Шинэ мэдээ

Мэдэгдэл7 сар 10. 13:29Барилгын салбарын мэргэжлийн ур чадвамжийн гэрчилгээг 83 иргэн гардан авлаа7 сар 10. 10:15Сирийн асуудлаарх ОХУ-ын тогтоолыг НҮБ-ын АЗ дэмжсэнгүй7 сар 10. 9:37АНУ-ын эрх баригчид сүүлийн 15 жилд анх удаа цаазын ялыг гүйцэтгэнэ7 сар 10. 9:37Т.Гантөмөр: Ариутгал халдваргүйжүүлэлтийг тусгай зөвшөөрөлтэй 37 аж ахуйн нэгжүүд гүйцэтгэж байна7 сар 9. 11:41Үүссэн нөхцөл байдалд шуурхай арга хэмжээ авч, хэвийн болголоо7 сар 8. 12:29Японд ширүүн борооны улмаас нүүх зөвлөмж авсан хүний тоо нэмэгджээ7 сар 8. 9:39БНАСАУ хилийн хяналтаа чангатгаж байна7 сар 8. 9:38Ерөнхий сайд эмэгтэйчүүдийн квотод анхаараасай...7 сар 7. 12:24Усархаг борооны улмаас далангийн хавтан сууж газар цөмрөлт өгчээ7 сар 7. 11:29Ираны цөмийн объектод гарсан осолд Израил улс холбоотой байж магадгүй байна7 сар 7. 9:41Хонконгт дотооддоо халдварласан тохиолдол бүртгэгджээ7 сар 7. 9:28БНАСАУ-ын дипломат: АНУ-тай хэлэлцээ хийх шаардлага байхгүй7 сар 6. 9:33Ж.Болсонару амны хаалт заавал зүүх тухай хуулийн зарим заалтад хориг тавьжээ7 сар 4. 11:39Ким Жөн Ун намын дээд байгууллагыг хуралдуулжээ7 сар 4. 10:52Дэлхий даяар “COVID-19”-ийн 141 вакцин боловсруулж байна7 сар 3. 9:55Хятадын компаниудын эсрэг үйлдлүүдээ нэн даруй залруулна гэж найдаж байна7 сар 3. 9:45Канад, АНУ, Мексик шинэ журмаар худалдаа хийж эхэллээ7 сар 2. 9:34БНСУ худалдааны маргааны асуудлаар Японтой хэлэлцээ хийхэд бэлэн байна7 сар 2. 9:22Хонконгийн үндэсний аюулгүй байдлын тухай хуулийг 52 улс сайшаан хүлээн авчээ7 сар 1. 11:51АНУ-д халдварын тохиолдлын тоо өдөрт 100 мянгаар нэмэгдэж болзошгүй7 сар 1. 9:52Шархад дэд төвийн бүтээн байгуулалтын ажилд "Хамтран ажиллах гэрээ" байгууллаа5 сар 25. 11:44БНСУ-ын компаниудын 30 орчим хувь нь ажилтнуудаа цомхотгож магадгүй5 сар 19. 9:45Шинэ Зеландын хүн ам таван саяд хүрчээ5 сар 19. 9:45Японы ДНБ 3.4 хувиар бууржээ5 сар 18. 14:05Энэтхэгт хөл хориог сунгалаа5 сар 18. 10:06М.Энхболд: Намын бодлого шийдвэрийн дагуу УИХ-ын сонгуульд нэр дэвших боломж олдсонгүй5 сар 18. 9:36Румынд коронавирусний улмаас тогтоосон хязгаарлалтыг эсэргүүцсэн жагсаал болжээ5 сар 18. 9:32Италийн эрх баригчид ирэх сард хилээ нээнэ5 сар 17. 11:34АНУ-ын Конгрессын гишүүдэд алсаас саналаа өгөхийг зөвшөөрсөн хуулийн төслийг баталжээ5 сар 17. 11:33

Ерөнхийлөгч “Сентера гоулд”-ын татвараар алдааны тооллоо эхлүүлэв

/8-р сарын 7/  -  9 цаг 24 минут

Шинэ Ерөнхийлөгч маань ажлаа аваад удаагүй  ч “Сентера гоулд”-ыг анхааралдаа авав. Үнэндээ “Сентера гоулд”-тай хариуцлага, хэм хэмжээ ярих ёстой юу гэвэл тийм. Бусдаас хол давсан эрх дархыг нь эргэн харах цаг болсон уу гэвэл болсон.  Энэ нэр монголчуудын хувьд сайн саар аль ч талаараа танил.  Бороо, одоо Ноён уулын алтны орд Канадын хөрөнгө оруулагч энэ компанийн нэртэй хамт яригддаг.

Сайн талаасаа гэвэл хөдөөгийн зарим сумдад эмнэлгийн машин, тоног төхөөрөмж өгсөн, Нийслэлийн нэгдүгээр амаржих газрын /Өргөө/ 7,2 тэрбум төгрөгийн өртөг бүхий өргөтгөлийн газрыг байрьж байгуулсан, Сэлэнгэ аймгийн Мандал суманд хамгийн орчин үеийн тоноглол бүхий спортын ордон барихад хөрөнгө мөнгө гаргасан гэхчлэн яригддаг. Сэлэнгэ аймгийн Мандал сумын Замсаг дарга асан  Б.Цээпилдорж: “Манай сум жилд хоёр тэрбум төгрөг босгодог. Үүнээс 300 орчим сая төгрөгийг нь “Бороо гоулд” компани орон нутгийг дэмжиж өгдөг” гэж нэгэн ярилцлагадаа онцолж байсан удаатай. Түүнчлэн Монгол улсын шилдэг татвар төлөгч болж байсан удаа ч бий.  

Саар талаасаа гэвэл мөн л татвартай холбоотой маргаан, таагүй  мэдээлэл явдаг нь үнэн.  Яг үнэндээ бол энэ компанийг тэд биш бид өөрсдөө анхнаас нь “эрхлүүлчихсэн” юм билээ. Тодруулбал, анх 1998 онд Засгийн газартай тогтвортой байдлын гэрээ байгуулсан энэ компани эхний гурван жилд аж ахуйн нэгжийн албан татвараас 100 хувь, дараагийн гурван жилд 50 хувь чөлөөлөгдөж, импорт, экспортын гаалийн татвараа тэглүүлж, дотоодод борлуулсан болон импортын барааны НӨАТ-ыг 10 хувиар төлж байж.

Мөнөөх хариуцлагын тухай асуудал маань ганцхан тоон дээр очоод бүдэрч үнэ цэнэ, үүрэг зорилгоо биелүүлж чадахгүйд хүрч байна гэсэн үг.

Хожим нь 2000 онд хийсэн нэмэлт өөрчлөлтөөр дээрх хөнгөлөлтийг дахин эдлэхээр болсон түүх намтар бий.  Өөрөөр хэлбэл Монголын төр л тэдний толгойг илж байсан хэрэг.  За, энэ бүхэн ч яахав. Тусдаа асуудал. Харин Ерөнхийлөгчийн дээрх 36 сая төгрөгийн татварын асуудлыг энэ удаад тодотгох гэж зорьсон юм.

...Монгол Улсын Ерөнхийлөгч Х.Баттулга хэдхэн хоногийн өмнө "Сентера гоулд улсад 36 саяын татвар л төлсөн. Үүнийг нягталж шалгах хэрэгтэй”-г хууль хяналтын байгууллагын удирдлагуудад сануулсан билээ. Энэ сануулгыг буруутгах гэсэнгүй. Яагаад гэвэл  зорилго хандлага нь зөв учраас. Хол ойрын хэн ч бай, Монгол газар шороон дээр усыг нь уувал ёсыг нь дагах ёстой. Товчхондоо хууль журмыг нь сахих үүрэгтэй. Энэ хүрээнд л асуудалд хандсан хэрэг.  Гэхдээ харамсалтай нь 36 сая гэдэг бол дэндүү хариуцлаггүй тоо баримт болж, Ерөнхийлөгчийн алдааны тооллыг эхлүүллээ. Ерөнхийлөгчийн үг үйлдэл гэдэг бидний төсөөлдөгөөс өөр. Үнэн зөв, цэгц, хөдөлшгүй баримт дээр тулгуурлаж байх учиртай. Тийм болохоор цээжин бангаар асуудалд хандаж, санаандгүй унагасан үг эргээд эзнээ муухай харагдуулдаг гэмтэй. Ерөнхийлөгчийн 36 сая дээр дөрөөлж цахим орчныг сайн саар үгээр дүүргэж л байна.    

Ингэхээр энэ тоо баримтыг хэн хаанаас гаргаж Ерөнхийлөгчид өгөв гэдэгт анхаарал хандуулах ёстой. Монгол төрийн тэргүүнийг мэдээллээр хангаж, үүрэг хүлээж эрх эдэлж Тамгын газарт нь  ажиллаж байгаа тэр хэн нэг хүний хариуцлага энд эн түрүүнд яригдах учиртай. Төрийн тэргүүний үг гэдэг нэг тоо, нэг таслалаар нарийвчлагдаж байдгийг мэдэхгүй хүн л ингэж асуудалд таамгаар хандсан хэрэг байх.

Мөнөөх ердөө 36 сая төгрөгийн татвар төлсөн гээд байгаа  “Сентера гоулд” компани гэхэд  2011 онд гэхэд л шилдэг татвар төлөгчөөр шалгарч байжээ. Тухайн жилд гэхэд л 4,1 тэрбум төгрөгийн татвар төлсөн бол  2015 оны байдлаар 36 тэрбум төгрөгийн татвар төлсөн гэх мэдээлэл байгаа юм.  

Ийм байсаар байтал 36 сая төгрөгийн татвар төлсөн гэх мэдээллээр Ерөнхийлөгчийг хангана гэдэг бол төрийн тэргүүний хийж буй ажлын зөв эхлэл хандлагыг буруу тоо баримтаар баллуурдаж байгаа хэрэг.  Одоо тус компанийхан хариуцлага ярихын оронд “үгүй бид жилд багадаа төдөн тэрбумын татвар төлсөн байхад та худлаа тоо баримтаар компанийн нэр хүндийг дотоод гадаадгүй унагалаа” гэхчлэн эргээд бухвал яах билээ.

Мөнөөх хариуцлагын тухай асуудал маань ганцхан тоон дээр очоод бүдэрч үнэ цэнэ, үүрэг зорилгоо биелүүлж чадахгүйд хүрч байна гэсэн үг. Нөгөө талаасаа шинэ Ерөнхийлөгчийн нэр хүндэд ч гэсэн сөргөөр нөлөөлж таарна.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2020 он. Зохиогчийн эрх хуулиар хамгаалагдсан.