Шинэ мэдээ

Н.Алтанхуяг АТГ-т байцаагдаж байна2 сар 23. 13:31Жөн Намын үхэлтэй холбогдуулан Пхеньян анх удаа мэдэгдэл хийв2 сар 23. 13:30Хүүхдийн хүмүүжлийн аян нээлтээ хийлээ2 сар 23. 13:30Голомт банк болон Нэйшнл лайф даатгал хамтран ажиллах санамж бичиг байгууллаа2 сар 23. 13:00Өнөөдрөөс агаарын температур + хэмд шилжих төлөвтэй байна2 сар 23. 13:00Улсын Их Хурлын дарга М.Энхболд ахмадууддаа хүндэтгэл үзүүлэв2 сар 23. 12:36Ээлжит бус чуулган гуравдугаар сарын 6-нд хуралдана2 сар 23. 12:00“Оюутан цэрэг”-ийн бүртгэл ирэх сарын 9-нд дуусна2 сар 23. 11:48Архангайн бөхчүүд түрүү булаалдав2 сар 23. 11:40Дэлхийтэй төстэй долоон гарагийг олж илрүүлжээ2 сар 23. 11:33Ч.Санжаадамба аваргадаа сар шинийн мэнд хүргэе2 сар 23. 11:20Дэлхийгээр аялсан эмэгтэй Монголыг хамгийн сайхан орноор нэрлэв2 сар 23. 11:11Хишигдалай, Маралжингоо нар хэнэггүй байсан нь2 сар 23. 11:00Бүртгүүлж амжаагүй ахмадууд “Насны хишиг”-ээ нөхөж авна2 сар 23. 10:56“Universe Best Songs” шоуны өрөвдөм PR2 сар 23. 10:20Өндгийг шинээр нь хэрхэн хадгалах вэ2 сар 23. 10:00Г.Золбоот: МУГЖ цол хүртэх болсондоо баяртай байна2 сар 23. 9:50Б.Гарамгайбаатар, Н.Батбаяр нарыг цагдан хорьсон нь Хөгжлийн банкнаас зээл авсан эрхмүүдэд хатуухан сануулга болов2 сар 23. 9:42Д.БЯМБАСҮРЭН: Үндсэн хуулиа өөрчлөхөөр өнөөдрөөр биш, дэлхийг харах хэрэгтэй2 сар 23. 9:38“Оюутолгой”-н хөлд монгол компаниуд сөхөрсөөр байх уу?!2 сар 23. 9:36Н.Алтанхуягийн хүргэнд 5 тэрбумыг өгсөн Я.Батсуурийн балаг!2 сар 23. 9:35Туульч, Цуурч, Хөөмийч Э.Баатаржав: Монголын язгуур урлаг гэдэг бол зүгээр нэг гурван хүн сууж байгаад зохиолын дуу бичдэг шиг юм биш2 сар 23. 9:35Засгийн газар ээлжит бусаар хуралдаж магадгүй2 сар 23. 9:32Өнөөдөр болох үйл явдлууд2 сар 23. 9:32Монгол Улсад суугаа Элчин сайд, суурин төлөөлөгчдөд сар шинийн мэндчилгээ дэвшүүлэв2 сар 23. 9:30Хотын даргын бэлгийг уламжиллаа2 сар 23. 9:20Майкл Жексоны бага хүү 15 нас хүрлээ2 сар 23. 9:10Нара сонгуульд өмссөн алдарт хөх дээлээрээ сар шинээр гоёно2 сар 23. 9:00Ерөнхий сайд асан Н.Алтанхуяг 10.00 цагт байцаалт өгнө2 сар 23. 9:00Цагаан сар тойрсон бодол эргэцүүлэл2 сар 23. 8:50

Спорт, аялал жуулчлалын салбарын шинэ хамтын ажиллагаанд анхаарал хандуулна гэв

/1-р сарын 12/  -  10 цаг 31 минут

Монгол Улсын Их Хурлын дарга М.Энхболд Бүгд Найрамдах Куба Улсаас Монгол Улсад суугаа Онц бөгөөд Бүрэн эрхт Элчин сайд Раул Дэлгадо Консэпсионыг Итгэмжлэх жуух бичгээ барьсантай нь холбогдуулан хүлээн авч уулзлаа.

Газар нутгийн хувьд алс зайдуу оршдог ч гэлээ Монгол, Куба улс харилцаа, хамтын ажиллагааны олон жилийн түүхтэй гэдгийг УИХ-ын дарга үгийнхээ эхэнд онцлоод өнгөрсөн оны 9-р сард Монгол Улсын Ерөнхийлөгч Ц.Элбэгдоржийн БНКУ-д хийсэн айлчлал найрсаг харилцаа, хамтын ажиллагааг шинэ шатанд гаргахад чухал ач холбогдолтой болсон гэдгийг тэмдэглэлээ.

“Хоёр орны хооронд боловсрол, эрүүл мэндийн салбарын хамтын ажиллагаа илүү үр дүнтэй хөгжиж байгаа бөгөөд монгол залуучуудыг сургах, мэргэжил эзэмшихэд Кубын Засгийн газраас байнга анхаарч ирсэнд бид талархдаг. Сүүлийн үед оюутан залуусыг харилцан сургах болж байгаа нь сайшаалтай хэрэг. МУИС, Хаванагийн их сургууль шууд хамтын ажиллагаатай болсон нь энэ чиглэлээрх үйл ажиллагаанд шинэ түлхэц болно гэдэгт итгэж байна. Түүнчлэн генетик, биотехнологийн зэрэг нарийн мэргэжлийн салбар, мал эмнэлгийн чиглэлээр куба мэргэжилтэн ирж ажиллах болсонд талархалтай байна” гэж УИХ-ын дарга М.Энхболд хэлээд ноён Элчин сайд Р.Дэлгадогийн Монголд ажиллах хугацаанд худалдаа, эдийн засгийн болон бусад салбарын хамтын ажиллагаа илүү өргөн хүрээнд амжилттай хөгжинө гэдэгт итгэлтэй байгаагаа илэрхийлэв.

Түүнчлэн спортын салбарын хамтын ажиллагааг эхлүүлэх талаар ноён Элчин сайдыг тусгайлан анхаарахыг хүсээд 2020 оны Токиогийн олимпод оролцох Монголын баг, тамирчдад энэ чиглэлээр дэмжлэг үзүүлээрэй гэв.

Ноён, Элчин сайд Р.Дэлгадо хүндэтгэн хүлээж авч буйд нь УИХ-ын дарга М.Энхболдод талархал илэрхийлээд Кубын Үндэсний Ассамблейн даргын мэндчилгээг уламжлав.

Тэрбээр “Миний ажиллах 4 жилд Таны саяын дэвшүүлсэн хамтын ажиллагааны саналууд ажил хэрэг болж, үр дүнд хүрнэ гэдэгт итгэлтэй байж болно” гээд Монгол Улсын Ерөнхийлөгчийн айлчлалын үеэр хэлэлцэн тохирсон асуудлуудыг хэрэгжүүлэхэд Кубын тал онцгой анхаарч байгаа гэдгийг тэмдэглэв. Энэ үеэр ноён Р.Дэлгадо боловсрол, эрүүл мэндийн салбар хариуцсан Монгол Улсын Засгийн газрын гишүүдтэй уулзаж, хамтран хэрэгжүүлэх төсөл хөтөлбөр, хамтын ажиллагааны асуудлаар санал солилцсон тухайгаа танилцуулав.

Тэрбээр спортын салбарын хамтын ажиллагааны асуудлаар УИХ-ын дарга М.Энхболдын дэвшүүлсэн саналыг дэмжиж байгаагаа илэрхийлж, “Токио-2020” олимпийн шигшээ тоглолтод Монголын боксчин шалгарч үлдэхийн төлөө миний бие хичээн ажиллана” гэв.

Мөн аялал жуулчлалын хамтын ажиллагааны асуудлыг уулзалтын үеэр УИХ-ын дарга М.Энхболд хөндсөн юм. Элчин сайд Р.Дэлгадо “Манай улс жилд 4.0 сая жуулчин хүлээн авч байна. Кубачууд аялал жуулчлалын салбарын ихээхэн туршлагатай. Монголчууд Кубад, кубачууд Монголд аялан жуулчилдаг болох талаар анхаарч ажиллах болно” гэлээ.

Уулзалтын төгсгөлд УИХ-ын дарга М.Энхболд Элчин сайд Р.Дэлгадод ажлын амжилт, сайн сайхныг хүсэв гэж УИХ-ын Тамгын газрын Хэвлэл мэдээлэл, олон нийттэй харилцах хэлтэс мэдээлэв.  

 

 



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.