Шинэ мэдээ

Удам дамжсан уурхайчин11 сар 17. 16:25МАН-ыг хуваах Ардчилсан намын төлөвлөгөө11 сар 17. 15:23Ахлах мастерын ажлын нэг өдөр11 сар 15. 12:36Экологийн ул мөр гэж юу вэ11 сар 15. 10:25Н.Цэрэнбат сайд байгаль хамгаалагчдыг камераар зөрчил илрүүлж, баримтжуулах нөхцөл бололцоогоор хангана гэв11 сар 14. 15:20Д.Хаянхярваа: Нийгмийн ёс зүй, зарчим, үнэт зүйл, хүн чанар алдагдаж байна11 сар 13. 16:05Х.Батжаргал: Монгол Улсын БОАЖЯ-ны манлайллыг НҮБ-ын индэр дээр үнэлсэн11 сар 13. 14:04Тусгай хамгаалалттай газар нутгийн сүлжээний урлагийн анхдугаар наадам боллоо11 сар 13. 12:58О.Гонсон: Байгаль орчныг хамгаалах тухай хуулийг боловсруулахад гар бие оролцож байлаа11 сар 13. 10:20Н.Цэрэнбат: Богино хугацаанд 1 сая жуулчин татаж, аялал жуулчлалын орлогыг 1 тэрбум ам.долларт хүргэх боломжтой11 сар 13. 9:25ТА ЧУХАМ АЛЬ НЬ ВЭ?11 сар 11. 12:25Монгол бахархлын өдрөөр Монгол Улсын төрийн дээд шагнал-тэргүүн зэргийн одон “Чингис хаан” одон хүртэх эрхмийг дараагийн долоо хоногт тодруулна11 сар 11. 12:23Дөрвөн хүн есөн давхараас унаж амиа алдлаа11 сар 11. 12:21Импорт орлох бүтээгдэхүүний үйлдвэрлэлийг сурвалжлахуй11 сар 9. 17:01Б.Найдалаа: Арилжааны банкууд зээл олгохдоо тухайн бизнес байгаль орчинд ээлтэй, эсэхийг шалгадаг болсон11 сар 8. 10:15Монголын хамгийн том токарийн машины эзэн11 сар 7. 15:20Ц.Дамдин: Миний амьдралын 30 жил Байгаль орчин, аялал жуулчлалын яамтай салшгүй холбоотой11 сар 7. 11:53Байгаль орчны менежмэнтийн тогтолцоо гэж юу вэ11 сар 7. 10:10Ц.Банзрагч: Ой модны аж үйлдвэрийн яам, Ус цаг уурын удирдах газрыг нэгтгэж Байгаль орчныг хамгаалах яам бий болсон11 сар 3. 17:30Эрдэмтэд 50-аас дээш настай хүн аав болох нь аюултай гэв11 сар 3. 12:59Эр хүйстэй “эмэгтэйчүүд”-ийг цэрэгт татъя11 сар 3. 12:57"Энэ Нара ойгүй тэнэг гэдэгт 100 хувь итгэж байнаа би"11 сар 3. 12:54Д.Нора ”Бусад нь бүгд тэгдэг гэдэг үг надад нөлөөлөхгүй”11 сар 3. 12:26Дөрөв дэх амьдралаа эхлүүлсэн дуучин Х.Лхагвасүрэн охинтой болжээ11 сар 3. 12:21Р.Эмүжин тоймч Б.Дашзэвгийг ”Сэтгэцийн өвчтэй” гэв11 сар 3. 12:19У.Хүрэлсүх: Ж.Мөнхбатаа таны авлигал авч байж томилсон бүх хүмүүсийн чинь хална за11 сар 3. 12:14Ч.Саранзаяа: УИХ-ын гишүүн Д.Гантулгыг “хоёулаа шалгуулъя” л гэсэн11 сар 3. 12:07Д.Жагдаг: Судалгаагаар Сибирийн хүр эрвээхий, Өрөөсгөл хүр эрвээхий их хэмжээгээр олшрох төлөвтэй байна11 сар 3. 10:00Монгол залуус Америкт хонь төхөөрч байгаад цагдаад баригджээ11 сар 2. 22:33Ж.Мөнхбат: Ерөнхий сайд над руу баахан дайрлаа11 сар 2. 20:54

Нийслэлийн Засаг даргын захирамжийг ҮАБЗ дэмжив

/1-р сарын 10/  -  15 цаг 05 минут

Өнөөдөр Төрийн ордонд хуралдсан Үндэсний аюулгүй байдлын зөвлөл /ҮАБЗ/-ийн өргөтгөсөн хуралдаанд Нийслэлийн Засаг дарга бөгөөд Улаанбаатар хотын захирагч С.Батболд оролцож, Агаарын бохирдлыг бууруулах чиглэлээр гаргасан захирамжаа танилцуулав.

ҮАБЗ хотын даргын гаргасан шийдвэрийг дэмжсэний зэрэгцээ иргэдийн шилжилт хөдөлгөөнийг ирэх оны нэгдүгээр сарын нэгний өдрийг хүртэл түр зогсоосон шийдвэрийг “Хүний эрхийг хязгаарлаагүй” хэмээн үзсэн гэж нийслэлийн Засаг дарга С.Батболд сэтгүүлчдэд мэдээллээ. Тэрбээр хэвлэлийнхэнтэй уулзах үеэр гаргасан захирамжуудынхаа талаар танилцуулсан.

Нэгдүгээрт Улаанбаатарт суурьшлын бүс тогтоох буюу улаан шугам татах тухай захирамжаар суурьшлын бүсийн тогтоосон хэсгээс гаднах хэсэгт шинээр гэр хороолол төлөвлөж, шинэ суурьшлын бүс бий болгохгүй бөгөөд уг газар нь эко газар байх аж.

Хоёр дахь захирамжаар агаарын чанарын  өнөөгийн байдлыг харгалзан  нийслэлд агаарын бохирдлын 4 бүсчлэлийг тогтоосон. Эхний бүсэд  орон сууц, байшин хороолол багтана.  Уг бүсэд ямар ч тохиолдолд яндангаас утаа гаргахгүй хэмээн тодорхойлжээ. Харин 2-4 дүгээр бүсэд тодорхой заагтай цахилгаан халаагуур, сайжруулсан түлш хэрэглэхийг тогтоон захирамжлав.  Мөн  агаарын бохирдлыг бууруулах хөтөлбөрийг үр дүнтэй хэрэгжүүлэх, бүсчлэлээс хамааран төрийн бодлого зохицуулалт, утааг багасгах арга хэмжээ төслүүдийг хэрэгжүүлэхээр тусгажээ.

“Хязгаарлалтын арга хэмжээ авах тухай” буюу гурав дахь захирамжаар  шилжилт хөдөлгөөнийг хязгаарлажээ. Гэхдээ Улаанбаатар хотод удаан хугацаанд эмчлүүлэх шаардлагатай иргэдийг шилжүүлж болно. Мөн Улаанбаатар хотод зээлд хамрагдан орон сууц худалдан авсан иргэний шилжилт хөдөлгөөнийг зөвшөөрөх аж. Бусад тохиолдолд ирэх оны нэгдүгээр сарын 1-ний өдөр хүртэл шилжилт хөдөлгөөнийг  хориглохоор болов.

Мэдээллийн дараа сэтгүүлчид сонирхсон асуултдаа хариулт авсан юм.

-Шилжилт хөдөлгөөнийг 2018 он хүртэл түр зогсоолоо. Хугацаа дууссаны дараа ямар арга хэмжээ авах вэ?

-Үндэсний аюулгүй байдлын зөвлөлөөс шилжилт хөдөлгөөнийг түр зогсоох шийдвэрийг сунгаж болно гэдэг шийдвэр гарч байгаа. Тиймээс бид шилжилт хөдөлгөөнийг сунгах эсэхийг тухайн үед шийднэ. 

-Агаарын бохирдлыг бууруулах захирамж хэрэгжиж эхэлснээр агаарын бохирдол хэдэн хувь буурах вэ?

-Засгийн газрын мөрийн хөтөлбөрт агаарыг бохирдлыг 20 хувь бууруулна гэж төлөвлөсөн. Улаанбаатар хотын амьжиргааны баталгаажих түвшин доогуур орлоготой иргэдэд одооноос сайжруулсан түлш тараана. Цаашид түүхий нүүрсний хэрэглээг халах замаар агаарын бохирдлыг бууруулна. Хот хэнийг ч ажлын байргүй болгохгүй. Дугуй засвар ажиллуулж байгаа  иргэд нүүрс түлэхээ болих хэрэгтэй. Тэд сайжруулсан түлш, газ, халаагуур хэрэглэж болно. Хоёрдугаарт, Засгийн газрын зүгээс халаагуур болон бусад хэрэгслийг гаалийн татвараас чөлөөлөх асуудлыг хэлэлцэнэ.

-Нийслэл рүү ирэх шилжилт хөдөлгөөнийг хязгаарлаж байгаа нь цэц дээр очих асуудал юм биш үү. Өмнө нь ийм асуудлыг цэц авч хэлэлцээд “Үндсэн хууль зөрчсөн байна” хэмээн шийдвэрлэж байсан?

-Хэвлэл мэдээллийн удирдлагууд өнөөдрийн өргөтгөсөн хуралдаанд оролцсон. Ерөнхийлөгчийн зүгээс тэдэнд хандаж хотын даргын гаргасан шийдвэрийг үнэн зөвөөр иргэдэд ойлгуулаарай хэмээн уриалсан. Энэхүү шийдвэр бол Улаанбаатар хотын хэмжээнд хэрэгжинэ. Дорнодын иргэн Зүүнхараа, Сэлэнгэд суурьших эрхэд бид халдаагүй.

-Эмнэлгийн хүртээмжид хэрхэн анхаарч байна вэ. Цэцэрлэгүүдэд агаар шүүгч тавих шийдвэр хэдий хүртэл хэрэгжих вэ. Мэдээж санхүүжилт шаардлагатай болно. Нам даралтын зуухыг солино гэлээ. Цэцэрлэг, сургуулиуд хэзээ зуухаа сольсон байх вэ?

-Улаанбаатарын хэмжээнд хүүхдийн өвчлөл нэмэгдэж байгаатай холбогдуулж, 600 ороор хүүхдийн эмнэлгийг өргөтгөсөн. Он гарангуут Баянгол дүүрэгт 100 ортой хүүхдийн шинэ эмнэлэг ашиглалтад орно. Бүрэн эрхийнхээ хүрээнд хоёр хүүхдийн шинэ эмнэлэг ашиглалтад оруулахаар ажиллаж байна. Томуугийн өвчлөл буурч байна. Бидний авсан мэдээллээр 13 хувиас 10 хувь руу буурсан байна. Хүүхдийн дуудлага нэг хоногт 2500 байснаа одоо 1500 болсон хэмээн мэргэжлийн байгууллагаас авсан мэдээлэл байна. Манай нэгдсэн эмнэлгүүдэд хүүхдийн ор цөөн байдаг. Урин дулааны үед хүүхдийн өвчлөл бага байдаг тул хэт олноор ор нэмэх нь оновчгүй. Нөгөө талаар хоосон ор, хоосон өрөө олон байхаар эмнэлгүүдийн төсөв санхүүд нөлөөлдөг гэдгийг манайхан ойлгох хэрэгтэй. Бид саяхан 200 ангид агаарын шүүгч тараасан. Одоо 250-ыг нэмж тараана. Цаашдаа бүх сургуульд агаар шүүгч тавина. Захирамж хэрэгжиж байгаа тул ААН-үүдэд зуухаа соль гэсэн шаардлага тавина. Нийслэлийн харьяа байгууллагууд гэхэд зуух яндан хэрэглэхгүй.

Б.Туул



АНХААРУУЛГА: Уншигчдын бичсэн сэтгэгдэлд uls.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Холбогдох утас: 91777757

Сэтгэгдэл бичих

ULS.MN © 2017 он. Зохиогчийн эрх хуулиар хамгаалагдсан.