Шинэ мэдээ

Хүүхдийн тээврийн хэрэгсэлд буруу тээвэрлэсний улмаас таван хүүхэд бэртжээ6 сар 27. 15:31Сонгуулийн өдөр согтуу 21 жолоочийг илрүүлэв6 сар 27. 15:29Хуурайшилт өндөр байгаа нь түймрийг унтраахад саад учруулж байна6 сар 27. 12:51Өвөө эмээ дээрээ очих гэж замын машинд андуурч суун осгож үхжээ6 сар 27. 12:47Ерөнхийлөгчийн нэр дахин санал хураалтаар тодорно6 сар 27. 12:46АНУ-ын дээд шүүх Д.Трампын хоргигийг хэсэгчлэн хэрэгжүүлэхийг зөвшөөрөв6 сар 27. 12:41Хятадад тарвасны халдварт өвчин тархлаа6 сар 27. 12:38Колумбын "Фарк" бүлэглэл зэвсгээ бүрэн хураалгажээ6 сар 27. 12:32СЕХ: Дахин санал хураалтыг долдугаар сарын 9-нд явуулна6 сар 27. 11:52Улирлын MVP тоглогчоор Р.Уэстбруук тодорлоо6 сар 27. 11:38Нийслэлд шүлхий өвчний вакцинжуулалт 78.7%-тай үргэлжилж байна6 сар 27. 11:35Г.Шийлэгдамбыг шүүх хурал ирэх сарын 6-нд болно6 сар 27. 11:19Аагим халуун өдрүүд үргэжлжилнэ6 сар 27. 11:18"Реал" Мессиг авахаар гурван удаа оролджээ6 сар 27. 11:07Франк де Бур шинэ гэрээ хийлээ6 сар 27. 11:05Х.Баттулга, М.Энхболд нар дахин санал хураалтад өрсөлдөхөөр боллоо6 сар 27. 11:00Зам тээврийн сайд асан А.Гансүхийг пүрэв гаригт шүүнэ6 сар 27. 10:58Шинэ Ерөнхийлөгч долдугаар сарын 10-нд тангараг өргөнө6 сар 27. 10:57СЕХ 11.30 цагт мэдээлэл хийнэ6 сар 27. 10:56Улаанбаатарт өдөртөө 32 хэм дулаан байна6 сар 27. 10:38ЦЕГ: Зарим нэг хүмүүс үймээн самуунд уруу татаж, төрийн байгууллагын эсрэг турхирч байна6 сар 26. 21:42Сонгуулийн ирц 17:00 цагийн байдлаар Улсын хэмжээнд 47,57 хувьтай байна6 сар 26. 18:19Боди бүсгүйчүүд /фото/6 сар 26. 17:59Д.Хадбаатар аваргад тохиолдсон хөгтэй явдлууд6 сар 26. 17:23Улаанбаатарт шөнөдөө 20 хэм дулаан байна6 сар 26. 17:07Санал хураалтын эцсийн дүнг дэлгэцээр шууд дамжуулан харуулна6 сар 26. 17:00Хурууны хээ уншуулаад тэмдэглэгээ хийж байгаа учраас дахин санал өгөх боломжгүй6 сар 26. 14:59Олимпийн аварга Н.Түвшинбаяр намынхаа нөхдийг зодож, биед нь гэмтэл учруулжээ6 сар 26. 14:30СЕХ: 12.00 цагийн байдлаар ирц 21.3 хувьтай байна6 сар 26. 13:50Саналын хуудас ямар тохиолдолд хүчингүй болох вэ6 сар 26. 13:41

УИХ: Прокурорын байгууллага бол зөвхөн яллах бус цагаатгадаг байгууллага

/4-р сарын 21/  -  9 цаг 03 минут

Өчигдөр үдээс өмнө УИХ-ын чуулганы нэгдсэн хуралдаан Хөрөнгө оруулалтын банкны тухай хуулийн төслийг хэлэлцээд гишүүдийн 81.4 хувиар дэмжин анхны хэлэлцүүлэгт бэлтгүүлэхээр УИХ-ын Эдийн засгийн байнгын хороонд шилжүүлсэн. Энэ хууль батлагдснаараа  арилжааны банкуудаас олгож байгаа өндөр зээлийн хүү буурах, хязгааргүй ашиг олдог байдлыг хазаарлана гэж үзэх байгаа. Чуулганы нэгдсэн хуралдаан үдээс хойш 15.00 цагаас үргэлжлэн хуралдаж, Прокурорын тухай хуулийн хэлэлцэх эсэх асуудлыг хэлэлцэж 78 хувийн саналаар дэмжлээ.

Хуулийн төслийг боловсруулахдаа тус байгууллагын үйл ажиллагаанд мөрдлөг болгох зарчмууд нь хүний эрх, эрх чөлөөг хангахад суурилсан, хэрэгжихүйц байхаар, байгууллагын тогтолцоог хуульд заасан чиг үүргээ хэрэгжүүлэх нөхцөлийг бүрдүүлэхээр, түүнчлэн прокурорын зэрэг дэвийг албан тушаал, ажилласан жил, ур чадвараас хамаардаг байхаар тусгасан байна. Түүнчлэн улс орны эдийн засгийн нөхцөл байдалтай холбоотойгоор Сангийн сайдаас ирүүлсэн хүсэлтийг харгалзан прокурорын үйл ажиллагааны нийгэм, эдийн засгийн баталгааг сайжруулахаар тусгасан зохицуулалтыг хасаж, одоогийн хүчин төгөлдөр үйлчилж байгаа хуульд заасан түвшинд байхаар тусгажээ.

Хэлэлцүүлгийн үеэр УИХ-ын гишүүд дараах асуултьг хууль санаачлагч болон ажлын хэсгээс асууж хариулт авсан юм.

УИХ-ын гишүүн Б.Тогтохсүрэн: Прокурорын байгууллагын ажилтнуудын сонгон шалгаруулалтыг хэрхэн хуульд тусгаж өгсөн бэ. Зөрчлийн тухай хуулийн төсөлд зөрчлийг бүртгэх, холбогдох арга хэмжээг хянах хяналт нь прокурорт очиж байгаа.

 

УИХ-ын гишүүн, ХЗДХ-ийн сайд С.Бямбацогт: Хууль батлагдсанаар прокурорын байгууллагын орон тоонд томоохон өөрчлөлт орохгүй. Прокурорын байгууллагын албан хаагчдын нийгмийн асуудалд анхаарч хэд хэдэн асуудлыг тусгасан боловч эдийн засгийн өнөөдрийн байдалтай холбоотойгоор Засгийн газар дээр хасагдаж одоогийн нөхцөл байдлаас дордуулахгүй байхаар төсөлд тусгасан. Прокурор бол хэнээс ч хараат бус байхаар хуульд тусгасан.

УИХ-ын гишүүн О.Баасанхүү: Улстөрчид гэмт хэргийн шинж чанартай зүйл их ярьж байна. Ингээд ярьж байхад прокурор хараад хэрэг үүсгэж буруутныг тогтоогоод өгч болохгүй юу. Прокуроруудын хэлний асуудлыг хэрхэн шийдэж байна вэ.

 

УИХ-ын гишүүн, ХЗДХ-ийн сайд С.Бямбацогт: Үндсэн хуульд заасны дагуу буюу хэрэг бүртгэлт мөрдөн байцаалтад хяналт тавих үүрэгтэйгээр хуульд заасан. Төрийг төлөөлөх, нийтийн эрх ашгийг хамгаалах талаар прокурорын тухай хуульд нилээд тодорхой болгож оруулж ирж байгаа.

УИХ-ын гишүүн С.Чинзориг: Эрүүгийн хэргийн нилээдгүй хувь нь прокурорын шатанд хэрэгсэхгүй болдог вэ. Ял завших асуудал гаргадаг юм биш биз. Гянданд ял эдэлж байгаа хүн бусад руу мессеж бичдэг, холбоо харилцаатай байдаг байж. Прокурорын байгууллага хорих байгууллагад хяналт тавих боломжтой байдаг уу. Прокуроруудын нийгмийн хамгааллын асуудлыг дордуулж байгаа асуудал байхгүй биз дээ. 

ХЗДХЯ-ны ТНБД Г.Баясгалан: Нийт эрүүгийн хэрэг үүсгэсэн хэргийн 50 орчим хувийг прокурорын шатанд хэрэгсэхгүй болгож, 20 хувийг шүүхэд шилжүүлж байгаа. Нийгмийн баталгааны хувьд Засгийн газраас одоо байгаа нөхцөл байдлын хэмжээнд хэвээр үлдээж байгаа.

УИХ-ын гишүүн О.Батнасан: Мөрдөн байцаах алба прокурорын байгууллагад байсан нь дээр гэлцэх юм. Эрэн сурвалжлах нууц үйл ажиллагааны зохицуулалтыг хэр хийсэн бэ.  Цагдаагийн байгууллагад ажиллаж байсан боловсон хүчин бол прокурорын байгууллагын ажилтнаас өөр шалгууртай шүү.

Ажлын хэсэг: Эрүүгийн хэрэг үүссэн цагаас эхэлж хяналт тавьж байгаа.

УИХ-ын гишүүн Ө.Энхтүвшин: Прокурорын үүрэг хүний эрхийг хамгаалах талаасаа ямар байдаг юм бэ. Баянгол дүүргийн шүүхэд настай эмэгтэйд 5.1 жилийн ял өгөөд аваад явчихлаа. 3.6 жилийн ял анхан шатанд авсан хүнийг яг тэр зүйл заалтаар яллаад явуулчихлаа. Хонины мах авлигад авсан гээд 5.1 жилийн ял өгч байгаа чинь шударга уу?

Ажлын хэсэг: Прокурорын байгууллагын үйл ажиллагааны зарчмаас эхлээд өөрчлөлт орсон байна. Прокурор хүний эрх эрх чөлөөг хамгаалах нь гол үүрэг болсон байгаа. Прокурорын байгууллага бол зөвхөн яллах бус цагаатгадаг байгууллага.

УИХ-ын гишүүн Д.Лүндээжанцан: Прокурорын байгууллагад 8 удаа нэмэлт өөрчлөлт ороод өнөөдөр шинэчилсэн найруулга орж ирж байна. Прокурорын байгууллагын хийдэг ажил, тогтолцоо нэгэнт тогтчихсон. Прокурорын байгууллага ноён нуруутай шударга ажиллаж чадаж байгаа эсэхэд хүмүүс багагүй шүүмжлэлтэй хандаж байна. Прокурорын дэргэдэх мөрдөн шалгах байгууллага байх ёстой байгууллага гэж үздэг. Гэтэл АТГ-т шилжчихсэн. Энэ тогтолцоог эргэн бодох л ёстой асуудал.

Ажлын хэсэг: Дэгийг прокурорын тухай хуулиар явуулах ёстой гэж бид үзэж байна.

УИХ-ын гишүүн Ш.Раднаасэд: Прокурор шударга байж, хараат бусаар ажиллах нөхцлийг бүрдүүлнэ. Хуулийн дагуу ажиллаж чадахгүй бол сум дүүргийн прокурорыг ажлаас  нь чөлөөлдөг болох хэрэгтэй. Эрүүгийн хууль, Эрүүгийн байцаан шийтгэх хуультай холбоотой өөрчлөлт оруулах хэрэгтэй. Хуулийн төслийг бүхэлд нь дэмжиж байна.

УИХ-ын гишүүн Ө.Энхтүвшин: Хуулийн сайн муу эсэх эцсийн дүнд амьдралд бүрэн нийцэж байгаа эсэхээс л хамаарна. Прокурорын байгууллага шүүхийн өмнүүр ороод л телевизээр яриад байгаа байдал засагдах уу.

 

УИХ-ын гишүүн Д.Лүндээжанцан: Шүүхээс өмнөх шатанд прокурор яллах цагаатгах талыг яг тэнцвэртэй барих хэрэгтэй байна. Энэ бүхний учрыг олж хужрыг нь тунгаах хэрэгтэй.

 

 

 

П.Булган



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.