Шинэ мэдээ

"Аваргуудын нэрэмжит бөхийн барилдаан" маргааш Төв цэнгэлдэхэд болно5 сар 26. 13:10Д.Песков: Хамгийн шилдэг дэлхийн аварга шалгаруулах тэмцээн байх болно5 сар 26. 11:56Дэлхийн хөл бөмбөгийн холбооны ерөнхийлөгчид5 сар 23. 15:29Хятад улс импортын автомашины гаалийн татварыг бууруулна5 сар 23. 15:27ИНЕГ, МИАТ-ын дарга нар хүчингүй болсон тамга тэмдэг ашигласан хүмүүстэй нийлж үйл ажиллагаа зохион байгуулах гэж байна5 сар 23. 11:07П.Эрдэнэбилэг: Улсын хэмжээнд ХҮРЭЭЛЭН БУЙ ОРЧНЫ ЭСРЭГ гэмт хэрэгтэй тэмцэх нэгдсэн арга хэмжээг зохион байгуулж байна5 сар 23. 10:33Цагаан ордон: Д.Трамп, Ким Жөн Ун нарын уулзалт болох төлөвтэй хэвээр байна5 сар 21. 10:46Маурис Слапак: Монгол эмч нарын хүнээ гэсэн сэтгэл, хариуцлагатай чанар нь сэтгэгдэл төрүүлсэн5 сар 21. 10:09Венесуэлийн ерөнхийлөгчийн сонгуульд дөрвөн нэр дэвшигч өрсөлджээ5 сар 21. 9:55АНУ болон Өмнөд Солонгос хамтарсан цэргийн сургуулилтаа зогсоожээ5 сар 21. 8:51ШХАБ-ын 3 дахь марафон гүйлт 12 дугаар сард болно5 сар 21. 8:49Японы Ерөнхий сайд Шинзо Абэ Орост айлчилна5 сар 20. 10:26Дуучин Ж.Леженд, К.Тейген нар 2 дахь хүүхдээ өлгийдөн авчээ5 сар 20. 10:25Тэргэнцэртэй иргэдээ дэмжих төрийн оролцоо5 сар 18. 17:31Израиль болон Палестин хоорондын сөргөлдөөнийг зохицуулах нөхцөлийг нэрлэжээ5 сар 18. 13:13АНУ-тай хийж буй цэргийн сургуулилтыг зогсоохыг Өмнөд Солонгосоос Умард Солонгос шаардав5 сар 18. 12:13Португалийн хөлбөмбөгийн шигшээ багийн бүрэлдэхүүнийг зарлалаа5 сар 18. 11:53Өмнөд Солонгост хлорын хий алдагдсаны улмаас 13 хүн эмнэлэгт хүргэгджээ5 сар 18. 11:51Орос бүсгүйчүүдийг хэрхэн найрахыг зөвлөсөн гарын авлага шуугиан тарьжээ5 сар 18. 11:44"Фэйсбүүк"-ийн тэргүүн Европын парламентын удирдагчдад тайлбар өгнө5 сар 17. 14:35Өмнөд Слонгос Умард Солонгостой үргэлжлүүлэн зөвлөлдөх хүсэлтэй байна5 сар 17. 14:33Малайзын Ерөнхий сайд асны гэрийг цагдаа нар нэгжжээ5 сар 17. 14:08Хамтран ажиллах тохиролцоонд хүрчээ5 сар 17. 14:06Ч.Бадрах: Миний үеийн шүүхийг одоогийнхтой харьцуулах юм биш5 сар 17. 12:15Донорын тухай ойлголт5 сар 17. 11:41Старбакс компани ирэх 5 жилд Хятадаас олж буй орлогоо хоёр дахин нэмэгдүүлнэ5 сар 17. 8:37Багш, оюутнууд 196 инчийн Лед дэлгэц угсарч ашиглалтад орууллаа5 сар 16. 12:01А.Сүхбат: 2002 оны Цэцдийн зөвлөл хууль бус учраас тэдний гаргасан шийдвэр хууль бус л болж таарна5 сар 16. 9:39БНАСАУ Өмнөд солонгостой хийхээр товлоод байсан хэлэлцээг цуцалж, АНУ-д анхааруулга өгөв5 сар 16. 8:21М.Батболд: Эмийн үнэ өндөр байгаа нь эрхтэн шилжүүлэн суулгуулсан хүмүүсийн гол бэрхшээл болдог5 сар 15. 14:43

Сайд гэх сүртэй нэртэй шүдгүй арслан

/4-р сарын 21/  -  10 цаг 39 минут


Сонгуулийн дараа УИХ-ын гишүүн Б.Бат-Эрдэнэ Батлан хамгаалахын сайдаар томилогдов. Тэр цэргийн хүн биш ч, цагдаагийн хурандаа. Ор энгийн нэгнээс дээр гэсэн санаа. Бас УИХ-д тав дараалан сонгогдсон учир бодлоготон байж чадах магадлал нь илүү байсан биз. Түүнээс бус, Батлан хамгаалахын сайд гэхээр л 15 км-ийн маршт байлдагчдынхаа өмнө гүйж чадах, бай руу гурав буудахад гурвууланд нь 10 дээр онож байх супер офицер байх албагүй. Тэгээд ч Зэвсэгт хүчний ерөнхий командлагч болохоор Монгол Улсын Ерөнхийлөгчид өрсөлдөж бүх ард түмнээс 40 гаруй хувийн санал авч байсан хүн энэ салбарын сайд болоход харшлах шалтаг, шалтгаан өөр юу байх билээ.

Гэвч саяхан энэ салбарт, энх цагт цэргийн хоёр алба хаагч сургуулилтын үеэр амь насаа алдсан харамсалтай хэрэг гарав. Хүний амь нас, ид жагссан идэрхэн хоёр эрийн амь нас, ард үлдсэн амьдрал юутай ч зүйрлүүлж, дүйцүүлж үл болох үнэ цэнэтэй. Тийм учраас олон хүн энэ харамсалтай хэргийн буруутны эрэлд гарлаа. Олны ийм нэхэл дор буруутан хуулийн хүрээнд хариуцлагаа хүлээх нь шударга ёс. Хамгийн гол нь хэрвээ буруутныг хайж, бас шударга ёсыг нэхэж байгаа бол түүнийгээ л олох ёстой. Зарим хүн амраар нь, ил харагдаж байгаагаар нь салбарын оройд байгаа сайд хариуцлага хүлээх ёстой гэж үзэв. Сөрөг хүчин ч улс төр хийх шалтаг болгож түүнийг онилов. Одоо хоёр сонголт байна. Нэгд, энэ харамсалтай хэрэгт шууд хамаарах буруутай этгээдийг үнэнээр нь олж, хариуцлага хүлээлгэх. Тэр нь сайд, Жанжин штабын дарга, ангийн захирагч, ер нь хэн ч байж болно. Хамгийн гол нь буруутай, хариуцлага хүлээх ёстой эзнийг нь онож олох. Ингэж чадвал шударга ёс ялна. Хоёрт, салбар тэргүүлж байгаа гэдгээр нь шууд сайдыг буруутгаж, түүнд улс төрийн хариуцлага тооцох. Гэтэл үүний цаана ажил хариуцсан жинхэнэ буруутан нь, хариуцлага алдсан нь нуугдаад үлдвэл яах вэ. Энэ шударга ёс ялахгүй. Харин сөрөг хүчин болох цөөн хэдэн хүний богино зайн улс төрийн эрх ашиг л хангагдана. Хэрвээ энэ салбарын оройд, хамгийн дээд эрэмбэд байгаа албан тушаалтан ёс зүйн хариуцлага хүлээх ёстой гэж үзвэл Зэвсэгт хүчний ерөнхий командлагч-Монгол Улсын Ерөнхийлөгч гэж нэгэн албан тушаалтан бас бий. Тэдний ёс зүйн хариуцлагын цаана ажил хариуцсан гол буруутан нь нуугдаад үлдэж болох уу, тийм боломж бий юү. Үүнд хэн хариулт өгөх вэ.

Хэрвээ, Батлан хамгаалахын сайд буруутанд хариуцлага хүлээлгэчлээ гэхэд эрх мэдлээ хэтрүүлж, хууль зөрчсөн хэрэгт унана.

Салбарын харилцааг зохицуулсан Зэвсэгт хүчний тухай, мөн Батлан хамгаалах тухай гэж хоёр хууль байна. Тэнд хуульчилснаар Зэвсэгт хүчний цэргийн дээд байгууллага нь Батлан хамгаалах яам биш, Зэвсэгт хүчний Жанжин штаб юм байна. Цэргийн удирдлагын энэ дээд байгууллагыг Батлан хамгаалахын сайд биш, Жанжин штабын дарга тэргүүлдэг. Эрх, үүргийг нь хөөвөл Батлан хамгаалхын сайдад нэг ч ангийн захирагчийг, бүр орлогчийг нь томилох эрхгүй, мөн цол олгуулах, хариуцлага алдсан нэгний цолыг хураах эрх мэдэл ч алга. Зөвхөн Батлан хамгаалахын ерөнхий хянан шалгагч, улсын байцаагчийг л томилох эрхтэй гэж заажээ. Цол олгох, хураах эрх мэдэл нь зөвхөн цэргийн дээд удирдлагадаа байдаг байна. Ер нь л Батлан хамгаалахын сайд гэх сүртэй нэртэй л болохоос томилгоо, санхүүгийн эрх мэдэлгүй, шүдгүй арслан мэт нэгэн Зэвсэгт хүчинд тавих иргэний хяналтыг хэрэгжүүлдэг юм байна. Ийм байхад цэргийн дээд удирдлагад шууд хамааралгүй сайдад улс төрийн хариуцлага тооцох, энэ салбарт ийм харамсалтай хэрэг ахин дахин гарахгүйн тулд ажил хариуцсан жинхэнэ буруутанд хариуцлага тооцох хоёрын аль нь чухал вэ. Энэ бол ардчилсан нийгмийн л сонголт. Гэхдээ ардчилсан нйигэмд бүх асуудал хуулийн хүрээнд явж, зөвхөн үнэн хийгээд шударга ёс ялж явах ёстой.



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2018 он. Зохиогчийн эрх хуулиар хамгаалагдсан.