Шинэ мэдээ

Н.Алтанхуяг АТГ-т байцаагдаж байна2 сар 23. 13:31Жөн Намын үхэлтэй холбогдуулан Пхеньян анх удаа мэдэгдэл хийв2 сар 23. 13:30Хүүхдийн хүмүүжлийн аян нээлтээ хийлээ2 сар 23. 13:30Голомт банк болон Нэйшнл лайф даатгал хамтран ажиллах санамж бичиг байгууллаа2 сар 23. 13:00Өнөөдрөөс агаарын температур + хэмд шилжих төлөвтэй байна2 сар 23. 13:00Улсын Их Хурлын дарга М.Энхболд ахмадууддаа хүндэтгэл үзүүлэв2 сар 23. 12:36Ээлжит бус чуулган гуравдугаар сарын 6-нд хуралдана2 сар 23. 12:00“Оюутан цэрэг”-ийн бүртгэл ирэх сарын 9-нд дуусна2 сар 23. 11:48Архангайн бөхчүүд түрүү булаалдав2 сар 23. 11:40Дэлхийтэй төстэй долоон гарагийг олж илрүүлжээ2 сар 23. 11:33Ч.Санжаадамба аваргадаа сар шинийн мэнд хүргэе2 сар 23. 11:20Дэлхийгээр аялсан эмэгтэй Монголыг хамгийн сайхан орноор нэрлэв2 сар 23. 11:11Хишигдалай, Маралжингоо нар хэнэггүй байсан нь2 сар 23. 11:00Бүртгүүлж амжаагүй ахмадууд “Насны хишиг”-ээ нөхөж авна2 сар 23. 10:56“Universe Best Songs” шоуны өрөвдөм PR2 сар 23. 10:20Өндгийг шинээр нь хэрхэн хадгалах вэ2 сар 23. 10:00Г.Золбоот: МУГЖ цол хүртэх болсондоо баяртай байна2 сар 23. 9:50Б.Гарамгайбаатар, Н.Батбаяр нарыг цагдан хорьсон нь Хөгжлийн банкнаас зээл авсан эрхмүүдэд хатуухан сануулга болов2 сар 23. 9:42Д.БЯМБАСҮРЭН: Үндсэн хуулиа өөрчлөхөөр өнөөдрөөр биш, дэлхийг харах хэрэгтэй2 сар 23. 9:38“Оюутолгой”-н хөлд монгол компаниуд сөхөрсөөр байх уу?!2 сар 23. 9:36Н.Алтанхуягийн хүргэнд 5 тэрбумыг өгсөн Я.Батсуурийн балаг!2 сар 23. 9:35Туульч, Цуурч, Хөөмийч Э.Баатаржав: Монголын язгуур урлаг гэдэг бол зүгээр нэг гурван хүн сууж байгаад зохиолын дуу бичдэг шиг юм биш2 сар 23. 9:35Засгийн газар ээлжит бусаар хуралдаж магадгүй2 сар 23. 9:32Өнөөдөр болох үйл явдлууд2 сар 23. 9:32Монгол Улсад суугаа Элчин сайд, суурин төлөөлөгчдөд сар шинийн мэндчилгээ дэвшүүлэв2 сар 23. 9:30Хотын даргын бэлгийг уламжиллаа2 сар 23. 9:20Майкл Жексоны бага хүү 15 нас хүрлээ2 сар 23. 9:10Нара сонгуульд өмссөн алдарт хөх дээлээрээ сар шинээр гоёно2 сар 23. 9:00Ерөнхий сайд асан Н.Алтанхуяг 10.00 цагт байцаалт өгнө2 сар 23. 9:00Цагаан сар тойрсон бодол эргэцүүлэл2 сар 23. 8:50

Х.Энхжаргал: АТГ хүний нэр төрд халдахаас сэргийлж ажиллана

/1-р сарын 12/  -  13 цаг 30 минут

Авлигатай тэмцэх газар үүсэн байгуулагдсаны 10 жилийн ойгоо ажил хэрэгч, бүтээлч байдлаар тэмдэглэн өнгөрүүллээ. Энэ хүрээнд авлигатай үр дүнтэй тэмцэх чиглэлээр асуудал дэвшүүлэн, шийдвэрлэх арга замаа тодорхойлж, цаашид нийгмийн бүлгүүдтэй хамтран ажиллах зорилгоор 2017 оны 1 дүгээр сарын 11-ний өдөр Төрийн ордонд “Авлигын эсрэг үндэсний чуулган”-ыг зохион байгуулав.

Уг томоохон арга хэмжээнд Улсын Их Хурлын дарга М.Энхболд, Ерөнхий сайд Ж.Эрдэнэбат нар оролцсон бөгөөд Улсын Их Хурлын гишүүд, төрийн байгууллагын удирдах албан тушаалтнууд, иргэний нийгмийн болон хувийн хэвшил, хэвлэл мэдээллийн байгууллагын төлөөлөгчид хуран чуулж, авлигын сэдвээр тулгамдсан асуудал, бэрхшээл бүхнийг салбар тус бүрийн түвшинд хэлэлцэж, шийдвэрлэх арга замаа тодорхойлон ярилцав.

Улсын Их Хурлын дарга М.Энхболд “Авлигын эсрэг үндэсний чуулган”-ыг нээж хэлсэн үгэндээ “Авлигатай тэмцэх үндэсний хөтөлбөрийн хүрээнд холбогдох хууль тогтоомжийг батлахад Улсын Их Хурал санаачилгатай ажиллах ёстой. Тухайлбал, шүүх эрх мэдлийн байгууллагыг улс төрийн нам, бүлгээс хараат бус ажиллах, шүүгч, прокурорыг сонгон шалгаруулах, томилох үйл явцыг улс төрийн оролцоо, нөлөөллөөс ангид, шударга, ил тод явуулах чиглэлээр эрх зүйн зохицуулалтыг боловсронгуй болгох, картель, шударга бус өрсөлдөөнийг хязгаарласан эрх зүйн орчинг сайжруулах, хэвлэлийн эрх чөлөөг хамгаалах эрх зүйн орчинг бүрдүүлэх зэрэг хүнд ачааг Улсын Их Хурал нуруун дээрээ үүрэх болно. Харин энэ хөтөлбөрийн хэрэгжилтийг зохион байгуулах, байгууллагуудын үйл ажиллагааг уялдуулан зохицуулах чиг үүргээ Авлигатай тэмцэх газар үр дүнтэй сайн гүйцэтгэх хэрэгтэй” хэмээн онцлон тэмдэглэлээ.

Авлигатай тэмцэх газрын дарга, тэргүүн комиссар Х.Энхжаргал “Авлигын эсрэг үйл ажиллагаа: өнгөрсөн, одоо, ирээдүй” илтгэлдээ хэд хэдэн тоо баримт дурдсан нь чуулганд оролцогчдын сонирхлыг татаж байлаа. Тухайлбал, Авлигатай тэмцэх газар 10 жилийн хугацаанд хуульд заасан харьяаллын нийт 1,795 эрүүгийн хэрэгт мөрдөн байцаалтын ажиллагаа явуулсан бөгөөд гэмт хэргийн улмаас улсад 301.9 тэрбум төгрөгийн хохирол учирснаас мөрдөн байцаалтын шатанд 27 тэрбум төгрөгийн хохирлыг нөхөн төлүүлсэн, 114.1 тэрбум төгрөгийн эд зүйлийг битүүмжлэн хамгаалсан дүнтэй ажиллажээ. Нийт 537 этгээдэд холбогдох 187 хэргийг шүүхээр эцэслэн шийдвэрлэгдсэн талаар илтгэв. Тэрээр, төрийн албан хаагчдын хууль бус үйлдэл, хүнд суртал, авлига, ашиг сонирхлын зөрчлийг ил тод мэдээлэхийн тулд өөрсдөө хууль бус үйлчилгээнээс татгалзаж чаддаг үзлийг иргэдэд төлөвшүүлэх зорилгоор Авлигатай тэмцэх газрын дэргэд Олон нийтийн төвийг нээн ажиллуулах гэж байгаа тухай дурдаад “Бид авлига, албан тушаалын гэмт хэрэг, зөрчлийн талаар гомдол, мэдээллийг хүлээн аваад үнэн, худлыг тогтооход цаг хугацаа, бусад олон хүчин зүйл нөлөөлөхийг үл харгалзан шалгах хэдий ч хэн нэгний нэр хүндийг үндэслэлгүйгээр унагах, олон түмний сэтгэл зүйг төөрөгдүүлэхгүй байх үүднээс хууль зөрчсөн нь тогтоогдоогүй хүмүүсийн эсрэг сөрөг мэдээлэл тархан, нэр төрд нь халдахаас сэргийлж анхааралтай ажиллах болно” гэж цохон тэмдэглэв. Авлигатай тэмцэх асуудал ямагт нарийн төвөгтэй, үргэлж бэрхшээл, саадтай байгаа хэдий ч цаашдын ажлын үр дүн ард түмний хүсэл зориг, хүчин чармайлт, чин сэтгэл, шударга үйлдлээс хамаарах тул нэгэн итгэлээр хамт зүтгэцгээе хэмээн Авлигатай тэмцэх газрын дарга илтгэлийнхээ төгсгөлд уриаллаа.

"Авлигын эсрэг үндэсний чуулган"-ы нээлтэд ХБНГУ-аас Канад улсаас Монгол Улсад суугаа Онц бөгөөд Бүрэн эрхт Элчин сайд Стефан Дуппел, Канад улсаас Монгол Улсад суугаа Онц бөгөөд Бүрэн эрхт Элчин сайд Эйлко Жэйгэр нар оролцож, үг хэлсэн юм. Үндэсний чуулган нь “Авлигатай тэмцэх эрх зүйн орчин, шүүх эрх мэдлийн болон хууль сахиулах байгууллагуудын хамтын ажиллагаа”, “Төрийн байгууллагын ил тод, шударга, хариуцлагатай байдал”, “Хувийн хэвшил дэх авлигаас урьдчилан сэргийлэх асуудал”, “Авлигаас урьдчилан сэргийлэх үйл ажиллагаанд олон нийт, хэвлэл мэдээллийн болон төрийн бус байгууллагын оролцоо” гэсэн 4 салбар хуралдаанаар үргэлжиллээ. Салбар хуралдаануудыг Улсын Их Хурлын гишүүн У.Хүрэлсүх, Ш.Раднаасэд, Д.Сарангэрэл, Ц.Цогзолмаа нар даргалан явуулав. 

 
 

 



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.