Шинэ мэдээ

Өвөрхангай аймгаас нярайн цогцос олджээ9 цаг 57 минутын өмнөСүүлийн үед ихээр үйлдэгдэх болсон гэмт хэргүүдэд судалгаа хийх баг байгуулдан ажиллаж эхэллээ2 сар 22. 17:26Монгол Улсын хөдөлмөрийн баатар Д.Сумьяагийн эмээ, өвөө 2 очир эрдэнийн хуримаа хийжээ2 сар 22. 17:17ШУА Америкийн монгол судлалын төвтэй хамтран ажиллана2 сар 22. 14:50Өвлийн олимпиос 14 медаль хүртсэн гайхамшигт амжилтын эзэн2 сар 22. 14:47​С.Бясман: Гишүүн Д.Гантулгыг яллагдагчаар татсан ч ирээгүй. Удахгүй албадан ирүүлнэ2 сар 22. 14:34Хоол тэжээлээс хамааралтай эмгэг өндөр байгааг тогтоожээ2 сар 22. 14:29Автомашины татвар, төлбөрийг цахимаар төлөх боломжтой2 сар 22. 14:19Соёл, урлагийн байгууллагуудад шалгалт хийв2 сар 22. 14:16Б.Наранхүү чуулган тасалсан үзүүлэлтээрээ "Бүх цаг үеийг тэргүүлж" байна2 сар 22. 14:14Нийслэлийн “Цасны баяр”-аар автобус 35 минутын зайтай үйлчилнэ2 сар 22. 14:12Пүүжээ 5 кг хасжээ2 сар 22. 12:28Д.Гантулгын гэх хэргийн мөрөөр: Алга болсон нотлох баримтууд “Үнэн бүхэн илчлэгдээсэй гэсэндээ явууллаа” гэсэн бичигтэйгээр эргэж иржээ2 сар 22. 11:57Агуйг тансаг шөнийн клуб болгон тохижуулсан нь2 сар 22. 11:53Германы хотод гудамжаа архичдаар цэвэрлүүлж, төлбөрт нь шар айраг өгдөг2 сар 22. 11:51"Пёнчан-2018"-ын хаалтын ёслолд Д.Трампын охин оролцоно2 сар 22. 11:49Өвлийн олимпоос хамгийн олон медаль хүртсэн тамирчид2 сар 22. 11:36Булган аймагт 640 хүүхдийн сургууль барина2 сар 22. 11:35Салхинцэцэг өвчнөөс урьдчилан сэргийлэх аргууд2 сар 22. 11:33Японы бүсгүйчүүд багийн уралдаанд алтан медаль хүртлээ2 сар 22. 11:31Ерөнхий боловсролын сургуулийн хүүхдүүдийн 6.1 хувь нь “Тасартлаа ууж үзсэн”2 сар 22. 11:27Нийслэлд өчигдөр нийт дөрвөн объектын түймэр гарчээ2 сар 22. 11:23Элэг, бөөрний Энэтхэг эмч нар ХСҮТ, нэгдүгээр эмнэлэг дээр үнэгүй үзлэг хийнэ2 сар 22. 11:14Шилдэг цаатанг шалгаруулдаг болжээ2 сар 22. 11:12Дорнод аймгийн Халхгол суманд алга болсон 10 настай хүүг олжээ2 сар 22. 11:11Ээжүүдийн 50 мянган төгрөгийг олгож эхэлжээ2 сар 22. 11:09Дэлхийн шилдэг амттан импортлогчдын анхааралд!!!2 сар 22. 11:08А.Батбаяр: Сэтгүүлчдийн дунд хот, хөдөө гэсэн ялгаа байх ёсгүй2 сар 22. 10:58Допинг хэрэглэсэн таван бөх хэн бэ2 сар 22. 10:33Сүлжээний улс төр2 сар 22. 10:31

Өгүүллэг: Аав

/8-р сарын 8/  -  10 цаг 18 минут

Би амьдралдаа хоёрхон удаа айсан юм.

Азарган үрээ агтлах сараар аав минь нэгэнтээ өвөө, авга ах хоёрын хамт анд явав. Үүр цүүрээр явсан тэд нар жаргахад ирсэнгүй. Би аавыгаа хүлээгээд л. Шөнө дөл боллоо. Гадаа эмээлийн гөлөм дуугарч, аяншсан морь шилгээн, намайг баярлуулахгүй л байлаа. Аавыгаа хүлээсэн сэтгэл нүдийг минь тэвхэдчихсэн юм даг. Унтаж тайвшрахын аргагүй айдас намайг хучаастай. Манайхны эрсийг анд явсны өдөр авга эгч надад, “Аав чинь өглөө мордохынхоо өмнө хонины толгойн ар шил идээд байсан. Лав дайсантай тааралдаа даа. Шил идэхээр дайсантай тааралддаг юм” гэж ярьсан юм л даа. Ишиг хөгнөж дөнгөдөггүй явсан нялзрай насны ой тойнд зургаас үзсэн хилэнт бурхдын дүр тодорч, тэр гэхийн аргагүй дайсны тухай төсөөлөл бодол мөстүүлж байлаа. Сэтгэлийг минь аймшгаар бүрхүүлж орхисон авга эгч амгалан унтана. Аавыгаа дайсантай тааралдан айн сандарч яваа гэж бодохоос харанхуйд ч гэсэн гараад бүхнээс хайртай аавыгаа эрмээр санагдана. Одоохон ороод ирнэ дээ гэж өөрийгөө тайтгаруулахыг оролдоно. Энэ цаг хугацаа надад юутай ч жишимгүй урт, хэцүү байв. Мянганаас урт мөчлөгийг намайг туулуулан байж аав ирсэн. Тэд чонотой тааралдсан гэнээ. Аав чинь буудаад алдчихаж. Өвөө, “Тийм сайн буутай байж алдаж л байдаг. Аав чинь муу эр юмаа” гээд намайг тавлаж билээ. Гэвч би тухайн үед чоно хэмээх тэрхүү тэнгэрлиг амьтныг аавын бууны сум онож унагаачихсан байлаа ч гэсэн түүнтэй зүйрлэхгүй илүүгээр ганцхан зүйлд хязгааргүй баярласан юм. Тэр бол аавыгаа үзэж, айдсаас ангижирсан минь.

Гүн шөнө “Миний хүү аавыгаа их хүлээв үү” гээд оддын дор сунайсан аавынхаа энгэрт би асаад чимээгүй мэгшсэн минь юу, юунаас илүү амттай нулимс байсан билээ. Аав бид хоёрын баяртай уулзсаныг тэмдэглэх шинэ өглөө эхлэхэд дахиад таван цаг дутуу байсан даа, тэгэхэд. Энэ явдлаас хойш хорин жилийн дараа би хамгийн сүүлчийн удаа айсан юм. Аав маань эдгэхийн аргагүй өвчинд нэрвэгдсэнийг бид мэдэж байв. Өвчнийхөө урхагшлаас хөлний нь эд эс гэмтсэн аав хэвтэрт ороод удлаа. Түүний бие бүхэлдээ өвчинд нэрмэгдэж тарчлан зовж байв. Тавьхан насны босго шүргэж яваа аавын маань нүд, сэтгэл хоёр тэр бүх зовлонгийн өмнө сөгдөөгүй билээ. Амьдралд үлдэх гэж зүтгэсэн шаналант тавь дахь хоногийнхоо орой намайг дуудлаа. Сайхан хар нүднээс нь өөр зүйл аавд маань үлдсэнгүй. Надад хэллээ, “Аав нь тавин жил амьдарлаа. Зууны тал шүү дээ, хүү минь. Сайхан насаллаа. Хүний жам ёс доо. Аавынх нь явах цаг болж. Ээж, дүү нарыгаа чи харж явах үүрэгтэй” гэж хэлээд уйлахгүй байхыг зөвлөж билээ. Өглөөн нар мандаж байхад аав үүрд унтлаа. Зовж, шаналсан өдрүүдэд нэг ч удаа ёолоогүй аавынхаа хөрөн буй цогцсын дэргэд магнайг нь түшиж зогсохдоо би сүүлчийн айдсаа гээсэн юм. Аавыгаа алдахгүй юмсан гэсэн айдас тийн бүрмөсөн сарнисан. Зовлонг даван туулах хатуужил хүний ноён нурууг илчилдэг гэдэг. Аав минь зовлонгийн өмнө сөхрөлгүй, бусдыг өөртэйгөө нийтгэж шархируулалгүй явж одсоон. Ингээд амьдрал дээр би ээж, дүү нартайгаа үлдсэн юм. Одоо надад айх шалтгаан, эмээх зовлон байхгүй гэж боддог. Тийн хэцүүг туулсан болохоор гагцхүү сайхан амьдрал л намайг хүлээж байгаа гэж итгэдэг. “Амьдралдаа” хэмээн эхэнд өчсөний тухайд бол би үнэндээ хэнз, нялх. Гэхдээ амьдралын, айдсын өмнө нас хэнздэх шалтаг байх ёсгүй санагдана. Аав маань надаас явсаар, аавыгаа мөнхөд үдсэнээс хойш хоёр дахь намрын хяруу Алтайн хярд цантаж байнам. Бас миний амьдралын ухаарлын хоёр дахь намрын бороо над дээр төрсөн өдрөөр минь оров. Хэзээ ч ирэхгүйг нь мэдсээр хүлээдэг аавыгаа зүүдэндээ үздэг сэтгэлийг минь аргадаж, бөөцийлснийх болов уу. Орчлон дээр амьд явсан аавыгаа тэнгэрт хальсны нь дараа зүүдээ манаж уулзах л тавилан ноогддог юм байна, бидэнд. Аавыгаа амьдад нь үнсүүлж яв, үнсч яв та нар минь. Хамтдаа авахуулсан нэг сайхан зураг бий сэн билүү гэж санацгаагаарай. Байдаггүй л юм билээ шүү.



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

1 сэтгэгдэлСэтгэгдэл бичих

122.201.22.61ХҮҮ НЬ   • 2017, 8 сарын 8. 12 цаг 22 минут

САЙХАН БИЧЖЭЭ , ХААЯА НУЛИМАС ГАРГАХ Ч ЗҮГЭЭР ЮМ ЯГ ОДОО БИ УЙЛЖ БАЙНА

ULS.MN © 2018 он. Зохиогчийн эрх хуулиар хамгаалагдсан.