэмрээ оруулсан” гэж хардахад хүргэсэн.

Дашрамд сануулахад Шадар сайд У.Хүрэлсүх 2017 оны 7 дугаар сарын 31-нд УИХ-ын Аюулгүй байдал, гадаад бодлогын байнгын хороо болон Тусгай хяналтын дэд хороонд “Амь нас, эрүүл мэнд, гэр бүл болон албаны аюулгүй байдалд минь заналхийлсэн,  халдахаар тагнах чагнах, мөрдөх  зэрэг хууль бусаар  гүйцэтгэх ажиллагаа явуулж байгаа  нь ноцтой гэмт хэргийн шинжтэй тул УИХ-ын АБГББХ-ны дарга Ж.Энхбаяр та энэ асуудалд онцгой анхаарч, хуулийн дагуу зохих арга хэмжээ авч өгнө үү” гэсэн ЗГ-2/242 тоот албан бичиг явуулсан байдаг.

Энэ бичиг тун ноцтой биз. Халдаж байгаа нь Ж.Эрдэнэбат, халдлагад өртөж байгаа нь У.Хүрэлсүх, хамгаалах гэж байгаа нь Ж.Энхбаяр...Монголчууд энэ хэдэн улстөрчөө таньдагийн хувьд, ялангуяа У.Хүрэлсүх, Ж.Энхбаяр нарынхаа “харизма”-г мэддэгийн хувьд итгэхэд бэрх байв. Гэхдээ л хууль нь байгаа хойно шийдэхээс яалтайв. Гэтэл өнөөх бичиг Аюулгүй байдал, гадаад бодлогын байнгын хороогоор оролгүй алга болчихсон. Сураглаад байхнээ Шадар сайд У.Хүрэлсүх өөрөө татаж авсан гэдэг. Лав л миний явуулсан бичиг тус байнгын хорооны даргын өрөөнөөс алдагдчихаж гэж цагдаад хандаагүй байна билээ.

Гэвч Ерөнхий сайд Ж.Эрдэнэбат огцордог байлаа ч зүй бус шалтгаан, хийгээгүй хэргийн төлөө хилсээр, тэр тусмаа танхимынхаа сайдыг тагнасан, чагнасан /өнөөх CD- нд байгаа бичлэгээр бол гэрч Ч.Батболд гэх залуу “Намайг Шадар сайд У.Хүрэлсүхийг ямар нэг байдлаар өдөж байгаад нэг цохиулаад тэгээд цагдаагийн байгууллагад гомдол гаргачих. Ингэсэн нөхцөлд эхний удаад 50 сая төгрөг өгнө гэж хэлсэн” гэдэг/ асуудлаар огцрохыг өөрийнхөө хэлснээр залуу хүнийхээ хувьд хүссэнгүй, шалгуулж үнэн зөвийг тогтоолгоно гэлээ.

Үүний дараа Тусгай хяналтын дэд хороо “стандарт бус” бүтцээр өнөр олуулаа хуралдаж, чуулганы үйл ажиллагааны гацааг арилгахгүй бол УИХ-ын дарга огцорч мэдэхээр байв. Тэгсэн бол ч У.Хүрэлсүхийг бүр том “шагнал” хүлээх байсан биз. Гэвч түүний “амжилт” итгэл үнэмшилийг нь, “хайртай” намыг нь юунд хүргэснийг хараад надад ямар гээчийн “хар хүч” шүгэлчихээд, хэтэрхий туслаад байнаа гэдгийг одоо л олж харж байх шиг. Учир нь албан тушаал ахих адын бодлоосоо болж, баахан эвлүүлэгчин, зохиолч найруулагчтай хамтарч аймшигтай эрсдэл үүрч гарсны эцэст түүнд юун Ерөнхий сайдын суудал байтугай, хүний ёсоор эгцэлж харах ч нөхөд ховор үлджээ. Түүнийг адын муухай үйлийн торонд орооцолдсон байх хооронд ар гэрт нь ч амины гарзтай уй гашуу тохиосон зэргээс бодоход “Юу болоод өнгөрөв өө” гэдгийг одоо ахин харах цаг болж. “Чи Ерөнхий сайдын нэр хүндийг унагаа, бусдыг нь бид...Тэгээд л сразу майор” гээд байсан хамтрагчид нь ч нүүр буруулж, ухаан ороод хартал намынхаа булшийг ухчихаад дээр нь сарьж зогсох нь тэр.

Тээр жил “долоон сарын 1”-ний хар үйл явдалд Ж.Батзандан, О.Магнай, Б.Жаргалсайхан нар сонгуулийн үр дүн эсэргүүцсэн цуглааныг эхлүүлсэн ч эцсийн үр дүнг нь хянаж чадахаа больж нэг л мэдэхэд таван хүний амь хохирсон хэрэгт буруутгагдаж байв. Яг л үүн шиг эхлүүлсэн нь үнэн боловч дуусгах гэхээр хянаж чадахгүй үймээнийг У.Хүрэлсүх зохион байгуулчихжээ. Энэ бол нэг намын доторх зовлон биш, эрх мэдлийн төлөөх эдийн засгийн бүлэглэлүүд хоорондын дажин байв. Дээрх үймээний үеэр чулуугүй газраас том том чулуунууд хаанаас гарч ирэв гэдэг хуулийнханд тун ч ойлгомжтой байсны адил одоо намынхаа нэр хүнд рүү, намынхаа ялалтаар байгуулагдсан Засгийн газар руу гарт нь хэн чулуу атгасан тухай одоо л тэр бодож сууна. “Ажиллагаан доторх ажиллагаа” гэж үүнийг хэлдэг. “60 тэрбум акц” ч, “Топор ажиллагаа” ч түүхэн үр дүнгээ биелүүлчихэж байгаа нь энэ юмсанж.

Монголчууд үүнээс хожоогүй. АН хожоогүй. МАН-аас хэн хожиж, хохирохыг У.Хүрэлсүх гашуудан харж сууна. Тэр хожлоо ч баярлахаар үр дүн мөн гэж үү.



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

8 сэтгэгдэлСэтгэгдэл бичих

45.33.74.71Сайхнаа   • 9 сарын 13. 14 цаг 05 минут

Ineeveel zaluujina

45.33.74.71Гэрлээ   • 9 сарын 13. 14 цаг 00 минут

Amidral baylag yum oo

45.33.74.71Сайхнаа   • 9 сарын 13. 13 цаг 52 минут

Aytaihan bichej boldoggui ym bhda

45.33.74.71Зочин   • 9 сарын 13. 13 цаг 43 минут

Gegeelelg ym oruuldag ym erni bna u

45.33.74.71Сайхнаа   • 9 сарын 13. 13 цаг 31 минут

Aytaihan bichej boldoggui ym bhda

45.33.74.71Зочин   • 9 сарын 13. 13 цаг 18 минут

Gegeelelg ym oruuldag ym erni bna u

45.33.74.71Зочин   • 9 сарын 13. 11 цаг 59 минут

Gegeelelg ym oruuldag ym erni bna u

66.181.178.118Зочин   • 9 сарын 12. 15 цаг 32 минут

УМ МА НИ БАД МИ ХУМ

ULS.MN © 2017 он. Зохиогчийн эрх хуулиар хамгаалагдсан.