Шинэ мэдээ

Шударга ёсны тэмцлээр эхэлсэн У.Хүрэлсүхийн Засгийн газар хариуцлагын шинэ жишиг тогтоолоо1 сар 21. 18:03“Хатуу хог хаягдлын менежментийг шинэчлэх төсөл”-д ажилтан сонгон шалгаруулж авна1 сар 21. 10:51Айл бүрт заавал байх хэрэгцээтэй олон үйлдэлт аяны “Эко мешок”-ыг тусгайлан Монголд үйлдвэрлэв1 сар 14. 18:40Ковид ба кибер аюулгүй байдал1 сар 14. 18:25“Korea Grand Sale 2021”: Нэгдүгээр сарын 14-нөөс 46 хоногийн турш онлайнаар зохион байгуулагдана1 сар 12. 11:51"Ноён Бондгор"-ын дууг ам барьж дуулж уралдаанд оролцжээ1 сар 10. 13:57“Gobi challenge-2020” олон өдрийн ТЭМЭЭН АЯЛАЛ өндөрлөлөө1 сар 8. 13:37О.Амартүвшин төрөөс дээгүүр загнаж, самарчдыг дээрэмдэж байна1 сар 8. 13:03Самрын бизнесд сан байгуулж “самрах” шийдвэрийг МХАҮТ гаргажээ1 сар 7. 13:08МҮХАҮТ “Гарал үүслийн гэрчилгээ” зараад байна уу, Сан байгуулж дээрэм хийх үү?1 сар 7. 11:54“Gobi challenge-2020” олон өдрийн тэмээн аялал үзэгчдийн хүртээл болно1 сар 5. 13:35Хүүхдийн төлөө фонд1 сар 5. 11:51Ноён Бондгорын 200 саяын уралдаанд 1000 гаруй хүн бичлэг илгээжээ2020, 12 сар 30. 10:37Ил захидал2020, 12 сар 25. 16:24Төрийн тусгай албан хаагчдын нэгдсэн эмнэлэг эмч, ажилчдынхаа дунд "ТӨСЛИЙН УРАЛДААН” зохион байгууллаа2020, 12 сар 25. 11:39Д.Баярмандах: БНСУ дахь иргэдийнхээ нийгмийн баталгааг ханган ажиллаж байна2020, 12 сар 24. 13:39Дуугаа дуулаад байртай болоорой!2020, 12 сар 24. 12:18Талархлаа илэрхийлж гэрлэн дохио нь эмч, цагдаагийн дүрсээр асдаг болжээ2020, 12 сар 23. 16:12ХӨСҮТ-ийн албан хаагчдад эрүүл мэндийн бүтээгдэхүүн хандивлалаа2020, 12 сар 14. 16:43Баянгол дүүргийн ИТХ-ын ээлжит хуралдаан боллоо2020, 12 сар 8. 14:15Д.Наратуяа: ЭМЯ хууль зөрчсөн болон үйлдвэрийн үнээс өндөр үнээр худалдан авалт хийгээгүй гэдгийг албан ёсоор мэдэгдье2020, 12 сар 8. 14:09"Номин"-гийн Баярсайхан, буурал А.Гансүх нарын хоршил ЭРЭЛ-ийн Эрдэнэбатыг дээрэмдэх ажиллагаа2020, 12 сар 7. 9:44"Чингис хаан" музейгээр улс төр хийх цаг нь биш, УИХ-ын гишүүдээ2020, 12 сар 2. 14:44Засаг даргад хууль бус нөхөр зүтгэх нь цагийн гарз2020, 11 сар 28. 13:37МУИС-ын ХЗС-ийн оюутнууд “Өгөх нь Авахаасаа ерөөлтэй” сайн үйлсийн аян өрнүүлж СХД-ийн ОК-д гардуулан өгчээ2020, 11 сар 27. 15:33Хүнс тэжээлийн дутагдалтай байгаа 1000 өрхөд хүнсний багцыг хүргэж байна2020, 11 сар 20. 13:19Ж. Шижир: Дэлхийд гарах Монгол системийг хөгжүүлж байна2020, 11 сар 20. 11:43Улаанбаатарыг Ухань болгохгүй гэвэл хатуу дэглэмээ л мөрд2020, 11 сар 19. 14:29Монгол улс, БНХАУ-тай хил хязгаарын маргаантай асуудал байхгүй2020, 11 сар 18. 13:22Хайртай, дотны хүмүүсийнхээ төлөө гэртээ байхыг уриалж байна2020, 11 сар 18. 13:16

Монгол Улсын Ерөнхийлөгч Ц.Элбэгдорж Японы Элчин сайд Т.Шимизүг хүлээн авч уулзав

/12-р сарын 1/  -  9 цаг 12 минут

Монгол Улсын Ерөнхийлөгч Ц.Элбэгдорж Япон Улсаас Монгол Улсад суугаа Онц бөгөөд Бүрэн эрхт Элчин сайд Такэнори Шимизүг бүрэн эрхийнхээ хугацааг өндөрлүүлэн эх орондоо буцаж байгааг нь тохиолдуулан өнөөдөр /2016.11.30/ хүлээн авч уулзав.

Уулзалтын эхэнд Элчин сайд Такэнори Шимизү цаг гарган хүлээн авч уулзаж байгаад нь Монгол Улсын Ерөнхийлөгчид талархал илэрхийллээ. Тэрээр Монгол Улсад нийтдээ 5 жил 2 сар ажиллажээ. Энэ хугацаанд хоёр улсын харилцаа өндөр түвшинд хүрсэн хэмээн үзэж байгаагаа Элчин сайд илэрхийлж, үүнд Ерөнхийлөгч Ц.Элбэгдоржийн оруулсан хувь нэмэр маш их байсан гэдгийг хэлэв.

Элчин сайд Такэнори Шимизү цааш хэлэхдээ “Япон Улсын Ерөнхий сайдын хувьд Абэ, Эбэ гэсэн тусгай нэр томъёо гарган нийтдээ 9 удаагийн уулзалтыг Ерөнхийлөгч тантай хийсэн. Ерөнхий сайд Ш.Абэ Монгол Улсад 6 удаа биечлэн айлчилсан. Эдгээр нь манай хоёр орны харилцаа өндөр түвшинд хүрсний жишээ гэж би Элчин сайдын хувьд үзэж, маш талархаж байдаг.

Улс төрийн харилцаанаас гадна иргэд хоорондын харилцаа сайн хөгжиж ирлээ.

Эдийн засгийн түншлэлийн хэлэлцээрийг байгуулснаар хоёр талын эдийн засгийн харилцаанд цаашид ихээхэн ахиц гарна гэдэгт итгэл төгс байна.

Монгол Улсын Ерөнхийлөгч таныг 1989 оноос хойш би сайн мэднэ. Улстөрчийн хувьд миний хамгийн их хүндэтгэж явдаг хүний нэг бол та юм. Таны Япон Улсад үзүүлсэн найрсаг байдал хоёр орны харилцааг өнөөгийн өндөр түвшинд хүргэсэнд дахин дахин талархал илэрхийлье. Таны цаашдын ажилд өндөр амжилт хүсье” гэлээ.

Монгол Улсын Ерөнхийлөгч Ц.Элбэгдорж хариу хэлсэн үгэндээ “Танд их баярлалаа. Таны хэлснээр хоёр орны харилцаа өндөр амжилтад хүрсэн гэдэгтэй би санал нэг байна. Үнэхээр хоёр орны харилцаа Монгол Улс нээлттэй нийгэмд шилжсэнээс хойш урьд өмнө төсөөлж байгаагүй сайн түвшинд хүрсэн. Хоёр ард түмний хоорондын харилцаа  ч дээд түвшинд хүрсэн. Энэ үйл ажиллагаанд эрхэм Элчин сайд таны оруулсан хувь нэмэр асар их байгаа. Та бол гадаад харилцааны салбарт Монгол Улстай хамгийн удаан хамтарч ажилласан хүний нэг байх.

Өнгөрсөн хугацаанд Ш.Абэ Ерөнхий сайд, түүний Засгийн газартай хамтарч ажилласан үйл ажиллагаанд би өндөр ач холбогдол өгдөг. Энэ хүрсэн түвшин цаашдаа хадгалагдаж явна гэдэгт бүрэн итгэлтэй байна.

Ш.Абэ Ерөнхий сайдын зүгээс үзүүлж байгаа их итгэлийг бид бодит үйл ажиллагаа, агуулгаар хангаж ажиллах ёстой. Саяхан Монгол Улсын Ерөнхий сайд Япон Улсад айлчилсан. Япон Улстай харилцах харилцаан дээр аль ч УИХ, Засгийн газар өмнө явж ирсэн уламжлалыг хэвээр хадгалж, улам өргөжүүлж ажиллана.

 Өнгөрсөн хугацаанд явж ирсэн бидний харилцааны том үр дүн бол Эдийн засгийн түншлэлийн хэлэлцээр юм. Одоо үүнийг бодит ажил болгож ажиллахад урт хугацааны их зам хүлээж байна. Амжилттай хэрэгжинэ гэдэгт итгэлтэй байгаа” гэв.

Хоёр орны хоорондын шинэ хамтын ажиллагааны дунд хугацааны хөтөлбөрийг бэлтгэж байгааг Элчин сайд уулзалтын үеэр мөн онцолж байлаа.

Монгол Улсын Ерөнхийлөгч Ц.Элбэгдорж “Японы Цог жавхлант Эзэн хаан, түүний гэр бүлийнхэн Монголд маш сайн ханддаг. Бид ойр дотно харилцаатай байдаг. Манай өндөр дээд хэмжээний төлөөлөгчдийг хүлээн авч уулзаж байдаг нь их хүндэтгэл юм гэж харж байгаа. Энэ харилцааг бид үнэлж, их талархаж явдаг гэдгийг та уламжлаарай. Цог жавхлант Эзэн хаанд эрүүл энх, хамгийн сайн сайхныг хүсч байна. Эзэн хааны гэр бүлийнхний Монголд хүрэлцэн ирэх урилга байнга нээлтэй байдаг.

Ш.Абэ Ерөнхий сайдтай өнгөрсөн 9 дүгээр сард, НҮБ-ын Ассамблейн үеэр хамгийн сүүлд тааралдсан. Тэр үеэр Монгол Улсын Ерөнхий сайдын айлчлалын талаар ярилцсан. Ш.Абэ Ерөнхий сайдын явуулж байгаа бодлого, ялангуяа бүс нутгийн энх тайвны талаарх санаачилгатай бид сэтгэл нэг байдаг” гээд Элчин сайд Такэнори Шимизүгийн дараагийн ажилд амжилт хүсч, сайн сайхныг хүсэн ерөөв.

Коронавириустэй холбоотойгоор хуурамч мэдээлэл түгээхээс сэргийлж манай сайт тодорхой хугацаагаар сэтгэгдэл хэсгээ түр хаасан болно.

ULS.MN © 2021 он. Зохиогчийн эрх хуулиар хамгаалагдсан.