Шинэ мэдээ

Айл бүрт заавал байх хэрэгцээтэй олон үйлдэлт аяны “Эко мешок”-ыг тусгайлан Монголд үйлдвэрлэв1 сар 14. 18:40Ковид ба кибер аюулгүй байдал1 сар 14. 18:25“Korea Grand Sale 2021”: Нэгдүгээр сарын 14-нөөс 46 хоногийн турш онлайнаар зохион байгуулагдана1 сар 12. 11:51"Ноён Бондгор"-ын дууг ам барьж дуулж уралдаанд оролцжээ1 сар 10. 13:57“Gobi challenge-2020” олон өдрийн ТЭМЭЭН АЯЛАЛ өндөрлөлөө1 сар 8. 13:37О.Амартүвшин төрөөс дээгүүр загнаж, самарчдыг дээрэмдэж байна1 сар 8. 13:03Самрын бизнесд сан байгуулж “самрах” шийдвэрийг МХАҮТ гаргажээ1 сар 7. 13:08МҮХАҮТ “Гарал үүслийн гэрчилгээ” зараад байна уу, Сан байгуулж дээрэм хийх үү?1 сар 7. 11:54“Gobi challenge-2020” олон өдрийн тэмээн аялал үзэгчдийн хүртээл болно1 сар 5. 13:35Хүүхдийн төлөө фонд1 сар 5. 11:51Ноён Бондгорын 200 саяын уралдаанд 1000 гаруй хүн бичлэг илгээжээ2020, 12 сар 30. 10:37Ил захидал2020, 12 сар 25. 16:24Төрийн тусгай албан хаагчдын нэгдсэн эмнэлэг эмч, ажилчдынхаа дунд "ТӨСЛИЙН УРАЛДААН” зохион байгууллаа2020, 12 сар 25. 11:39Д.Баярмандах: БНСУ дахь иргэдийнхээ нийгмийн баталгааг ханган ажиллаж байна2020, 12 сар 24. 13:39Дуугаа дуулаад байртай болоорой!2020, 12 сар 24. 12:18Талархлаа илэрхийлж гэрлэн дохио нь эмч, цагдаагийн дүрсээр асдаг болжээ2020, 12 сар 23. 16:12ХӨСҮТ-ийн албан хаагчдад эрүүл мэндийн бүтээгдэхүүн хандивлалаа2020, 12 сар 14. 16:43Баянгол дүүргийн ИТХ-ын ээлжит хуралдаан боллоо2020, 12 сар 8. 14:15Д.Наратуяа: ЭМЯ хууль зөрчсөн болон үйлдвэрийн үнээс өндөр үнээр худалдан авалт хийгээгүй гэдгийг албан ёсоор мэдэгдье2020, 12 сар 8. 14:09"Номин"-гийн Баярсайхан, буурал А.Гансүх нарын хоршил ЭРЭЛ-ийн Эрдэнэбатыг дээрэмдэх ажиллагаа2020, 12 сар 7. 9:44"Чингис хаан" музейгээр улс төр хийх цаг нь биш, УИХ-ын гишүүдээ2020, 12 сар 2. 14:44Засаг даргад хууль бус нөхөр зүтгэх нь цагийн гарз2020, 11 сар 28. 13:37МУИС-ын ХЗС-ийн оюутнууд “Өгөх нь Авахаасаа ерөөлтэй” сайн үйлсийн аян өрнүүлж СХД-ийн ОК-д гардуулан өгчээ2020, 11 сар 27. 15:33Хүнс тэжээлийн дутагдалтай байгаа 1000 өрхөд хүнсний багцыг хүргэж байна2020, 11 сар 20. 13:19Ж. Шижир: Дэлхийд гарах Монгол системийг хөгжүүлж байна2020, 11 сар 20. 11:43Улаанбаатарыг Ухань болгохгүй гэвэл хатуу дэглэмээ л мөрд2020, 11 сар 19. 14:29Монгол улс, БНХАУ-тай хил хязгаарын маргаантай асуудал байхгүй2020, 11 сар 18. 13:22Хайртай, дотны хүмүүсийнхээ төлөө гэртээ байхыг уриалж байна2020, 11 сар 18. 13:16С.Баяр улс төрд ирсэн шиг ирж, явсан шиг явж чадсан2020, 11 сар 16. 14:22Э.Халиун: Бие биесээ дэмжин ажиллаж хэцүү цагийг хамтдаа туулах уриалга гаргаж байна2020, 11 сар 14. 17:37

Тавхан үгэндээ танигдаад байна аа гэдэг шиг...

/5-р сарын 31/  -  11 цаг 18 минут

Монголчууд Ерөнхийлөгчид нэр дэвшигчдээ сорьж сонжиж байна. Уул шугамандаа гурван нэр дэвшигч маань бүгд хуучин танилууд. Гэхдээ тэдний мөн чанар, дотод сэтгэл рүү нь өнгийж үзсэн, бүрэн гүйцэд танин мэдсэн гэвэл худал болно.  Тэдний тухай сайн саарын аль алинаар нь ярьж байна. Энэ ч зүй байх, хүн л юм чинь алдаа онооны аль аль нь байгаа. Тэгээд ч арван хуруу тэгш хүн гэж хаана байгаа билээ. Хамгийн гол нь нэр дэвшигчдийн тухай хэн нэг хөндлөнгийн хүний амаар бус харин өөрсдийнх нь хэлсэн үг, үйл хандлагаар тодотгож харах нь үнэнд илүү ойр болно.

Энэ удаагийн нэр дэвшигчдээс хоёр нь сонгуулийн гараагаа гартаа ташуур барьж эхлэв.С.Ганбаатар телевизийн нэвтрүүлэгт орох үеэрээ ханцуйнаасаа жижиг ташуур цухуйлгаж, “энэ бол  мөнх тэнгэрийн ташуур” хэмээн тодотгож байсан.

Харин Х.Баттулга СЕХ-оос нэр дэвшигчийн үнэмлэхээ гардаж аваад дэмжигчдийнхээ хамт гарч ирэхдээ гартаа урт тэнзэн ташуур барьчихсан яваа харагдсан. Ямар утга учиртай юм бүү мэд, бодвол нэг дом, зан үйл итгэл үнэмшил байдаг л байлгүй дээ. Харин цахим ертөнцөөр “Сонгууль болтол өөрийгөө ташуурдах юм гэнэ. Сонгуулиас хойш ард түмнээ ташуурдах гэнэ лээ” гэхчлэн цуурч байна. Монголчууд ташуураа бариад дэлхийн дайдыг эзэлж явсан гэж ярьдаг.  Энэ талаас нь харвал зэвсгийн чанартай байсан ч юм шиг. Хэн юугаа итгэл үнэмшил болгох нь өөрийн хэрэг гэлээ ч Монгол төрийн тэргүүнд нэр дэвшигчдийн хувьд ташуур барьчихаад таахалзаж байх, эсвэл түүнийгээ тэнгэрийн ташуур хэмээн цэнхэр дэлгэцээр яриад сууж байх нь эрүүл саруул сэтгэхүй гэж харахад нэг л учир дутагдалтай мэт. Мөнөөх оюунлаг, сэхээтэнлэг, эрхэмсэг байдал хаана байна вэ."Фортуна"-гийн  тэнгэртэй холбогддогоос дээрдэх юм огтхон ч алга. 

Нэр дэвшигч Х.Баттулга  сүүлийн үед нэг зүйлийг хэдэнтээ давтав. Тэрбээр энэ сарын 6-ны өдөр намынхаа YIII Их хурал дээр нэр дэвшигчийн хувиар хэлсэн үгэндээ “Мөнгө дийлэх үү, монголчууд дийлэх үү гэдгийг одоо цөмөөрөө үзэцгээе. Би шийдвэрлэх тулаанд та бүхэнтэйгээ ороход бэлэн. Бид хамтдаа ялна аа” хэмээсэн бол нэр дэвшигчийн үнэмлэхээ гардсаны дараа товч үг хэлэхдээ “Хүч тэнцвэргүй тулаан болно. Бидэнд эрх мэдэл, хөрөнгө мөнгө, гадаадын зөвлөхүүд бүгд байхгүй ч эгэл монголчууд, ардчилагчид байна. Тиймээс энэ сонгуульд бид ялна, монголчууд, Монгол ялна” гэв. Энд ялалт ялагдал, тулааны тухай яриад байна. Хэрэв мань эрийн үгийг шууд утгаар нь ойлговол мөнгө, монголчууд хоёр хоорондоо дайтаж байгаа юм байна. Удахгүй шийдвэрлэх тулаанд орох юм байна. Ингэж л бууна. Нөгөө талаасаа ард түмнээ мөнгөөр саналаа худалдана гэсэн далд басамжлал яваад байгаа ч юм шиг. Хэн мөнгө тараах гэж байгаа юм бүү мэд. Хэлэмгий хүн дадамгай гэдэг шиг мань эр арай өөрөө мөнгө төгрөг төлөвлөөд сууж байгаагүй байлтай сан. Ерөнхийлөгчид нэр дэвшүүлэх АН-ын дотоод сунгаагаар мөнгө бороо шиг асгарсан тухай ил цагаандаа гартал яригдсан. Тэгэхээр түүнийгээ санагалзаад байгаа юм уу гэмээр ч юм шиг. Мөнгө өгвөл авна шүү, харин саналаа бол өөрийнхөө итгэл үнэмшлээр өгдөг болсон шүү дээ.

Сонгуулийг тулаан гэж харах ч хаашаа юм. Энэ бол ард иргэдийн сонголт үнэлэмжийн л асуудал, эрхээ хэрэгжүүлж буй хэлбэр.

Гараан дээр, том зорилгынхоо төлөөх эхлэлээ ийм ядруухан үг өгүүлбэрээр эхэлнэ гэдэг тийм ч сайн зүйл биш. Холыг харж, ойрыг төлөвлөж, бодлого ярих ёстой бус уу. Тэрбээр “Би ялвал Монгол ялна” гэсэн үгийг энд тэнд давтаж явна. Ингэхээр Х.Баттулгын төлөө саналаа өгсөн тохиолдолд монголчууд ялж байгаа нь тэр юм байна. Харин М.Энхболд эсвэл С.Ганбаатар нарыг дэмжвэл ялагдлынхаа төлөө  саналаа өгч байгаа төдийгүй Монгол тэр чигээрээ ялагдах гэнэ.  Хувь хүний сонголтыг ялалт ялагдал гэж харвал эндүүрэл болно. Бид сонгуульд оролцож байгаа болохоор ялагдал ялалтын тухай ойлголт, хамаарал сонгогч иргэдийн хувьд огтхон ч байхгүй. Нэр дэвшигч М.Энхболд, Х.Баттулга, С.Ганбаатар гурвын дунд л ялалт ялагдал гэж бий. Монгол төрийн тэргүүнд нэр дэвшиж буй хүн ийм ядруухан, логик муутай юм яриад явбал иргэдийнхээ саналыг үргээхээс хэтрэхгүй. Ардын дуунд гардагчлан “Тавхан үгэндээ танигдаад байна” гэдэг шиг л юм болно шүү дээ.  Тэгээд ч бид ялагдахгүй гээд Х.Баттулгын төлөө саналаа өгөх хүн хэр олон байхыг бурхан ч таашгүй. Ард түмэн ганц Баттулгыг дэмжинэ гэвэл түүн шиг худал үгүй. Хэнийгээ сонгох нь тухайн хүний халдашгүй эрх. Ард түмэн байтугай ардчилагчид, намынх нь томоохон лидерүүд ч дэмжихгүй байгаа нь ил харагдаж байгаа шүү дээ.

Тэрбээр үнэмлэхээ гардаж аваад талархал илэрхийлж хэлсэн үгэндээ  “Өнөөдөр үнэмлэхээ хүлээж авлаа. Монгол Улс 30 хүрэхгүй гэр бүлийн төлөө юу, гурван сая монголчуудын төлөө юу” гэдэг шийдвэрийг гаргахад сар хүрэхгүй хугацаа үлдээд байна” гэж хэлсэн нь олон хүнийг мэл гайхаж цэл хөхрөхөд хүргэв. Төрт улсынхаа тэргүүнийг сонгох гэж байгаа гэсэн итгэл ойлголттой яваа хүмүүст энэ үг эргэлзээ төрүүлэхгүй гээд яах билээ.  Ерөнхийлөгчийн сонгууль яахаараа  30 хүрэхгүй гэр бүлийн төлөө сонголт хийх хувилбар болгочихсон тууж явдаг билээ. Хаанаас ийм гаргалгаа хийчихсэн, түүнийгээ нийгэмд зарлаж тунхаглаад яваа юм бүү мэд.

Нэр дэвшигч маань “Хүч тэнцвэргүй тулаан болно” гэдгийг  нэг бус удаа хэлжээ. Сонгуулийг тулаан гэж харах ч хаашаа юм. Энэ бол ард иргэдийн сонголт үнэлэмжийн л асуудал, эрхээ хэрэгжүүлж буй хэлбэр. Түүний ойлгож, хэлж байгаагаар нөгөө “дайсан”-ы тал үлэмж хүчтэй бол өөрийнх нь тал гар хоосон галын шугаманд орж байгаа бололтой юм. Юуны учир ингэж хүч тэнцвэргүй тулаан гээд дахин дахин сануулж хэлээд байгаа юм бэ. Арай ялагдахаа урьдчилан харж зөгнөөд байгаагүй байлтай сан.  Аль эсвэл хожим хойно ялагдлаа гэж муугаар бодоход эртээс хаяагаа манаж, хүч тэнцвэргүй байдлаас болж ялагдлаа гэсэн бэлээхэн буруутантай байх гээд байгаа юм уу.  

М.Нэргүй

 

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.