Шинэ мэдээ

М.Нара “Яг түүн шиг” шоуны А.Хишигдалай, Б.Ариунцэцэг нарын нөхөрлөлийг “үнэлэв үү?”4 сар 22. 12:20Г.Цагаандарь, Ц.Сувд-Эрдэнэ нар үнэ төлбөргүй суралцана4 сар 22. 12:12Улс төр дэх секс - IV хэсэг: Ирина, чи өөрөө хүсээд байгаа юм бол...4 сар 22. 12:10Сайд Ц.Мөнх-Оргил ОУ-ын үзэсгэлэнд оролцох уран бүтээлчдийг хүлээн авч баяр хүргэлээ4 сар 22. 12:00Дуучин бүсгүйн шинэхэн амраг4 сар 22. 12:00Ирэх долоо хоногт УИХ ямар асуудлууд хэлэлцэх вэ4 сар 22. 11:592000 гаруй хүн Туул, Сэлбэ голын орчмыг цэвэрлэнэ4 сар 22. 11:52Өнөөдөр, маргааш хоёр өдөр махны өргөтгөсөн худалдаа болно4 сар 22. 11:44Сэтгэлээ номхруулахыг хүсвэл дараах 5 дүрмийг хэрэгжүүлээрэй4 сар 22. 11:40Маргааш ихэнх нутгаар хур тунадастай4 сар 22. 11:31Өнөөдрөөс үйлчилгээнд гарч буй нийтийн тээврийн шинэ чиглэл4 сар 22. 11:30Зөрчилтэй барилгуудыг буулгаж эхэллээ4 сар 22. 11:30Амьдралаа үндсээр нь өөрчлөх алхам хийх, аян замд гарах, шинэ танилтай болоход сайн4 сар 22. 11:27Нүүрсний үнэ цойлж, Монгол хиймэл дагуултай болсон долоо хоног4 сар 22. 11:26Чөдөр одтой, шаргачин туулай өдөр4 сар 22. 11:25Улаанбаатарт өдөртөө 5-7 градус дулаан4 сар 22. 11:24Шилжилт хөдөлгөөнийг түр зогсооно4 сар 22. 11:20Энэтхэгийн сайд, дарга нар машиндаа улаан гэрлэн дохио байрлуулахыг хоригложээ4 сар 22. 11:10Агаарын тээврийн орлого өсөж, 56 тэрбум 752.6 сая төгрөгт хүрэв4 сар 21. 18:0010000 рубль хожсон залуу захирлынхаа дээрээс шээжээ4 сар 21. 18:00Солонгост тохиолдсон хөгжилтэй явдал: Арай гэж харсан тавагтай юм байна4 сар 21. 17:46Мал төллөлт 46.7 хувьтай байна4 сар 21. 17:35”Мөнгөн ус худалдаж авна” гэсэн залилангаас сэрэмжлүүллээ4 сар 21. 17:20Зөрчилтэй барилгуудыг буулгаж эхэллээ4 сар 21. 17:19ЛеБрон Жэймс өнөөдөр 6 амжилт тогтоов4 сар 21. 17:05Маргааш 2000 гаруй хүн Туул, Сэлбэ голын орчмыг цэвэрлэнэ4 сар 21. 16:38Д.Трамп Колумбын Ерөнхийлөгчөөр ажиллаж байсан хүмүүстэй нууцаар уулзжээ4 сар 21. 15:30Олны танил бүсгүйчүүд хэрхэн өөрчлөгдсөн бэ?4 сар 21. 15:01Н.Учрал гишүүн залуучуудын нийгмийн асуудалд анхаарч байна4 сар 21. 14:56Гурван хүүхдийн амь аварсан У.Баяртогтохыг “Цагдаагийн алдар” тэмдгээр шагналаа4 сар 21. 14:41

С.Эрдэнэ АН-ыг шинэчилнэ гэхээр инээд хүрээд байх юм

/1-р сарын 11/  -  9 цаг 40 минут

АН-ын даргын сонгууль юу юугүй хаяанд тулж ирлээ. Өнгөрсөн хугацаанд намын даргын төлөө хамаг байдаг хүчээ шавхаж ирсэн талууд өнөөдөр гишүүдийнхээ саналаар хэн нь эрх мэдлийг тойргыг атгах вэ гэдгээ шийдүүлнэ. АН-ынхан намын даргын төлөө дээр дооргүй тэмцэлдэж дөрвөн жилд нэг удаа болдог УИХ-ын сонгуулиа хүртэл хөсөр хаясан. Ингээд сонгуульд ч ялагдаж намынхаа дотоод "зодооноо" ч олны өмнө ил гаргаж орхив.

Ингээд тэд намаа шинэчлэх нь зүйтэй гэсэн байр суурь дээр тогтож АН-ыг шинэчлэхээр зориг шулуудаад буй юм. Гэвч тэдний яриад байгаа шинэчлэл нь бидний боддог шинэчлэлтэй огт адилгүй бололтой. Угтаа бол шинэчлэл гэдэг нь намыг уналтад оруулсан хууччуул нь зайгаа тавьж өгч шинэ залуус нь намынхаа жолоог атгаж шинэ байдлаар асуудалд хандах атал АН-ын шинэчлэл эсрэгээрээ.

Намаа ялагдуулсан, намаа талцуулсан эрхмүүд нь дахиад л шинэчлэл гэдэг зүйлийг яриад гараад ирлээ. Үүнийг тэд шинэчлэл гэж андуурдаг бололтой. Үүний нэг жишээ нь С.Эрдэнэ юм. Баянголоор бараг л овоглох болсон энэ эрхэм өнөөдөр бусад дөрвөн нэр дэвшигчидтэйгээ хамтаар орон нутгаар тойрч байна. Түүний явсан газруудад чих тавихад шинэчлэл хэмээн хамгийн ихээр попорч байгаа хүмүүсийн нэг болчихсон байгаа аж.

С.Эрдэнэ гэдэг хүн өнгөрсөн хорь гаруй жилийн хугацаанд АН-ын хамаг л өнгөтэй өөдтэй албан тушаалуудыг хашиж ирсэн нэгэн. Энэ хугацаандаа тэр намаа шинэчлэхгүй ер нь юу хийж байсан юм бол. "Эрдэнэ вангийн хошуу" гэдэг нэртэй болтолоо л Баянголд ах дүү хамаатан садан, өөрийн туслах, зөвлөхүүдээ албан тушаалд томилсон талаар хэвлэл бүр л ярьж, бичиж байсан.

Хамгийн сүүлийн ганц жишээ л бол С.Эрдэнэ гишүүнийг уг салбарын сайд байх он жилүүдэд нийгмийн даатгалынханд иргэд талийгаач болсон ахмад настныхаа бичиг баримтыг хүргүүлдэг ч талийгаачийн нэрийг улсын бүртгэлээс хасалгүйгээр, улсаас тэтгэврийг нь хэдэн жил, сараар авсаар, улсыг 6 тэрбум төгрөгөөр хохироосон гэх энэ хэрэг хяналтын шатандаа хаагдаж, хэрэгсэхгүй болоод байгаа юм. Нийслэлийн прокурорын газрын хяналтын прокурор Г.Бясман “Нийслэлийн дүүргүүдийн нийгмийн даатгалын хэлтсийн холбогдох албан тушаалтнууд, тэтгэвэр хариуцсан байцаагч нар хууль тогтоомжийн дагуу албан үүргээ биелүүлээгүйгээс улсад хохирол учруулж, хувьдаа мөнгө завшсан хэрэгт Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс мөрдөн байцаалтын ажиллагааг явуулж шалгасан. Энэ хэрэг Чингэлтэй дүүргийн хяналт дор явагдсан байгаа. Дээрх хэрэгтэй холбогдуулан эрх бүхий нийгмийн даатгалын хэлтсийн албан тушаалтнуудыг эрүүгийн хуулийн тусгай ангийн 256.3, 272.2-т зааснаас яллагдагчаар татаж мөрдөн байцаалтын ажиллагааг явуулсан.

Ингэхэд тэдгээр албан тушаалтнууд тухайн гэмт хэргийг үйлдсэн болох нь тогтоогдсон. Гэвч хөөн хэлэлцэх хугацаа буюу эрүүгийн хариуцлагад татаж болох хугацаа нь өнгөрсөн байсан учир Эрүүгийн байцаан шийтгэх хуулийн 72.1.1, 24.1.1, 208.1.1-т зүйлд заасан үндэслэлээр шалгагдаж байсан хүмүүсийн хэрэг хэрэгсэхгүй болсон.

Өөрөөр хэлбэл мөнгө идэж уусан нь тогтоогдсон ч хэргийн хөөн хэлэлцэх хугацаа дууссан болохоор хэргийг хаасан” гэж ярив. Тухайн үед зарим хэвлэлүүдээр нас барсан иргэдийн нэрээр мөнгө завшигчидтай холбоотой хэрэгт С.Эрдэнийг шалгаж байгаа гэх мэдээллийг цагдаагийн байгууллагаас өгч байсан удаатай ч, сүүлдээ уг асуудлаар юм дуугарахаа больсон гэх. Ямартаа ч бурхан болсон хэн нэгний ясыг өндөлүүлсэн гүжир балмад хэрэг өнгөрсөн хугацаанд С.Эрдэнийг тус салбарыг хариуцаж байхад нь гарсан нь үнэн. Улмаар нотлогдчихсон атлаа хүчингүй болсон нь үнэн юм.

Дээрээс нь нэмээд хэлэхэд С.Эрдэнэ нэр дэвшигчийн өнөөдөр яриад буруутгаад байгаа бүх зүйлийн үед тэр өөрөө дотор нь байсан. Бүр гар бие оролцдог байсан. Хөгжлийн банкны завхрал, бондын мөнгө шамшигдуулсан явдал, АН доторх "дайн" гээд өнөөдөр буруутгаж яриад байгаа бүх зүйлдээ тэр хамгийн ойрхон байсан нь. Яагаад тухайн үедээ энэ бүх асуудлаа ярихгүй өнөөдөр гэнэт унтаж байгаад сэрсэн мэт зүйлсийг яриад эхлэв. Тэр ч байтугай Баянголын хамаг л өнгөтэй өөдтэй бүхний өөр дээрээ авсан ч яриа байдаг. Хандгайтын ам С.Эрдэнэ гэдэг хүний хувийн өмч шахуу болчихсон гээд АН-ын шинэчлэхээр нэр дэвшиж буй энэ хүнтэй холбоотой янз бүрийн л мэдээлэл байна. Эцэст энэ бүхнээс дүгнэж үзэхэд намын даргыг хэн авах ёстой вэ, намын даргад хэн нэр дэвших ёстой вэ.

Одоогийн АН-ын бүлгийн дарга С.Эрдэнэ бүхий л завхарлыг бий болгоход нь хажууд нь байсан АН-аа шинэчилж чадах уу. Магадгүй төдийгөөс өдий хүртэл хорь гаруй жил энэ намын шат шатны удирдах албан тушаалыг хашиж байхдаа бурууг зөв болгож чадаагүй хүн одоо яах бол гэдэг асуулт хэвээрээ л үлдэж байна даа.

Б.Анир



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.